2011 年 8 月 18 日, 星期四
這天, 因為要製作 Diaper Cake, 要去深水埗買材料
順道一逛珠仔街
不看, 由自可
一看, 足足逛了一個下午
曾幾何時, 廁紙極度喜歡串珠仔
手鏈, 頸鏈, 只是小兒科
串過花籃, 串過魚仔, 串過手袋
有用魚絲串的, 亦有用鐵絲串的
家裡的一大堆珠仔, 依舊珍藏著
這天, 在一家珠仔店, 驚見串珠手錶
帶點 Vintage 味道
一見鍾情
左看加看, 左選右選
思前想後, 明知錶芯不跳動, 都要買
因為實在好喜歡, 好喜歡
最重要是, 價錢比我想像中的便宜得多
一於, 賭一賭, 買了再算
逛了好幾家珠仔店, 才買齊想要的材料
閒置一星期, 終於有時間, 有 Idea 去串
製成品, 好喜歡呢
這個錶芯嘛, 買的時候就已經不跳動
可能是無電, 也可能是壞
但我又超級喜歡這個錶芯, 逛了好幾家, 才找到這一千零一個
唯有賭一賭, 買了再算
希望只是無電
到廁紙串好, 叫廁紙爸幫我換電啦
才發現, 內裡的電池還有電, 但就不跳動
極度失落, 不是真的壞的吧
廁紙爸用 AA 電再測試, 竟然又跳
即是, 可能, 應該, 電池電力不足吧
還是去買新電池, 再賭一次
皇天不負有心人
終於有舊錶戴
夏天不愛戴錶的廁紙, 都要戴這隻 Vintage Watch
* * * * *
這天去逛珠仔店
廁紙這個串珠女, 遇上串珠男
話說, 廁紙在某珠仔店努力挑選之際, 驚聞一把男聲
男 " 我串左好多日, 都仲未串完隻狗呀 "
( 已經記不起是貓還是狗, 總之就是用水晶串的小飾物 )
女 ( 師奶職員 ) " 咁咁咁, 再咁咁咁, 咪串到囉 "
男 " 我一定要今日串起架, 我女朋友聽日生日, 我聽日要送俾佢啦 "
廁紙聽到這裡, 有點想嘔, 但又好想繼續聽下去, 唯有努力扮挑選珠仔
女 " 你咁有心呀, 你女朋友知唔知你串俾佢架 "
男 " 佢緊係唔知啦, 佢係到, 我又唔串得, 我咪唯有今日特登請半日假黎呢度串囉 "
女 " 你地一齊住架 "
男 " 唔係, 佢有時上黎我屋企啫 "
女 " 咁你阿媽知唔知你串俾女朋友呀, 有無叫你串個俾佢呀 "
男 " 阿媽知, 不過佢無理我 "
女 " 你阿媽見你串得咁辛苦, 都唔敢叫你再串啦 "
師奶職員拿起串珠男的 agnes b 紙袋
女 " 個袋好靚喎 "
男 " 係呀, 我女朋友好中意呢個牌子架, 我咪買個袋俾佢做生日禮物囉 "
女 " 個袋貴唔貴呀, 個紙袋都好靚, 你有兩個紙袋, 送個俾我得唔得呀 "
男 " 我女朋友好中意呢個牌子的紙袋, 我特登攞多個俾佢架 "
女 " 你好錫你女朋友喎, 咁你仲同佢去邊度慶祝呀 "
男 " 去台灣囉, 不過我衰囉, 唔得閒編行程, 佢好嬲呀, 所以咪串隻狗仔氹佢囉 "
之後的對話嘛
串珠男說自己做編寫電腦程式的
幾個師奶職員不停咀的讚串珠男叻, 又說要請教串珠男電腦知識
逗得串珠男心花怒放
廁紙, 沒好氣再聽下去, 付錢離開
晚上跟草紙說起這事
大家都覺得
串珠仔, 是女生玩意
男人老狗, 學咩人串珠仔
就算要用水晶飾物逗女朋友歡喜
買, 就可以嘛, 用不著花時間串的眼矇吧
廁紙跟草紙直言
" 好彩你唔會串珠仔俾我 "
" 好彩佢唔係我條仔, 更加唔係我個仔, 如果唔係, 實嘔血, 嘔白泡, 俾佢激死 "
草紙 " 我一定唔會咁做, 男人嘅時間咁晒嘅咩 "
一個生日就又 agnes b 又台灣旅行
唔得閒編行程就嬲
串珠男, 當心人家當你水魚吧
不過呢, 學廁紙媽的一句
男的, 亦不會白請, 白送
女的, 遲早嘔突
沒有留言:
張貼留言