2010 年 7 月 28 日, 星期三
經過一個月的擾攘, 糾纏
來自美國 Toys"R"Us 的 Thermos Funtainer 終於到手啦
一早起身, 超興奮去郵局取包裹
一箱八個 Thermos Funtainer, 呵呵
原先自己只想要一個, 再留一個給草紙
其他的, 留待將來送禮
不過, 看著一大箱的 Toy Story, 又有點點不捨
2010 最新款的 Toy Story Funtainer
大大個 Buzz Light Year
我訂了七個
至於七個零一個的 Hello Kitty
訂購之時, 我選的是黑色蘋果款
送來的卻是 2010 的最新款
有少少失望呀, 我想要黑色蘋果呀
雖然一樣好可愛
至少, 廁紙媽比較喜歡這個粉紅色的 Hello Kitty 呀
看著一大箱的 Toy Story Funtainer
還是超開心, 超興奮
炎炎夏日, 趁著 Toy Story 3 熱潮
拿著 Toy Story Funtainer 喝冰水
一個字, 爽
2010 年 5 月 13 日, 星期四
今日, 原先又是想去十分
不過, 太遲起床出發的關係
又改為台北市內景點遊
先去忠孝復興站的豚屋
吃期待已久的吉列豬排
一心以為午飯時間前來要久等
可幸當日人流少, 完全不用排隊
門口的豬, 應該是廁紙與豬近距離接觸的第一次
草紙點了乳酪里脊豬排
廁紙最想吃的蘆筍里脊豬排卷竟然沒有
看遍整個餐牌, 點了這個紫蘇什麼卷
因為, 其他的, 真的沒什麼特別, 一點都不吸引
選了套餐, 有湯, 飯, 飲品
這一餐, 廁紙本來滿心期待
因為 Blog 上好評如潮, 完全沒有負面評價
不過, 廁紙草紙試過後
豚屋, 可一不可再
先說說那個自磨芝麻
豚屋用的不是日本芝麻, 是中式芝麻, 完全沒有那股香氣
加上中式芝麻較軟身, 好難磨成粉狀
再說那個菜絲, 又用上中式椰菜
更加不要說缺了西柚汁
一點都不好吃, 廁紙吃了幾口就算啦
白飯呢, 又是用上中式米, 不是珍珠米
一分錢, 一分貨
怪不得會是如此的價格
主菜呢, 先說乳酪里脊豬排
喜歡吃芝士的, 可能會喜歡乳酪里脊豬排
因為, 芝士多的漏出來
豬排的質素呢, 非常一般
廁紙的紫蘇什麼卷
中間那舊東西口感像魚旦
整體而言
廁紙草紙給豚屋的評語是, 劣
要吃高質素的吉列豬排, 還是請移玉步至和幸, Tonkichi
當然, 想一試自磨芝麻, 及日式吉列豬排, 但又想吃的經濟一點
的確可以一試這個 A 貨
從豚屋走回捷運站, 原來台北都有 Naraya
去不了曼谷的 Naraya, 也要一看台北的 Naraya
不過新貨不多, 而且價格又比曼谷貴
繞一圈就走啦
2010 年 7 月 24 日, 星期六
又係一星期一次嘅迪士尼
熱辣辣, 又曬, 又行雷
點解都仲要去
又唔係未去過, 都去左 N 次啦
就係為左佢個 " 迪士尼好友驚喜快拍 "
由六月開始到依家
為左同 D 少會出現嘅卡通人物影相
熱到死, 落大雨都入迪士尼
又曬又熱都算啦
但係今日, 為左呢個 " 迪士尼好友驚喜快拍 "
我真係嬲到爆
亦對香港迪士尼樂園徹底失望
講返平時在迪士尼同卡通人物影相
一向都係排到你果時, 可以簽名, 又可以影 pose ( 即係單影公仔, 唔影自己 )
" 迪士尼好友驚喜快拍 " 初初推出果時
已經講明, 排到你, 唔可以影 pose, 要最後先有得影
都岩嘅, 個個排到自己都話影 pose
時間長左, 個卡通人物熱死啦
最後先影 pose, 人人圍埋一齊影, 一樣影到
呢個安排, 以我所見, 人人都接受喎
差唔多到最尾, 就會有一大堆人圍住等影 pose
至於簽名呢, 初初亦係可以一路影, 一路簽
直到六月的某一日, 我地再去迪士尼影 " 迪士尼好友驚喜快拍 "
職員話, 最新指引, 只可以影相, 唔可以簽名
理由係, 想俾多 D 客人影相
係, 唔簽名, 單影相, 係快左, 可以多 D 客人影
但係咪因為有人唔早 D 黎排隊, 又或者根本唔排隊, 影唔到相, 發顛, 發爛渣
( 呢 D 生番嘅野蠻行為每次都發生, 仲見過有職員俾人扯爛制服同名牌 )
