2010年12月29日 星期三

屋企人

2010 年 12 月 29 日, 星期三 


 


曾幾何時, 睇天使媽媽的 Blog


睇到關於親人同朋友


廁紙深有同感


朋友, 同屋企人, 好唔同


屋企人的重要性, 唔係朋友可以取代的 


亦好記得天使媽媽的一句


" 你夠吾夠膽叫你朋友星期日幫你湊仔? "


 


朋友, 友情幾好, 幾交心都好


某些事, 你可以豪無考慮就叫屋企人幫你


但係, 你係唔會, 或者唔好意思叫你朋友幫你


但又好多人, 包括我的親人, 都覺得屋企人唔及朋友重要


 


****************************************************************************


 


今晚, 忽發其想


打算在聖誕假期完結前帶兩個表妹去摘士多啤梨


心知阿姨, 姨丈要返工


就廁紙, 廁紙媽二人帶兩個表妹去玩啦


但去錦田, 又拖著兩個小朋友, 駕車比較方便嘛 


有車牌, 但又唔敢駕車的廁紙, 想找廁紙哥當司機


打電話問阿姨, 帶兩個表妹去玩, 無問題


" 佢地好得閒, 你帶啦 " 


但當問到想借車, 叫廁紙哥做司機


阿姨好大反應 " 你阿哥 High 花架車架, 你叫草紙駕好過啦 "


草紙得閒去, 都唔洗問你借車啦


廁紙 " 你架車不嬲都花晒架啦 "


阿姨繼續好大反應 " 咩呀, 全部都係你阿哥整花架 "


廁紙心想, 你地架前七, 二手買返黎果時都殘架啦, 你地都無愛惜過, 粗用架


阿姨無再正面回答, 只係話 " 你問下姨丈用唔用車先啦 " 


這樣的答復, 都唔洗再問姨丈啦


我自己同草紙兩個人去摘士多啤梨一樣可以好開心


亦樂得唔洗幫你睇女, 追牛仔, 慳返


 


一日半日, 姨丈返工唔駕車, 搭港鐵都得啦


好明顯, 唔想借車啫


但又有無諗過, 我問你借架車, 都係同你兩個女去玩啫


倍你兩個女又玩又跳, 又要追牛仔, 你估真係好過隱


同佢地去玩一日, 你估唔洗洗錢咩


以我阿姨的性格, 佢一定唔會俾返錢我


做咁多野, 都係想我兩個表妹, 你兩個女開心啫


你地做父母的, 唔願同佢地四圍去玩, 去見識, 只係識得返教會, 返教會


星期一至五返學, 星期六上課外活動


星期日就返教會, 返完教會就返屋企


返到個女會細細聲同廁紙媽講, " 唔返教會 Daddy 鬧架 "


又會同廁紙講 " 係呀, 好悶架 "


我唔反對人地返教會, 各人有自己的宗教信仰


但又有無諗過, 小朋友需要 D 咩


你唔帶兩個小朋友去玩去見識, 我幫你做啫


不過你地唔中意


我呢個做表姐的, 廁紙媽做姨媽的都無辦法


由得你讓兩個女做鄉下妹啦


由得你兩個小朋友最開心就係有時夜晚可以落街放細路啦


 


廁紙只係好無奈


點解問你借架車同你兩個女去玩都唔願意


但你地有咩事, 就永遠識得打黎求救


你個女撞親整親要入急症室, 我返緊工你都奪命追魂 Call 咁打黎搵我


你個女半夜三更氣喘入醫院, 你就只係識得打黎搵姨媽搵表姐去醫院幫你睇女


你唔得閒同個女去睇醫生, 你就識得叫表哥抱你個女出九龍睇醫生


你老公唔得閒, 你又識得叫表哥做司機車你個女去睇醫生


又唔見你打去搵你教會的弟兄姊妹去幫你


你星期日唔得閒, 就掉低兩個女係我屋企叫我地幫你睇女


掉轉頭, 星期日叫你俾個女同我地去飲茶, 唔返教會就唔得


一次半次, 都算


經常性如是, 只有唏噓, 無奈


但係唔知點解


每次阿姨打黎求救, 我地又會幫佢


就因為表妹細個係我地湊, 特別有感情?


