尋找寄居蝸 (三) - 近男家 近女家

2013 年 10 月 4 日, 星期五



拍拖六年
跟草紙家人見面的次數, 十隻手指數得完
未來奶奶給我的感覺, 一向都幾 Nice
但是, 未入門的 Nice
是否等於之後都一樣呢

曾經
我好天真的以為, 是
亦因為草紙只有弟弟沒有妹, 慶幸沒有女兒跟媳婦的比較
此刻, 我開始覺得......

話說, 廁紙草紙最後決定
婚後, 租樓
住近男家, 還是住近女家
本來, 我無所謂
我希望以較平的價錢, 住較大的屋
男家或者女家附近, 那裡有這個 Offer, 就租那裡

草紙呢, 好想住近男家, 亦好抗拒住近我家
理由是, 我家距離 MTR 15 Mins Walking Distance

草紙 Prefer 男家那邊
因為 MTR 有 Shuttle Bus 直達草紙家
而這架 Shuttle Bus, 當然是逐程收費啦

其實我都抗拒 Shuttle Bus, 我情願 Walking
Walking, 可以自己控制時間
Shuttle Bus, 可不是自己可以控制
不過世事無完美
我只好接受

OK, OK, 兩邊樓, 我都去看
女家這邊, 我靠自己
男家那邊, 就未來奶奶幫忙看

上兩星期
廁紙第一次去男家住的屋苑看租盤
( 未來奶奶跟草紙看過, 再帶我去 )
未上去, 未來奶奶已經猛說
" 呢個價錢租呢間, OK 啦 "



*          *          *          *          *



好啦
昨日, 未來奶奶又看了另一租盤, 又說幾好
草紙叫我今日去看
還催促我說, 如果 OK, 就即簽租約

廁紙心想
就算喜歡, 都無可能即簽吧
一來, 總有點點細節要商討
二來, 就算業主不需要見見我, 我都想先見見業主啦

誰知, 當我花錢花時間去到看
頂......
比第一間平 $500, 但廿年前裝修

大門門鎖, 是一般用在睡房門的門鎖
大門關門後, 門頂有半寸空隙
保安有問題之外, 萬一火警, 大門根本不可以防煙

Agent 說, 業主未必肯換大門同鎖
因為上手都是這樣租

廁所呢
企缸只得浴簾, 沒有玻璃間隔
但企缸旁邊有電制
Agent 說, " 你唔好向電制果邊灑水咪得囉 "
我問 " 如果意外跣手, 花灑周圍噴水呢...... "
Agent 無言

就算我不嫌裝修舊
至少, 保安, 安全, 都好有問題吧

我給草紙看相, 又跟草紙道明我發現的問題
草紙都認為, 租不過

我問草紙
何解草紙媽會說這個租盤 OK 呢
如果草紙媽看到這些問題, 根本不需要我花時間特意去看嘛

草紙幫口說 " 你唔可以 Expect 一個五十幾歲的女人睇到咁多野...... "
Fine, 我不說大門, 不說廁所
何解我昨日問這間屋如何, 草紙媽一句都形容不了呢
" 一間新裝包傢私, 一間廿年前裝修無傢私, 咁簡單都答唔出? "

我開始相信
未來奶奶只要我們住近男家, 就爛屋都話 OK 囉
( 有 Wow 友說, 未來奶奶叫她去看男家附近的劏房, 暈~ )

加上早前未來奶奶問我媽
" 生第一個孫, 係咪應該問左奶奶湊唔湊, 先問外母架 "

我有理由相信
草紙媽開始擺奶奶款, 擺上門親家款

我肯住近男家
是否太天真呢



*          *          *          *          *



2013 年 10 月 5 日, 星期六



昨天跟草紙的理論
草紙再一次
" 你俾錢, 你話事, 我無意見 "
事實除了男家住的屋苑, 草紙的確無參與過

今早
我一於去看看廁紙媽朋友放的租盤
就在廁紙家附近

唉......
細價樓, 尺價貴
細價租盤, 尺租都超貴

算一算
細價租盤比大屋苑的尺租貴啊

又原來, 好多大屋苑的租金都下調
這麼說, 我不如租大屋苑好了
樓齡新, 又有會所, 尺租還要平

如果大屋苑, 租盤多, 也不用急於去租
還是再等等吧

為此, 這個下午
我又跟草紙吵

吵, 某程序上
因為草紙媽
我認, 我開始對草紙媽有點點意見, 或者可以說是偏見

但是, 我亦都因為草紙曾經說過
" 如果你要買深井, 我只係入去渡假 "
而不開心

草紙今日再講
" 如果要住你果邊, 我唔係日日返去 "
我, 氣得想打人

如果當渡假, 如果不是天天回家
幹麼要租屋, 繼續各自住娘家, 分居算啦
甚至可以說, 結婚幹什麼呢

一個九龍西, 一個九龍東
你家就叫市中心, 我家就叫遠
什麼道理呀

你住男家那邊, 方便你返工
但又有無想過, 住男家那邊, 我返工不方便呢
不要跟我說, 的士如何方便快捷
總不能天天都的出的入吧

我不是沒有考慮過住男家那邊, 亦不是抗拒
我亦努力過去找男家那邊的屋
但是, 如果女家這邊有更好的 Offer
怎麼非要住男家那邊不可呢

草紙媽想你住近男家
廁紙媽都想我住近女家啦

吵了一個下午
晚上, 草紙有點點讓步
" 如果 XXX 果度跌到萬一二, 就租果度啦 "

是晚廁紙媽亦跟我說
" 草紙家果邊唔俾養狗, 你咁驚狗, 你都係搬去果度啦 "

籌備婚禮以來
一直都覺得, 廁紙媽, 無商量
廁紙媽今晚的一句
我, 差點想哭

學 WOW 友說
回到娘家, 還是寶貝女