迪士尼為左應付呢班唔守遊戲規則, 仲發顛, 發爛渣的人
就要抹殺其他有排隊, 守規矩的客人的權利, 唔俾簽名
當日佢話唔俾簽名, 我都好嬲囉
大佬, 我特登入黎就係想簽名, 你依家話唔得, 仲要理由係想俾多 D 人影相
一係你一開始推出呢個 " 迪士尼好友驚喜快拍 " 就話唔俾簽, 咁我條氣都順 D 丫
想影相, 咪早 D 黎排隊囉
人地唔早 D 黎排, 又或者根本唔排
都無理由改變自己的遊戲規則, 變相等於加長時間去遷就佢地啫
嬲嬲地, 咪走去大會堂反映囉
你真係唔可以為左避免有人影唔到相發顛, 發爛渣
就剝削其他人, 我都有俾錢買入場劵架
影相時間多左, 都一樣可以有人影唔到而發顛, 發爛渣投訴架
唔俾簽名之後, 都無心機再去迪士尼啦
到下一次去, " 迪士尼好友驚喜快拍 " 又可以簽返名喎
理由係, 因為好多人反映無得簽名好失望喎
咁即係唔係只係我一個唔滿意啦
都算迪士尼有返 D 良心
好啦, 到今日再入去
一心睇下會唔會有阿拉丁
因為好多都已經影左, 簽左名, 只係未遇過我最想見嘅阿拉丁
去左咁多次, 終於俾我遇到啦
影完相, 簽完名, 咪企埋一邊等最後影 pose 囉
到最後, 又因為有生番唔排隊, 企圖夾硬攝位影相
職員為左唔俾生番得逞, 漠視一班已經紮行馬等影 pose 的人群, 不設影 pose
我, 真係火都黎埋
不過, 斯文人係唔會同職員嘈嘅
大佬, 你地迪士尼又話要玩什麼 Magic, 唔肯講幾時會有咩卡通人物出現
我都黎過好多次啦, 難得我今日遇到, 你竟然唔俾我影, 有無攪錯
我無打尖, 又無攝位, 我同其他人一樣紮行馬等影 pose 啫
做咩又因為一 D 唔守規矩的客人而抹殺我同其他有守規矩的客人的權利
就算你叫我下次黎影過, 我可能黎多十次八次都撞唔返阿拉丁架嘛
火滾, 咪即刻去大會堂囉
我好聲好氣架, 第一句就問佢, 迪士尼係咪唔準影 pose
心諗, 你講一句係, 我無野好講
姐姐自己都唔敢答我
姐姐入去問完, 話可能係同事處理得唔好, 所以無影到 pose, 其實係可以影嘅
但我都重申, 我唔係要投訴你的職員, 你的職員無問題喎
只係你地迪士尼唔可以一次又一次
因為一 D 唔守規矩的客人而抹殺我同其他有守規矩的客人的權利
我今次同佢講明, 我希望你地即刻有改善囉
今次迪士尼真係做到呀, 下一場可以影返 pose
我好欣賞迪士尼的效率
但係有時, 錯左就係錯左
事後補償, 點都係遺憾, 當然, 好過咩都唔做啦
一次又一次嘅不愉快經歷
仲要係, 自己無錯, 依足規矩
只因其他人的橫蠻無理, 而令自己的權益被剝削
再加上平時排隊俾人打尖, 職員又唔理
口口聲聲叫人要一齊排隊, 樂園指南都有寫架
有人一個排, 跟住十個八個攝入黎, 職員咪又當睇唔到
再唔係, 果 D 咩野 " 和打鞋子齌錢 man " 就係咁攝向前
都唔知係真定假, 職員一樣唔會去求証
我明白, 前線職員都好難做, 去捉人打尖, 攝位, 實俾客投訴
迪士尼係咪應該改善下打尖, 攝位呢個問題呢
下下息事寧人, 變相縱容班橫蠻無理的人
我就真係對迪士尼好失望囉
個 Annual Pass 到期, 都真係要慎重考慮仲續唔續
Las Vegas 到著的, 不是我
縱然 Weekend 放假
廁紙還是身在香港
想飛一轉台北, 或者曼谷
又沒有 Travel Buddy
我又不是那種自己一個都放膽去旅行的人
還是乖乖留在香港吧
Las Vegas 到著的
其實是我期待已久的 Toy Story Thermos Funtainer
前陣子都說過, 單是網上訂購就已經擾攘多日
開始 Shipping 啦
雖說用上 UPS
但是, UPS 不等於快
日日看著那個 Tracking Information
要一至兩天才可以由一個州去到下一個州
我的 Toy Story Funtainer 要由美國東岸運去西岸
豈不是更漫長
唉, 都沒心情日日追蹤啦
剛剛再看一下 Tracking Information
呵呵, 包裹已經安全到步拉斯維加斯啦
超興奮
相信朋友亦好快會收到