2010年12月25日 星期六

平平平安夜

2010 年 12 月 24 日, 星期五


廁紙草紙一起的第四個平安夜


這一夜, 好平淡, 亦好平靜


只是, 廁紙自己今天比較倒楣


 


廁紙草紙的第一個平安夜, 去了草紙朋友的西餐廳吃蠔


第二年, 去中環影聖誕樹, 再去灣仔的東海吃中餐


第三年, 廁紙在工作中渡過


當夜發生的事, 我想我每年聖誕都會想起 


今年的平安夜, 選擇平平淡淡渡過


平淡歸平淡, 也該吃餐好吧


因為, 我已經兩星期沒見過草紙啦


 


選擇跟前年的聖誕一樣, 去東海吃中餐


想草紙坐的舒服一點, 也吃的舒服一點


付平日一樣的價錢, 享受一樣的服務


總好過去吃五百元一位的西餐, 或者自助餐


還要跟人迫, 或者限時限刻的吃


只是, 今年不去灣仔, 去 K11 新開的東海蟹


 


平淡的平安夜, 廁紙草紙亦吃的平靜


話沒多說, 相, 就更加沒影


大家都累, 大家都無心情吧


$238 一位的龍蝦宴, 其實吃不飽


不過, 大家都無心情, 安安靜靜的吃過就可以了


雖然, 我好欣賞那 $19 一個的大壽包 


 


本來, 廁紙想去尖東逛逛, 影影相


又本來, 廁紙想去鑽石山看表妹仔報佳音


最後, 我選擇倍無心情的草紙, 各自回家過一個平靜的平安夜


獨自回家路上, 我可有點點後悔不去鑽石山嘛


 


是日的唯一幾張相, 是我回家後自己影的



我們在一起以後, 草紙送我的第一份聖誕禮物


 


除了第一年的生日, 大家有互送生日禮物


之後的節日, 都沒有特別送對方禮物


總覺得, 沒有必要因為送禮物而送禮物


 


草紙送我的這一份聖誕禮物


其實, 是我叫草紙幫我買的東東


冬至那天, 吃飯的時候看 Facebook 得知買 U 雜誌送相機帶


$25 有雜誌, 又有 Sport b 相機帶, 超值嘛


在黃金隨便買一條差不多的相機帶都一百幾十啦


還有, 沒有贈品的 U 雜誌都賣 $12


即是, 這一條 Sport b 才 $13 啦, 好平呀


 


心知到我放工, 應該都賣完啦, 就叫草紙吃午飯時幫我買


有人話, 他走了好幾條街才買到喎


是真, 是假, 沒相干啦


同日晚上, 我問草紙有沒有拆開看我那條 Sport b 相機帶


有人沒好氣的回我一句 " 我無興趣喎, 仲係公司...... "


廁紙氣的頭頂冒煙


有人急忙補說, " 聖誕禮物要一齊拆嘛 "


廁紙的頭頂再一次冒煙


好一份聖誕禮物


不過, 我受 


 


有新相機帶, 幾時有新相機呢


2010年12月20日 星期一

心情唔好 買鞋

2010 年 12 月 18 日, 星期六


陽光普照, 不太冷, 又不熱的一天


 


這一天, 個多月前本來就計劃好去迪迪尼的


不過, 草紙家的事


草紙不能去迪迪尼啦


廁紙, 原先可以跟朋友 E 去迪迪尼


又或者自己帶肥表妹去迪迪尼


不過, 沒有草紙, 就不好玩啦


何況, 這個時候


本來, 本來我就不應該獨自去尋歡樂的


 


星期五晚, 廁紙問草紙


可不可以讓我去接你放工, 跟你吃個午餐


我知道, 你趕時間, 所以我都沒有想過要你倍我去吃什麼豐富午餐


吃個麥當勞, 不會浪費你好多時間吧


不過, 你不願意, 算吧


被你拒絕後, 又想


不吃午餐, 那我買點點小吃去接你放工, 交低給你, 我就走啦


就因為這個想法, 我放棄去迪迪尼尋歡樂


 


