廁紙 ~ 草紙 : 南下新加坡 - 第五天環球影城 (上)

2011 年 11 月 23 日, 星期三

來到新加坡的最後一個 Full Day
要去環球影城啦

由一開始決定要去新加坡
廁紙一直都考慮
環球影城, 到底要不要去

去, 其實只為見識, 只為影相
反正, 廁紙草紙都不玩機動遊戲

不去呢, 的確省回一大筆的入場費
但又好像有點可惜

日本的環球影城都已經無去嘛
如果連新加坡的都不去, 又好像無來過新加坡
何況, 下次再來新加坡, 都不知何年何月
都花了幾千元過來, 就無謂省那一千幾百讓自己可能後悔啦

出發前, 廁紙努力 Search Blog 得知
如果不事先訂票
到時, 有可能買不了 Walk-In 門票

廁紙找到的好幾個 Blog, 都有人話
早早九時, VivoCity 就已經有告示說 Full House

要保證有得去, 就得預先訂票
找過旅行社的門票預售
看過 SIA Holidays 的 Offer
跟正價的, 差不多, 甚至更貴
那不如自己在官網訂
官網, 有時都有 Promotion

如果早一星期出發, 官網就有跟 Master Card 做優惠
只可惜, 廁紙到達新加坡的那星期
是新加坡的學校假期
什麼優惠都沒有

不過, 就算有 Master Card Promotion
我和草紙都無 Master Card
看來, 都應該申請一張看門口

Online 訂票, 價錢跟 Walk-In 買一樣
但就保證一定可以入場
又可以在生效日起半年內有效
當然, 如果買平日票價的, 就有 Black Out Dates 啦

Online 訂票, 絕對有著數
唯一的缺點, 就是入場要用電腦 Print-Out
亦不可以憑 Print-Out 換普通入場劵
對於廁紙草紙這些什麼都要儲一餐的人而言
就是少了件收藏品囉

這一天, 為了要見識見識
二人的入場費, S $144

* * * * *

這一天, 環球影城開 10AM - 9PM
希望用盡我們的入場劵
希望玩盡我們可以玩的遊樂設施
希望影盡我想影的景點
期望十一時前可以進場

香港帶過去的杯麵, 都已經吃完啦
也不想在園內食又貴又不一定好吃的午餐
出發前, 一於先吃個大早餐

沒有考究過酒店附近有什麼好吃
反正 MRT Novena 站上蓋有商場, 有餐廳
不想花時間慢慢去找吃的
一於去吃我好喜歡的 Old Town

只是早上九時多, Old Town 就已經無早餐
要單點 Menu 內的食物
這個早餐, 好貴啊
新加坡人, 唔興食早餐咩

廁紙鍾情 Old Town 的怡保雞河
草紙呢, 叫他試 Laksa, 還是怕辣
有人想食餐蛋麵還是腸蛋麵
吓, ~ HKD $50 食個餐蛋麵, 好貴喎
威迫, 利誘之下, 一齊食怡保雞河

出 Blog 之日, 找找相片, 才驚覺
當日我在 Old Town 影的怡保雞河寫真, 唔見左
是我 Delete 左, 還是有人整唔見左呢
應該, 可能, 好可能, 又有人整唔見左
因為, 酒店附近影的, 都無左
It's not the first time......
唉......

* * * * *

大概十時半, 來到環球影城
快快進場, 爭取時間玩, 爭取時間影

早前就已經 Email 問過環球影城
知道不可以帶大件行李, 腳架等進場

亦知道, 入園前, 入園後, 都有 Locker

有放得下大行李箱的大 Size, 亦有小的

記得環球影城的 Email 報價不太貴

可以接受的價錢啦

廁紙以為, 一定有 Security Check 啦
實情嘛, 是無 Security Check 的

雖然在園內, 沒有見過有人拉著有轆的行李或者大袋子
但腳架呢, 有人帶進場, 有人在園內用呀
早知, 我們都帶腳架啦

不過呢, 如果次次都用腳架影合照
其實, 又一定會拖慢進度
又可能玩唔晒, 影唔晒
算吧

新加坡的環球影城, 就這麼細小
在園內走一圈, 不用三十分鐘
一個 Land 緊貼另一個 Land
遊樂設施又集中

\\

你可以說它小的可憐

但如果大一點的話, 一天, 其實又玩不完

出發前, 草紙有想過買 2 Day Pass, 希望玩盡環球影城

還好給廁紙拒絕

地理環境又好, 運氣都好

這一天, 入場人數不算多, 亦不用處處大排長龍
就一天, 還要是遲到早退
廁紙草紙都可以玩盡我們想玩的, 影盡我們想影的

唯一的點點遺憾
就是沒有玩 " 侏羅紀河流探險 "