下星期, 應該香港到著吧
2010 年 7 月 4 日, 星期日, 天晴嚴熱
難得的星期日, 廁紙草紙都放假
酷熱天氣關係, 大家都不想去迪士尼
廁紙提議去逛商場
沙田, MegaBox 都給草紙反對
因為, 人多
草紙則想去東涌看電影
有什麼電影想看嗎, 其實沒有
去東涌, 只因東涌的人流比較少
為了人流少, 而去東涌
為了去東涌, 而去看電影
為了去看電影, 而去看 " 鎗王之王 "
值得嗎
廁紙平日說要去 MegaBox, 草紙總說下班累, 不想去
到假日啦, 草紙又說人多而不去
那你想怎樣呢, 什麼時候才可以去 MegaBox 呢
廁紙極度, 非常不滿為了人流少, 而花昂貴車費去東涌看一套可看可不看的電影
氣上心頭, 給草紙一個 SMS
" 我唔去東涌, MegaBox 去唔去, 隨得你 "
草紙最終讓步, 跟廁紙去 MegaBox
去到九龍灣, 才驚見等 Free Shuttle 的人龍
廁紙想打退堂鼓, 改逛德福商場
草紙卻強迫我去排隊, 說要讓我自作自受
我真的沒想過會是多人到這個程度
不過, 我又不至於沒心機去排隊
只是, 有人不想排, 為了報復, 而勉強自己排下去
開始排隊等 Shuttle, 也開始冷戰
直至去到 MegaBox
再各自買了自己的大家樂下午茶餐
再到廁紙自得其樂逛 Jusco, 叫人不要跟著我
有人才提出和解
廁紙從來都有性格, 從來都喜歡自己逛街
你不想去, 我不會勉強你
但請你也不要阻止我自己去
這趟怨遊 MegaBox
廁紙沒大收穫, 只買了一個美國鎖跟一對襪
草紙就大有斬獲
既在 Jusco 買了兩條減價沙灘褲
也在 Mendoza 買了一個減價大碼手拉背囊和一個減價上班斜揹袋
閒逛 MegaBox, 才發現 MegaBox 都有一個戶外展望台
看著這個舊機場景
懷念十幾年前在九龍城讀書
安坐課室, 望出窗外就可飽覽機場跑道及飛機升降
想起那時還沒坐過飛機的學生妹
放學去機場的餐廳買杯檸檬茶再找個窗口位看飛機
( 當時的我只負擔得起一杯檸檬茶 )
當年點滴, 永記心中
六月中, 才跟同事一起訂過 Cath Kidston
買了一個 Candy Flowers Carry All Bag
一星期後, Cath Kidston Sale
還好我的 Candy Flowers Carry All Bag 依舊鐵價不議
同事呢, 唉
為了減低損失, 再次血拼
廁紙思前想後, 買了三件正價貨品給自己, 一件減價貨送人
不是不想買減價貨給自己
只是, 喜歡的, 早已擁有, 又或者, 缺貨
不喜歡的, 沒理由因為減價, 而明知自己不喜歡都買吧
其他看上的東西呢, 都沒有減價
既然跟同事一起訂購, 可以分擔郵費, 那就正價都買吧
考慮了一整天的 Cherry Carry All Bag
想買, 是因為好可愛, 好喜歡
不想買, 是因為我已經有兩個 Cath Kidston 袋, 而且白色容易變黃
我的 Briar Rose Bucket Bag 用了兩個月, 已有點變黃
如果不買 Cherry Carry All Bag, 就買銀包
想來想去, 同等價錢, 還是買個袋比較化算
廁紙都還沒用過 Cherry Carry All Bag
它就加入 Cath Kidston Further Sale
還好 Further Sale 時缺貨, 要不, 我會氣死的
買了之後, 廁紙都曾經有點點後悔
但隨後官方網站停售, 又慶幸自己已經擁有
出 Blog 之日, 還是封存著呢
或者, 等冬天才用吧
又買了一隻 Cherry Crush Mug
收貨當日即用
拿著 Cherry Crush Mug 吃雪糕都吃得特別開心
Cherry Plimsolls 是為了配襯上季尾買的絲絨運動套裝而買
免稅連郵費, 大概 HKD $250
比 Converse 輕, 不過鞋底又不及 Converse 的細緻
收貨時膠味甚濃, 放了好幾天才敢穿著
Briar Rose Carry All Bag
送給中一已認識的好朋友的生日禮物
不是因為減價才買