雖然, 我最終都沒有去接放工


不過, 我的一番好意, 換來人家發我老脾


我就知道你無心情吃飯, 所以才想倍你吃點什麼


我就知道你心情低落, 才想見見你, 支持你


誰知, 你會認為是我不滿你不倍我吃午餐


家下, 不是你倍我, 是我倍你呀


我這個角色, 都好難做嘛


不問, 不理, 又說不關心


問嘛, 你又不想說, 不想提, 又覺得我煩


那以後我什麼都不理, 不問, 不關心好啦


雖然, 有人事後道歉


不過, 心情不好又如何, Life must go on......


 


無啦啦做箭靶, 氣上心頭


無得去迪迪尼, 一於跟廁紙媽去 Shopping 洩憤


 


廁紙呢, 從來都不太喜歡跟廁紙媽去逛街, 特別是 Shopping


因為, 廁紙媽總是說, 這件貴, 那件不值, 弄的你沒心情買


不過這一天, 氣上心頭, 理不得這些啦, 逛了再算


反正, 是廁紙媽自己想買這買那, 我, 只是倍逛而已


 


廁紙媽想買皮靴


在荃灣千色店逛第一間, 廁紙媽已經看上啦


廁紙本想找個位置坐著呆等不看的


但因為買兩對減一百的關係


廁紙媽遊說我也買一對


呵, 要是我自己買了回家, 她一定嘮叨說我已經有好多對靴, 好多對鞋......


今回, 卻是廁紙媽叫我買呀


女人, 就是這樣


左選右試下, 廁紙媽買了一對短靴


廁紙呢, 無心插柳, 反而買了兩對 


豐收之餘, 亦不會給廁紙媽的陰波功煩死


廁紙爸的質詢呢, 一樣有廁紙媽幫我解圍, 爽呀


可能你會問, 都中女啦, 買對鞋都要家長批准


那又不全是, 反正是我自己付錢


只是, 廁紙爸媽的陰波功, 足夠煩你幾百幾十日


 


好喜歡這對啡得像黑的長靴, 超軟的皮, 折扣後成為 $649



 


另類短靴, 我可是第一次買這類型的靴啦


內裡的健康鞋墊又好舒服


一樣是減價貨, $319, 超值 




 


有段時期, 廁紙好喜歡買鞋


高跟鞋, 平底鞋, 尖頭鞋都買過


穿了一兩次, 卻因為前掌痛, 後跟痛等不再穿


已經不是買平價貨啦


Jelly Beans, le saunda 的, 都不一定穿的舒服


眼見人家穿高跟鞋依然見步如飛


是人家的鞋質素高, 還是我的忍痛能力低呢


現在買鞋, 廁紙都只選擇平底鞋啦


 


不過就算是平底鞋, 好鞋子, 一樣難找


款式好, 又不一定穿的舒服


款式好, 又穿的舒服呢, 又可能好貴唷


就連那些蚊型時裝店賣的, 都動輒八百一千


還要, 你不肯定它會不會是 Cheap 貨扮上品


價格適中的好鞋子, 可遇不可求呀


 


買完鞋, 廁紙在 Columbia 一眼就看上這件黑色羽絨




穿上身, 好修身, 好瘦呢


配裙, 斯文又得, 配褲,  Sporty 都得


感覺, 就像找到 The One 一樣, 非買不可


連廁紙早前抖纏過的 GAP 羽絨都馬上打入冷宮


只可惜, 吉吉島就只剩 Display 那件


沒理由用八百多元去買件 Display 吧


 


努力遊說自己去看看其他品牌的羽絨再算


看過 Addidas, Nike, 還有其他不認識的品牌


同樣要八百至一千, 不看款式, 單看質料, 已經不及 Columbia


結論是, 防寒衣服


始終是 Columbia, Lafuma, North Face 的好


 


