在豚屋吃了極度失望的一餐後
搭捷運去中正紀念堂
中正紀念堂
遇上這個, 應該是閱兵儀式
好喜歡 Sony HX-5V 的一掃全景
再由中正紀念堂走到總統府
途中經過介壽公園
記不起從何時開始
去到某些地方, 都不敢隨便舉機影相
這一次, 都一樣
問過工作人員才敢影
不過為免惹禍上身, 也只敢從某些角度影
總算, 到此一遊吧
市內觀光完畢
又想不到其他想去的地方
就走到不太遠的西門
去 Carrefour 買手信
還好帶了巴斯光年紅白藍去
兩個人, 竟也買滿一大袋
草紙主要買鳳梨酥給同事當手信
廁紙就買一大堆即食紫菜給自己
下一站呢, 又坐捷運返回忠孝復興站去吃 Hello Kitty Tea
2010 年 8 月 1 日, 星期日
上回提到, 老遠從美國訂回來的 Toy Story Funtainer 終於到手
那一晚, 廁紙放工回來, 剛進門
廁紙爸看著一大箱的水壺
帶點責怪的語氣問 " 你買咁多水壺返黎做咩呀 "
廁紙答 " 用囉 "
" 你用都唔洗買咁多下話? "
" 我要兩個, 草紙要兩個, 送一個俾表妹仔, 其餘的, 第日送禮囉 "
廁紙爸在紙箱中左挑右選 " 車, 咪普通一個水壺, 有咩咁巴閉, 有公仔之嘛 "
" 你飲下我果個先啦, 保冷十二個鐘, 好正架 "
廁紙爸拿著一個 Funtainer, 左看右看, 很久都不放下
廁紙 " 你中意你揀返個啦 "
" 車, 唔要 "
廁紙爸雖說不要, 不過依然拿著我的 Funtainer 不放手
廁紙, 廁紙爸討論期間, 廁紙媽又私自拿了我的 Thermos Foogoo 試飲
" 又真係保到冷喎, 個粉紅色 Hello Kitty 都好靚丫 "
廁紙 " 咁你又洗唔洗揀返個呀 "
" 車, 你幾時見我拎水出街丫 "
廁紙媽口說不要, 跟廁紙爸一樣, 依舊拿著我的 Funtainer 不放手
星期六, 草紙到我家, 也選了一個 Buzz Light Year Funtainer 自用
今天, 草紙出門前, 把冰粒放滿水壺內, 再加冰水
自我中午起床開始
每隔一小時, 草紙都興奮的打電話來報告他的 Funtainer 內還有多少冰粒
草紙說, 他不斷喝水, 也不斷加水到 Funtainer
由早上七時, 到下午六時, 還有四分一的冰粒
對草紙而言, 這是開心大發現
即是說, 以後我們帶 Funtainer 去迪士尼
只要一開始放冰粒, 就算之後再加室溫的水, 就八小時都不斷有冰水啦
因為以往廁紙的做法是, 一開始放冰水, 喝完一次就沒有啦
再加水入 Funtainer, 也只是避免室溫的水被太陽加熱
草紙每次提及這個 Funtainer 有幾好, 他有幾喜歡的同時
廁紙每次都問草紙
" 邊個當初話我買呢個水壺低能白痴? "
" 邊個當初話我係美國訂 Funtainer 返來痴線? "
" 再笑我低能, 白痴, 無聊, 我就沒收, 你用返你個 Columbia 飲熱水啦 "