而是因為她看上我的 Briar Rose Bucket Bag 才送她一個 Briar Rose Carry All Bag
至於不買 Bucket 而買 Carry All
是因為廁紙比較喜歡 Carry All
Carry All 比 Bucket 大, 又比 Bucket 輕
最重要是, Carry All 幾乎是 Bucket 的一半價錢呢
今季的 Cath Kidston 貨品, 廁紙一共買了三次
下次再買, 應該是冬季新品推出後呢
廁紙喜歡買鞋, 應該由 2004 年開始
正式出來社會工作, 有賺錢能力, 當然可以想買就買
起初, 都是買平價鞋
$100 以下, 好看不好穿
未進鞋店已經聞到好大股味道的平價鞋
結果呢, 這堆平價鞋都是穿不了幾次就不再穿
廁紙發誓, 款式再美, 再喜歡, 我以後都不會再買平價鞋
之後, 在東涌 Outlet 買過 le saunda 的減價鞋
以為貴價鞋會好一點啦
原來, le saunda 鞋只適合腳掌薄的人, 並不適合我的肥豬腳
這一對, 好像只穿過一次
另一對粉紅色有蝴蝶結的, 穿都沒穿過
2006 年, 大學同學結婚
為了配襯姊妹裙而去買鞋
逛了不知多少遍, 最後還是廁紙媽給我看上一對高跟水晶涼鞋
這一對, 亦是廁紙最喜歡的其中一對鞋
這一對, 不再是平價鞋
不過, 一樣好看不好穿
三寸幼跟高跟鞋, 穿的我前掌好痛
後來才知道, 穿這些鞋, 最好先加鞋墊
試過無數鞋墊, 還是爽健的透明鞋墊最好
明知自己跟三寸幼跟高跟鞋無緣, 還是買了這對星星鞋
為買姊妹鞋時已看上, 只是略嫌貴一點
不過自己喜歡, 不用再做姊妹, 還是買回家
四年來, 只在表妹結婚時穿過一次
2007 年, 認識日本的 Jelly Beans
開展廁紙瘋狂買 Jelly Beans, Minx, Esperanza 的日子
2007 年第一次自由行去日本, 廁紙總共買了三對
就是下圖的 Jelly Beans 和 Minx
第三對黑色 Minx 長靴, 去年冬天已經退役
同年 9 月再戰東京, 又買一對當時熱爆的 Ankle Boots
在香港, 亦先後在大角咀麗華商場, 旺角家樂商場, Sogo 買過
金色魷魚鞋, 亦已退役
雖說 Jelly Beans, Minx, Esperanza 的鞋都比較適合廁紙
但是, 都有例外
銀白色的 Minx 涼鞋, 廁紙一樣跟它八字不配
有一段時期, 廁紙不再買, 亦少穿高跟鞋, 轉攻舒適的 Crocs
Crocs, 廁紙一共有四對
但是, Crocs 始終比較 Sporty, 不配 Lady Look
而且, 穿上一個夏天, 鞋底已蝕, 下雨天可會滑到
今個夏天, 廁紙轉而喜歡人字拖
早前在馬莎買的, 第二對半價, 平均一對 $200
早幾日, 又買了 Ipanema * Gisele Bundchen
人字拖外, 今個夏天亦買了我的第二對船跟鞋
第一對, 幾年前在 United Colors of Benetton 買的, 貴得來不好穿
又是穿了一兩次就無再穿
這一次, 是為了這條連身長裙而買
有點點印度 Feel 的船跟鞋, 廁紙好喜歡
原來, 船跟高跟鞋比幼跟高跟鞋舒服
怪不得紅了幾年還沒倒退呢
穿的好看, 但不一定穿的舒服的鞋, 廁紙買了不少
論最舒適的鞋, 廁紙首推 Sanita
這一對, 已經是廁紙的第五對
由 2004 年買第一對 $400, 到第五對已加價至 $550
廁紙依然最喜歡 Sanita
其中兩對, 當上廁紙的護士鞋, 已先後退役
另外的兩對, 當上廁紙的優閒鞋, 也先後退役
廁紙遺失了九龍灣工廠區賣 Sanita 的地址, 電話
有好心人知道的話, 可以留言給我嘛
鏡頭一轉, 去到市政府站的新光三越信義新天地吃我們的 Pre Dinner
有 AMO 蛋糕, 加查理布朗烘焙屋的雞蛋布甸
先講 Chirle Brown 的雞蛋布甸
原先是想買原隻真蛋殼的雞蛋布甸
不過已經賣完
Sales 姐姐又說杯裝的雞蛋布甸內容都一樣, 只是包裝不同
那就先買一人一個試試啦
又香又滑, 加上底部的焦糖漿, Yummy!