如果在吉吉島買, 因為 J Card, 多一個 95 折


要新的, 要去康山吉吉島, 但去太古的車費都等同那 95 折啦


如果等新羽絨運去荃灣吉吉島, 又可能錯過那額外的 95 折


那不如去千色店的專門店買啦, 就不過相差 $45


最重要是, 連一向精打細算的廁紙媽, 都支持廁紙多付 $45 即日去專門店買呢


 


打電話去 Columbia 專門店預留一件黑色羽絨


去到專門店嘛, 原來專門店還有藍色呢


藍色, 黑色, 都帶點點銀色底的


藍色, 好特別, 影相一定好 Sharp, 不過就只有 Sporty 的感覺


黑色呢, 帶點點深灰的黑色, 配斯文, Sporty 裝扮皆宜 


一大輪的選擇障礙, 還是忠於我的 The One


 


其實, 這晚廁紙還看上 Veeko 的一條黑色裙 


只是, 廁紙媽試的人家都打烊才沒有買


回家想了想, 還是念念不忘


半價後才 $225 嘛


星期日早上, 廁紙跟同事食飯前就趕去買啦


 


意想不到, 這一天跟廁紙媽去 Shopping


廁紙在廁紙媽的支持下會如此豐收


廁紙媽還要說 " 都唔係買左好多野啫 "


都說, 女人, 就是這樣


台北的第五天 - 生日驚喜最終回

走上港龍的 A330 大飛機


我以為, 有人會無話可說啦


( 有人總認為, 港龍就只有細飛機 )


誰不知, 有人, 讚這讚那


有人, 好驚奇的指機艙用上 LED 燈 



有人, 又好驚奇的指經濟艙都有私人電視 



還好, 是我, 是我堅持搭港龍, 棄國泰


雖然, 我都有說過, 下次再出遊, 還是會首選國泰


不過港龍, 國泰說到底都不過是同一家公司


著實沒必要多花四百元


 


沒選擇的飛機餐


送上新東陽的鳳梨酥


不好鳳梨酥的廁紙, 亦吃不出新東陽的是不是特別好



 


一小時多的航程, 好快, 好快就飛抵香港


快得, 我都捨不得下飛機


 


說時遲, 那時慢


又真是等了好久都還未到我們落機喎, 明明飛機已經停好啦


好奇望出窗外


驚見



大鄉里如我, 的確是 " 驚見 " 這種 Shuttle Bus 嘛


 


正當我以為像上次沙巴一樣, 用上迷你客運大樓


又想起, 上次在迷你客運大樓, 都是用登機橋先離開飛機才轉 Shuttle Bus


 


這一次, 原來飛機停泊在好遠, 好遠


要自己走下樓梯上 Shuttle Bus



雖然廁紙草紙都拿著大堆行李, 走得有點狼狽 


不過, 一樣好好玩呢, 又可以近距離影飛機




廁紙上一次這樣落機, 可是 1997 年在啟德


當年, 廁紙跟廁紙媽, 廁紙婆搭大韓由漢城返香港


至於草紙, 可是第一次這樣落機嘛


這個生日驚喜, 亦為我倆的台北生日之旅帶來完美的句號


 


遲了半年有多的生日之旅 Blog 亦告一段落


生日正日 Blog, 還沒有心情寫


可能, 要等下年吧


2009 年的東京遊 Blog, 一樣還沒寫完嘛


廁紙的遊記, 可不會難尾的, 只在, 何年何月才會完成


至於 2011 年, 廁紙草紙又會不會有生日之旅呢


台北的第五天 - Hello Kitty 候機室

在禁區買呀買


差點忘了我在台北的最後任務, Hello Kitty 候機室


趕緊去找 Hello Kitty 候機室之時, 巧遇 Hello Kitty 育嬰室



如果我有 BB, 我都好想在這裡餵奶換片呀, 超美


連我那個對 Hello Kitty 沒甚興趣的草紙都覺得這個育嬰室好可愛呢



沒有人, 可以慢慢影個夠



其實, 不只育嬰室無人, 整個二號航廈都好冷清


 


