婚前輔導 (二)

2013 年 1 月 28 日, 星期一



同學 J 大婚那天後
我們, 終於有時間再聚啦

五姊妹
話咁快, 嫁了兩個
又話咁快, 又將多嫁兩個
( 這些, 當然是在姊妹 M 未到之前說的 )

姊妹們都曾經問過廁紙
" 點解, 你成日都用 ' 我個 Friend ' 來稱呼男朋友嘅 "

活在一個盛女群中
自己, 亦曾經是一個剩女
廁紙, 絕對明白, 盛女心情

開口埋口都 " 男朋友 ", " 我老公 "
人家都有男朋友, 人家都有老公
當然, 不是什麼
但如果, 人家是盛女呢, 四十歲都未戀愛過的盛女呢
你的無心之說, 無意之稱
人家, 絕對聽得不是味兒

猶記得
同事 B, 當年同居之久都未婚
每當有人問她, " 幾時拉埋呀 ", " 幾時派利是俾我個女呀 "
B, 都一臉尷尬 " 遲 D 先啦 "
好明顯......
但是, 一有消息結婚呢
B, 有意無意的做給人看, 她結婚
然後, 又有意無意的問其他還未結婚的人 " 幾時到你呀 "
那時候, 我就發誓
己所不慾, 勿施予人

我, 絕對絕對不會問人家 " 幾時到你呀 "
我, 絕對絕對不會跟人說 " 你吾肯嫁啫 "
我, 絕對絕對不會跟人說 " 係你吾選人啫 "
只是, 有時, 比我年紀小的妹妹提起
我會說, " 幸福, 是要自己爭取的 "
然後, 分享我 " 女追男 " 的故事

幸福, 確是要自己爭取嘛
放工, 就回家
不給機會自己去認識新朋友, 又何來給機會人家認識你呢
也沒有必要給世俗眼光去框著自己
女追男, 都不一定是壞事
絕對不是 Cheap 啊

廁紙
我認, 我是女追男

剛結婚的同學 J
大婚當日, 在過百親友前, 亦公開
她, 也是給自己製造機會

當姊妹 M 對白馬皇子有 " 盛女要求 " 時
我, 真的好想倒冷水的說一句
" 面對現實, 條件好的, 九成都不會選你囉 "
未達標的, 亦不一定給不了你幸福
幸福, 絕對不是看 " 條件 "

當大家都年屆退休之齡
那些 " 條件 ", 也不見得是什麼

人, 來的時候, 什麼都沒有
走的時候, 亦帶不走什麼
找個伴, 何需看 " 條件 "
用心感受, 絕對勝過那些 " 條件 "



*          *          *          *          *



舊同學, 好姊妹, 無所不談
說到婚事, 說到廁紙跟廁紙媽的矛盾

同學都竟然說
廁紙媽對嫁女的要求, 其實都不算什麼
原來, 她們的媽媽, 都有這樣的要求
同學 J 亦坦言, 他朝她嫁女, 她都會這樣要求

臉子悠關
龍鳳鐲, 有幾多, 戴幾多
兩位同學亦坦言
" 阿媽要我戴家姐的龍鳳鐲 "
" 親戚借我戴 "

我問, " 你吾覺得, 每當睇相, 都會 Remind 你, 龍鳳鐲吾係你嘅咩 "
同學都答 " 係咪你嘅, 何需介懷, 最緊要, 在親戚前, 阿媽有臉, 我地做朋友嘅, 理得你有幾多對 "
同學勸說, 能力範圍做到的, 盡量滿足廁紙媽

我, 始終接受不了戴不屬於我的龍鳳鐲
但是, 今晚之後
我, 絕對會考慮多買一對龍鳳鐲