順道預訂 5 盒原隻真蛋殼的雞蛋布甸, 最後一天上機前取貨
又買了同事推介的 AMO 阿默蜂蜜千層蛋糕
又香又軟, 同樣 Yummy!
至於招牌名物, 荷蘭貴族手工蛋糕
牛油味好重, 不夠鬆軟
兩者比較, 蜂蜜千層蛋糕好吃多啦
AMO 的蛋糕一點都不便宜
所以吃剩一半的荷蘭貴族手工蛋糕, 都帶了回香港
不過到最後, 還是逃不過掉入垃圾筒的厄運
吃了點點遲來的茶點
又趕去 101
不知道捷運站有 Free Shuttle 去 101
由新光三越行過去, 好遠好遠
19 : 25 排隊上 101 觀景台
廁紙草紙的有轆背囊體積太大, 要寄存
雞手鴨腳的拿起貴重物品及必須品
記得拿腳架, 卻忘了拿電筒
所以夜景人像都影得不太好
最安慰的是, 廁紙帶了這個 Cath Kidston 化妝袋去台北當証件袋用
護照, 銀包, 酒店卡, 悠遊卡, 電話都放進去
我們上 101 才可安心又輕便
不貴重的行李, 在樓下好好寄存啦
台北的夜景, 都不及香港的美
從 101 觀景台的一面看出去
再從另一面看出去
黑漆漆, 只有點點街燈
再上戶外觀景台
101 的塔頂
再去看世界最大風阻尼器區
101 遊到此完滿結束
廁紙對 101 的感想是
未去過的, 當然要到此一遊
已經上過觀景台一次, 下次就不會再上去啦
這些年來, 廁紙去過的觀景台有
東京鐵塔, 大阪空中庭園, 台北101
新宿都廳, 及六本木展望台, 都因為時間不夠而沒有上去, 可惜
最值得去, 會一去再去的, 就只有大阪空中庭園
廁紙都已經去過兩次
論高度, 它是三個當中最矮的
印象中只有三十多層
不過當周邊的建築物都是平房, 空中庭園相對就好高啦
最欣賞的是, 空中庭園的露天觀景台的圍欄不高, 完成不阻礙影相
不像台北 101 的戶外觀景台, 圍欄高的像身在鐵牢
只是, 這也基於安全理由吧
原先還想, 只上去看一會, 就下來吃餐好的, 還想過要去吃鼎泰豐
到下來時, 已經 21 : 30, 去 101 的 Food Court 來個隨便吃算吧
哼, 原來台灣的食店一般都是 21 : 00 就打烊
整個 Food Court 都在做是日帳單總結
極度失望加肚餓的離去
還好, 登上去捷運站的 Free Shuttle
才不至於飢寒交迫下還要走回老遠的市政府站
廁紙提議坐捷運去士林夜市找東西吃
這是我唯一知道還有東西吃的地方
不過草紙說累, 不想去, 那就返回府中站去便利店買杯麵吃吧
一上府中站路面, 驚見酒店對面還有兩家食店還未打烊
在繼光香香雞買了鹽酥雞跟炸魷魚鬚
飢寒交迫下, 當然覺得好味啦
再看旅遊書, 原來繼光香香雞的鹽酥雞都有點名氣
都是廁紙遊台北的目標之一
不費功夫就吃到, 又一驚喜呢
繼板橋站的滬園拉麵小籠包, Cold Stone, 阿聰師先麥芋頭酥
馥都飯店的對面還有繼光香香雞
下次來台北, 當然要再住馥都飯店呢
買完鹽酥雞, 炸魷魚鬚
再去 Family Mart 買三個杯麵, 一個便當, 兩隻茶葉蛋, 一包鐵蛋, 兩罐汽水
加上吃剩的 AMO 蛋糕
今晚的晚餐, 都尚算豐富
馥都飯店的又一好處
就是再夜歸來, 都不愁吃的, 只要你不擇食