繼續去找 Hello Kitty 候機室


又遇上展覽


 


 


原來呢, 廁紙草紙搭的 KA 483 就是用 Hello Kitty 候機室呀



這個 Hello Kitty 夢幻玩國的確夢幻



先有一家店賣台北機場獨有的 Hello Kitty 精品


不過我什麼都沒有買


因為賣的不是 Sanrio 自家出品, 而是 Under License 那種


精品店內亦謝絕影相



又有小朋友遊樂區



連椅子都夢幻過人



 


這個時候


廁紙再一次向草紙重申


要不是我堅持搭港龍棄國泰, 就遇不上 Hello Kitty 候機室跟育嬰室啦




準時起飛返香港


正當我以為一切的 Birthday Surprise 已經告終


原來......


2010年12月14日 星期二

台北的第五天 - 眾裡尋酥

入閘後的第一步, 走進一家專賣台灣手信的免稅店, 繼續買買買


我要買機場獨有的紫晶酥


 


先前因為不肯定能否買得紫晶酥, 所以也買了新鮮的先麥芋頭酥


在手信店找不到紫晶酥, 就買了一盒差不多, 一樣有麻糬的紫芋酥



正當我極度失望, 已經放棄的時候


竟然在賣化妝品, 酒水的免稅店見到紫晶酥


呵呵, 又買兩盒


人家都讚紫晶酥, 我沒有聽過紫芋酥嘛


 


紫晶酥, 紫芋酥, 兩者價錢其實差不多, 也一樣有麻糬


不過, 我只喜歡紫晶酥, 令人吃不停口呀, 想起都想吃


紫芋酥嘛, 口感比紫晶酥差一點點, 優點就是每個獨立包裝啦


至於先麥芋頭酥呢, 新鮮製造, 有好幾款, 不過都沒有麻糬


 


說起紫晶酥, 廁紙跟它, 就是無緣


廁紙去完台灣的第二天, 廁紙哥就去台灣


不到幾星期, 又有同事去台灣


可當時我家的紫晶酥都還沒吃完


沒理由叫廁紙哥, 叫同事幫忙買嘛


到我想食呢, 又沒有親戚朋友去台灣啦


 


後來從網上得知, 油麻地永安都有賣紫晶酥


廁紙特意去找過, 好仔細的逐格找, 卻找不到


又某天, 同事在油麻地永安遇上紫晶酥


但同事不肯定那是不是我說的紫晶酥, 所以沒有買


就幾天後, 我特意去找


永安職員給我肯定那就是紫晶酥, 不過, Sold Out


職員說要等下一個貨櫃才有


出 Blog 之日, 我還未等到呀


我好想好想食紫晶酥嘛, 怎麼我就遇不上


本來計劃明年一月去台灣的


某程度上是因為紫晶酥, 當然也為滬園拉麵小籠包啦


可惜, 這個時候草紙不方便離港


而我, 亦無謂在這個時候離港啦, 算吧


不過, 我依然好想食, 好想食


 


在禁區的手信免稅店一樣有太陽堂的太陽餅


而且賣得比新光三越的太陽堂專櫃平


廁紙草紙各又買一盒



回家折開一看, 機場買的不是獨立包裝, 怪不得比較平啦


有繩結的一盒是新光三越買, 每個獨立包裝


個人感覺, 新光三越的好吃點


 


大買特買一輪後, 可以看看我們最終的行李



Check in 前多了個紙袋, 原先在巴斯光年內的冰袋亦要讓位


台北的第五天 - 板橋站最終回

拿著一大堆戰利品, 趕回酒店已經下午三時啦


雖然 Package 包括延遲退房至下午三時


不過, 收拾完戰利品, 已經三時半啦


還好沒有被罰錢


不過呢, 因為趕時間, 又拿著大包小包


我忘記了要去酒店對面買繼光香香雞


上了捷運才想起, 氣死我, 好想吃嘛


 


