花嫁物品第十一回 - Sanrio 禮封

2012 年 12 月 6 日, 星期四



期待已久, 等了不知有多久的 " 犀利人妻最終回 "
香港終於都上畫啦

放大假的廁紙
加上對 " 犀利人妻 " 無興趣的草紙
我決定, 自己一個人去看早埸

看完早場
一個人, 逛東, 逛西
我最 Like
喜歡星期六放假可以陪草紙
也喜歡平日放假, 可以在人少少的情況下, 逛逛街, 食平價餐

由先施, 逛到 Jusco, 再逛到千色店
逛盡今年最後一次的大減價

事隔一星期, Jusco 冬日床品展
我那套 " 恨 " 了很久的 Hello Kitty 龍鳳被, 竟然比上星期還要平
前前後後, 我蝕了百多元
Anyway, 千金難買心頭好
豪出去

逛了不知幾多次都遇不上的 Hello Kitty 龍鳳被 Display
今日, 終於遇上
好靚呀
看一次, 喜歡一次
接近千九元的貴價龍鳳被
我覺得, 值

因為買蘋果汁有免費送貨的關係
兩手空空的廁紙, 又逛到千色店
又去看婚嫁物品

哎......
其實我真的幾 Enjoy 籌備婚禮的過程
雖然當中都遇過沮喪, 生氣, 想過放棄的時候

一直都覺得, 一個靚靚的禮封是 Unnecessary
人家收上過百封人情
折完, 欣賞完就算啦, 那會好好珍藏
所以我從來都不會花個十元八塊去買禮封
我, 就只用免費利是封

不過呢, 自己用嘛
又不同講法

我在想
既然廁紙媽要求過大禮
與其在金都買個包羅萬有利是封
不如, 買個我喜歡的 Sanrio 禮封, 再 DIY " 包羅萬有 ", " 禮金 " 幾個字上去
說服自己成功, 買

不過出 Blog 之日
我又有新的 DIY Idea
這幾個嘛, 可能當收珍藏吧