2011 年 5 月 21 日, 星期六
迪士尼 VIP 日接近尾聲
今日再不去, 又蝕啦
去年, 草紙說要讓他的家人去
結果去不成, 浪費了兩張門票
今年, 草紙又說要讓他的家人去
結果都是去不成, 可幸今年沒有浪費兩張門票
先說說換免費票的麻煩事
記得以前, 拿著 Annual Pass 就可以換免費門票
今年呢, 早就知道要 Check 身份証
這一天, 草紙有公務在身, 要晚一點才可以去迪迪尼
但廁紙又想跟家人早點入園玩
誰知, 要 Check 身份証之餘, 也要見真人才發門票
光是換免費票已經超級, 超級麻煩
結果, 廁紙姨要提早給表妹仔續會才成事
換門票麻煩, 廁紙媽麻煩, 三個表妹又麻煩
總之好麻煩啊
迪士尼, 還是跟草紙二人行比較舒適, 暢快
下次, 還是寧可浪費免費門票啦
要不, 勞心又勞力, 虛脫呀
左攪右攪, 成功入園, 已經一時多
巡遊啦
三個表妹看得興奮
還出去一起玩呀
第二站, 去夢想花園影相
小飛象, 旋轉木馬, 通通都要讓路
雖然夢想花園的卡通人物平凡過平凡, 普通過普通
但都一定要影
要不, 廁紙媽事後一定會轟炸我這天沒有給她影這個, 影那個
其實呢, 廁紙之所以覺得廁紙媽麻煩
是因為廁紙媽在影相方面超級麻煩呀
又超級管家婆
我連影相的自由都無啊
我, 其實只是一個無薪受僱的攝影師
That's why 我一直掙扎暑假要不要帶 D5100 去泰國
可能有人會說, 誰會有人這樣說自己的娘親
但是, 我娘親, 經常性都好麻煩, 好麻煩, 好麻煩
神啊 ~~
原諒我
雖然她是我娘親, 但麻煩到我身時, 我個心真的會 xXyz......
第三站, 倍玩低能遊戲
雖然低能, 雖然煩, 雖然累, 但我心甘情願囉
誰叫我提議帶三隻小魔怪去迪迪尼呢
但我真的好討厭小朋友的煩音交響曲
好嘈, 好煩呀
為了三隻小魔怪開心
超級多人都去排小飛象
可惜, 天意弄人
差不多排到我們的時候
下雨呀, 還要是超級超級大雨
結果, 得個吉
唯有轉戰旋轉木馬
廁紙姨沒有帶雨傘
既然下雨, 順便去 Shop 買兩把小朋友雨傘啦
超級麻煩事, 又來啦
家姐一向都喜歡 Princess, 當然買 Princess 雨傘啦
OK, Fine, 家姐一看就選中啦
肥妹呢, 平常都不喜歡 Princess, 喜歡男仔玩具, 喜歡 Toy Story 的
今日又竟然因為家姐喜歡 Princess, 她又說要買 Princess
但廁紙姨不想買兩把相同的嘛
努力游說肥妹買其他的都不果, 好麻煩啊
今早就因為肥妹的激喊 " 我要同家姐一齊去 " 才弄的一連串麻煩事
還好, 最後找到另一款 Princess 雨傘啊
廁紙心想
我小時候, 會有這麼麻煩嗎
記得某年, 還在讀幼稚園的我
每日放學都會跟廁紙媽和同學的媽媽們去飲茶, 去 Shopping
記得廁紙家附近的星際商場是媽媽們的蒲點
有天, 廁紙跟廁紙媽在星際商場的一家小店看上一對蝴蝶髮夾
廁紙好喜歡, 我知廁紙媽都好喜歡, 不過當時沒有買
過幾天, 廁紙對蝴蝶髮夾念念不忘
就跟廁紙媽說好喜歡, 好想買
廁紙媽一口答允, 不過條件是, 買黃色, 不買紅色
其實呢, 當年的我, 喜歡紅色, 不喜歡黃色的
不過為怕廁紙媽不肯買, 黃色就黃色啦
不喜歡黃色都無法啦, 總好過不買嘛
人大了, 回想過來, 其實黃色真的比紅色美
亦慶幸廁紙媽當日的堅持只買黃色
每次想起這事, 都好想找回那對黃色蝴蝶髮夾呢
雖說肥妹麻煩
不過, 肥妹都有可愛的時候
記不起跟肥妹說了什麼
肥妹說要送禮物給我
我問 " 咁你送咩禮物俾我先? "
肥妹 " 我送泥膠俾你丫 "
廁紙 " 我都唔中意泥膠 "
肥妹 " 我送印仔俾你丫 "
廁紙 " 我都唔中意印仔 "
肥妹 " 我送...... ( 數出一大堆她自己最喜歡的玩具 ) "
廁紙 " 我都唔中意喎 "
肥妹 " 咁你想要咩呀? "
廁紙 " 我想要翠絲 "
( 其實是肥妹好喜歡, 又好想擁有翠絲, 不過還未有人送給她啊 )
廁紙姨 " 你都無翠絲, 你點送俾表姐呀? "
肥妹 " 媽咪你買翠絲俾我, 我再送俾表姐咪得囉 "
( 好大方啊, 明明自己都好想要 )
玩完巴斯光年, 三個表妹當然在 Shop 玩得不亦樂乎, 不肯走
拉她們走之際
肥妹 " 呀...... 未揀禮物俾表姐呀 "
肥妹 " 我送呢個俾你丫, 我送呢個俾你丫, 我送呢個俾你丫...... "
又指著一大堆她好喜歡的玩具說要送給我
廁紙 " 唔洗啦, 知你乖啦, 我唔要啦 "
去到大街, 再逛 Shop
三個表妹又玩得不亦樂乎, 又要拉她們走
離開之際
肥妹本來已經收好貼紙, 又叫廁紙姨拿出來給她
肥妹將貼紙全都拿出來, 像大人玩啤牌般攤開
" 我有 Marie 貓, 我有 Mo 仔, 我有白雪公主, 我有巴斯光年...... 你想要邊個? "
廁紙姨 " 你好中意巴斯光年喎, 你都送俾表姐呀? "
肥妹一副捨不得加無奈的表情
但又說了要給我選嘛, 不好意思收回巴斯光年
我選貼紙時
肥妹嘛, 雙眼看著巴斯
一副你不要選巴斯的模樣
我說要選巴斯呢
肥妹唯有一副捨不得加可憐樣看著廁紙姨, 但又不敢說不送
超可愛
其實應該沒有人教肥妹要分享吧
( 廁紙姨超懶, 沒心機教小朋友 )
是天生就大方, 懂得分享, 還是什麼呢
她分享, 也不是將不喜歡的送人, 是將她最喜歡的給人選擇
直至出 Blog 之日
肥妹依然記得她欠我一份禮物
還提醒我要去她家裡挑選呢
是晚, 本來要跟草紙參加最後一晚的專享晚會
不過下午一直下大雨, 估計晚上都不會停雨啦
下雨, 又影不了城堡, 還是放棄吧
既然不去專享晚會, 草紙就乾脆不來迪士尼啦
草紙沒有來, 廁紙依然繼續呀
最後都玩至看完煙花才走
帶小朋友去玩, 其實好累, 好累
又袋, 又相機, 已經好重嘛
還要追著小朋友影相, 簡直就虛脫
所以之前就算未買 D5100, 都有考慮要不要帶大相機去泰國
不過做 Baby Sitter
最慘是, 熟女都變何東師 ( 東涌何師奶 )