去到板橋站, 最後衝刺


還是熱捧滬園拉麵小籠包, 五天內, 吃第三次啦



 


說了五天要吃, 但都沒吃的 Cold Stone


雖然好飽, 還是要吃過才安樂



Cold Stone, 廁紙草紙的回憶


這次, 是廁紙草紙的第三次 Cold Stone


 


廁紙草紙搭 20:55 起飛的港龍飛機回香港


一向不希望, 不喜歡趕頭趕命去 Check in, 過關的廁紙草紙


原意是打算晚上六時去到機場的


早三小時去機場, 好多人會嫌多


我倆呢, 從來都情願白等, 都不希望有什麼意外, 以致趕頭趕命


所以最怕跟一些嫌三小時多的人去旅行


 


因為在新光三越買手信誤了時間


又因為要在板橋站吃 Brunch


逼不得已, 才搭下午五時半的高鐵去桃園, 比預期遲嘛


上高鐵前, 趁還有點點空檔


草紙就去 7 - 11 看火車模型



有人說, 因為去十分那天坐過那架火車, 所以要買模型


看火車變買火車, 本來沒什麼特別的


只是, 我們遇上一個新手店員, 害我們差點誤了高鐵


 


廁紙想用優悠卡付款, 打算用光優悠卡的餘值, 把優悠卡留為紀念


但優悠卡的餘額不夠嘛, 只好先增值啦


因為 7 - 11 不接受又用優悠卡, 又付現金


誰知道, 增值呢, 可以


但原來用優悠卡付款是有上限的


店員又已經幫我增值, 卻又不能付款


難道你叫我帶張有過千台幣餘額的優悠卡回香港嗎


一輪交涉, 又一輪煩複的程序


我拿回我應得的錢, 又付了我應付的錢


只是拿不回我原來的優悠卡, 換了另一張沒有餘額的優悠卡


好失望, 雖然大家都是優悠卡, 但就不是倍了我五天的那張嘛


 


擾攘一輪, 還好趕得上高鐵


否則, 真的想 xXyz......



 


去到桃園站


想去 Relay 看看有沒有 Cath Kidston 雜誌


後悔沒有在雜誌瘋多買一本送給朋友啦



原來只有雜誌瘋才賣的便宜


Relay 賣的可是跟香港一樣價呀


 


離開桃園站



就是搭這一類 Shuttle 去機場



去機場 Check in 之前, 我們的行李, 比出發當日的


只是多了一個巴斯光年紅白藍



 


去到機場, 比原先計劃的三小時遲了一點點


就那一點點, 排隊 Check in 的人龍, 已經好長, 好長


還好, 我跟草紙都有 Marco Polo


可以排商務艙


實際, 幾乎等同打尖


這一刻, 我好愛我的 Marco Polo 會籍呀


我跟自己說, 可行的話, 以後都盡量搭 CX 或者 KA


我亦囂張的說 " 你地慢慢排啦 " 


草紙亦搶說 " 是我叫你 Join Marco Polo 架 "


 


當眾人都繼續排呀排, 等呀等的時候


廁紙草紙輕輕鬆鬆入閘 Shopping 去



台北的第五天 - 日遊 101

2010 年 5 月 15 日, 星期六


 


來到台北的最後一天啦


這一天, 沒有特別行程


其實, 廁紙草紙去旅行


從來都沒有特別行程


不過就從來都特別喜歡影相


沒得玩, 無所謂, 最重要, 有靚相


要影靚相, 往往都好花時間


要影合照, 更花時間


不用腳架, 影得不好


用腳架嘛, 不一定影得好, 但一定更花時間


所以, 人家用幾分鐘就影完一個景點


我們, 動輒都用上四十五分鐘 


 


吃第三次酒店早餐, 才第一次影相


之前, 每一次都吃的比較急


來台的第二天, 更因為太累, 遲了起床而錯過早餐


草紙的是日早餐第一碟



廁紙的第一碟



沒有奢望早餐會好豐富, 就當然不會失望啦


反正, 草紙對吃沒什要求


廁紙也對 Package 包的早餐沒要求


再者, 有我好喜歡的 Cereals 就可以啦


 


