靚太餸籃

2014 年 4 月 17 日, 星期四



婚前十指不沾陽春水的廁紙
最憎, 就是去街市
盡可能的話, 我會去超市, 都不會去街市

當然, 我知道
平價食材, 街市會比超市新鮮同平
貴價食材嘛, 還是去高檔超市吧

婚後, 由想也沒有想過會煮飯
更一度連雪櫃都不需要插電源
後因吃不慣奶奶煮的晚餐
( 不可以話奶奶煮的差, 只是飲食習慣不同吧 )
迫於無奈, 自己煮
亦由被迫煮, 慢慢演變為, 喜歡煮, 好想煮
( 我認, 這個轉變, 某程度是因為靚靚的 Le Creuset )

但我緊記同事教誨
不要將興趣變成責任
當煮飯成為責任, 就不好玩了
當天天都煮飯, 先生視之為老奉, 就不會欣賞, 不會感恩了

婚前在娘家
娘家樓下就有大型街市, 又有幾家超市
從來都是即買即食, 天天新鮮食材
又可以先回家放低行裝, 兩手空空才去街市
即使買得幾抽幾袋, 走幾步路就回家, 方便又輕鬆

婚後搬到荒郊山腳
Home Sweet Home 樓下就只有一家迷你超市
去那裡都一定要先坐 Shuttle
總不能跟以前一樣先回家, 再去街市吧
不怕多花車錢, 都浪費時間啦

本來呢
放工, 去街市, 再回家
這個次序, 沒什麼問題的
好多人, 都是這樣嘛

但因為回家要坐 Shuttle
而我這些業餘師奶, 又只會在放工時間去買餸, 再在繁忙時間跟人迫 Shuttle
要是幾抽幾袋, 又是濕濕的餸
就算其他乘客不出言指責
我都不好意思嘛
( 事實同村街坊都好體諒和理解 )

哎......
當你身旁美女身穿 Burberry, 手拿 Chanel
你, 好意思捧著濕濕的餸, 坐人家身旁嗎
( 要是換轉角色, 我會介意囉 )

如是者
我在想
有什麼方法, 可以買餸買得 Elegant 一點
不會弄濕自己, 弄濕街坊的同時
又不會給 Chanel 美女比下去呢
( 我要做靚太, 不是師奶啊 )

雖然, 我知道, 亦一度用過美美環保袋
但是
當你買魚, 買菜, 這些有水的食材
環保袋, 還是會濕的, 只是外觀上好看一點吧

再者, 潔癖怪廁紙
實在接受不了承載過餸的環保袋, 不清洗就放回手袋重用
但每次用完都洗嘛, 我又覺得好麻煩

試過不立即手洗, 打算儲一堆才開洗衣機
放了幾天, 全都腥臭又發霉

某天
給我在 Uny 遇上它
超級 Fancy 的顏色
又美又實用
還要 Made in Japan
無奈, 有點貴
( 記不起 Exactly 價錢, 總之一百元有找 )

這天遇上 9 折, 終於按奈不住, 買了
而且一買就買兩個
因為橙色, 青色都好美, 選擇困難啦
其後又遇上紫色及桃紅, 又再買
( 還有白色的, 怕易弄髒, 就無買了 )

雖然貴
但外表超美
捧著嘛, 不像師奶, 是靚太啊
好多次捧著它去買餸
超市推廣阿姨, 賣叉燒叔叔, 都大讚我的靚太餸籃

有了它
買個薯仔, 買個蕃茄, 買條青瓜
買排雞蛋, 買包冰糖
不用膠袋, 直接放入籃就可以了
方便又還保
( 事實那些載過薯仔蕃茄的膠袋, 不會重用, 回家就掉嘛 )
當然, 買海鮮, 買菜, 買叉燒, 還是會要一層膠袋啦

去超市買急凍食品
又是不需要先加保鮮袋就直接入籃
即使籃外有水氣, 都肯定不是籃內滲漏出來
捧上身都不怕污糟

要是買壽司, 雞蛋等易碎, 易變形食材
硬身的膠籃, 亦保護妥當

亦因為是硬身的膠籃
懂得站立, 不會打翻漏水
即使買滿一籃海鮮
放到車箱, 車尾箱, 或是坐車放地下
都不怕打翻而弄得車箱一陣腥味
絕對有車無車都合用

膠籃亦方便清洗
沖一沖水, 或者加點皂刷幾下就乾淨了
風乾, 抹乾都方便
絕對比手洗環保袋方便好多好多

唯一的不好處
就是不能摺合
像我這些先上班, 後買餸, 再回家的就有點麻煩

不過, 理不得了
明知放工會去街市, 就一定帶著膠籃上班
( 雖然妹妹同事每次見到都笑我 " 師奶去買餸 " )
但如果放工不一定去街市呢, 那還是隨身一個環保袋算了

有車靚太嘛, 放到車尾箱
還是可以手挽 Chanel 去上班
放工挽膠籃去買餸吧

廁紙 Total 有四個大 Size 買餸用
平常帶一個就足夠
但明知去超市掃貨
或者跟草紙一起買食材做大餐, 就多帶一兩個出去啦

另有四個同色同款迷你 Size
( Aeon 某次家品展買的, 幾十元 @ )
在家放薑, 放蒜, 放食材
即使放在廚房外地下
不怕踢倒, 又美呢
或者直送玻璃樽的布丁甜品到奶奶家
方便, 又不怕打破玻璃
Nice

就連最初覺得我純粹貪靚的草紙
都喜歡用呢