是日任務, 影相


早在來台的第二天, 已經夜遊 101


但就沒有影過 101 的外圍 


今日特意去影啦



可惜天氣不好, 還下雨



 


第二任務, 買手信


其實, 都不算是手信, 因為, 只買給家人


或者應該說是, 買給自己


因為, 廁紙吃的最多


新光三越信義新天地有齊我想買的東東


 


新鮮製造的先麥芋頭酥




 


太陽堂的蜂蜜太陽餅



 


還有, 寶泉日月燒


選了抹茶紅豆, Yummy



 


最後一站


去查理布朗烘焙屋取早前已預訂的五盒原隻真蛋殼雞蛋布甸





還多買四個杯裝的雞蛋布甸



 


出發去台北前, 廁紙特意在 Jusco 買了保溫袋


因為我要帶雞蛋布甸回香港嘛


送禮呢, 真蛋殼的當然可愛啦


不過, 論方便攜帶, 都是真蛋殼的比較好


因為真蛋殼的雞蛋布甸質感比較實


送回香港的家, 整盒還是原好的


杯裝這款呢, 質感比較鬆軟, 加上底部有焦糖漿


回到香港拿出來看, 噢, 全變拌勻的焦糖豆腐花


論味道, 我就比較喜歡杯裝的, 因為有焦糖漿嘛


真蛋殼的沒有焦糖漿呀


2010年12月13日 星期一

三年零八個月

2010 年 12 月 13 日, 星期一


 


之前因為看九姑娘看得多


三年零八個月, 這幾個字, 不時在我腦海出現


剛巧, 跟你一起又快三年零八個月


是時候記下這三年多來的點滴



這三年零八個月


一起有過好多好多開心, 甜蜜, 幸福的回憶


 


想起當日我要找人幫我維修電腦


有人給我極力推薦你


當時, 跟你還不熟絡


只覺得, 你的樣貌都幾順眼


說話有條理, 有自信


 


想起當日, 我不敢開口問你可不可以幫我維修電腦


但你想也不想就答應幫我


又當日, 你怎也不肯讓我請你食飯當多謝你


一次又一次的令我欠完你一餐又一餐


原來, 我值得你投資在我身上


 


想起我們這幾年來, 風雨不改的幾乎每個星期去迪迪尼


想起你拿著相機, 拉著腳架倍我去影相


想起我們一齊去旅行


種種的甜蜜回憶以外, 亦有或多或少的辛酸


憶起我們在日本回來的那一晚


天意, 讓我知道你守了兩年的秘密


生氣, 心痛得有跟你分手的念頭


 


這幾年, 亦跟你一起走過你人生的低潮


倍你挨過在觀塘渡日如年的日子


為了見你, 好想睡覺, 好累, 都去油塘站等你


為的, 只是相聚幾句鐘


 


你為了心安, 明明好想睡覺都等到十二點, 等我回到家你才睡


還有早上六時多, 天寒地凍也跟我在電話聊幾句再睡


不過呢, 我從來都沒有在早上九點前給你打個電話再繼續睡


 


2008 年, 金融海潚


一起經歷大家的經濟低迷


你學懂搭巴士, 不再是當日的什麼都 $44.4


你學懂搭東涌線轉 S1, 不再的來的去


 


2009 年 9 月


你婆婆第一次住進 ICU


你傷心, 失落得像世界末日


2010 年, 事隔一年, 你婆婆再入 ICU


你已經懂得看開


每日探病歸來還問這問那, 細說你是日 CCU, Ventilator Ward 的所見所聞


我還寸你 " 你去探病定去參觀呀 "


當你答我 " 既然已經係事實, 開心又係咁過, 唔開心都係要過 " 


我曾經以為, 你終於想通


但原來, 你還沒懂得放手


 


我們的第一個三年零八個月


苦比樂, 可能多了那一點點


但願, 我們的第二個三年零八個月


我也可以和你在一起