這天, 廁紙努力研究地圖, 周圍看, 四處找

都找不到同事口中好好玩, 玩完會全身盡濕的侏羅紀

回香港後看相片
才知道, 原來根本沒有開放
如果, 只是例行維修
何解連樂園地圖都沒有 " 侏羅紀河流探險 " 這個遊樂設施呢
奇怪

* * * * *

遊園第一站, 在 Hollywood 逛 Shop

一如同事所言
新加坡的環球影城, 沒有東東會吸引你買

廁紙所言, 是沒有東東吸引我埋去睇囉
唯一稍有點點吸引力的, 就是這個招牌購物袋
不過, 還是迪士尼的靚得多

Hollywood 的影相位都算多

Popcorn 車真的賣爆谷架
跟迪士尼一樣, 有爆谷桶, 又有紀念杯
不過在我而言, 一點都不吸引, 沒有丁點購買慾

要影卡通人物的, 都集中在 Hollywood
廁紙草紙沒有刻意去等卡通人物, 隨緣啦
始終, 這裡不是香港迪士尼, 要爭取時間嘛

當然, 可以跟史力加綠色的兩個東東 Meet & Greet 就最好啦
可惜, 我遇不上
不過, 遇上又如何, 我連人家叫什麼名字都不知道囉

* * * * *

出發前, 廁紙努力做功課
想多了解環球影城的各項遊樂設施, 準備我的 Plan A, Plan B
奈何, 官方網站, Blog 的分享, 關於園內的遊樂設施介紹就不多

為了給有緣人的一個小參考, 方便準備 Plan A, Plan B
廁紙會詳細記低我玩過的遊樂設施
如果, 你想自己去探索新加坡環球影城的話, 就不要再看下去啦

* * * * *

穿過 Hollywood
由左邊開始, 先去馬達加斯加

廁紙見馬達加斯加的 " 木箱漂流記 " 就只等五分鐘
飛奔要去玩

有人, 本來已經不太願意剛進場就要玩
亦因為, 唔知係咩而唔想玩

排隊之時
有人見到船上有水花, 知道有可能濕身
極之唔 Likey

你有你唔 Likey, 我都要玩, 咪收起相機囉
無理由俾左成千銀入黎, 咩都唔玩架嘛
已經講明唔玩刺激的機動遊戲, 但無理由連船仔都唔坐囉

馬達加斯加的 " 木箱漂流記 ", 有點像迪士尼的小小世界

坐船仔, 睇風景

不過因為我無看過馬達加斯加, 一個卡通人物都不認識

玩完, 都唔知睇左 D 咩囉

有人, 玩之前
因為一大袋的攝影裝備而不想濕身, 不想玩

" 木箱漂流記 ", 其實又沒有一桶水照頭淋
只是, 某些地方會噴水花
亦記得, 某地方, 射過一條水柱
因為, 草紙背脊中招呀

接近尾聲時, 會經過水閘
曾經以為就這樣完蛋啦, 原來, 水過天晴又一村

總之, 如果, 怕濕身的話, 其實就什麼遊樂設施都不要玩
因為, 大部份的遊樂設施都有水花的
或者應該說, 怕濕身的, 就連新加坡都不要去
因為, 新加坡天天都會下雨嘛

怕濕身, 但又想玩, 還有一個選擇
就是先將隨身物品收進 Locker 再去玩
公園入口有收費 Locker, 部份遊樂設施附近亦有免費三十分鐘的 Locker 呀

馬達加斯加就只有兩項遊樂設施
除了 " 木箱漂流記 ", 就是 " Party-Go-Round "
即是旋轉木馬

馬達加斯加的必影影相位

廁紙, 實在要在 Blog 上大讚新加坡環球影城的影相服務
香港迪士尼, 絕對要參考人家的做法, 改善, 改善呀

新加坡環球影城, 主要的影相位, 都有攝影師駐守
一般情況下, 都是攝影師先用官方相機給你影好幾張
這幾張, 要賺錢的, 當然用心影啦
好啦, 官方相, 你買也好, 不買也好, 人家都落力影

之後呢, 如果你有自備相機, 攝影師亦樂意幫你用私伙相機影
今次這幾張, 無得賺錢的, 人家, 依然用心影, 落力影

所謂的用心影, 是有頭有腳, 等你準備好才影
有半身, 有全身, 打橫, 打直, 又叫你換 Pose 換位再影囉
影完, 人家攝影師又會看看 Play Back, 無手震, 無問題才會交還相機

反觀香港迪士尼的那班所謂攝影師
官方相, 影得好與壞, 我沒有考究過
因為已經一肚氣, 無眼睇
客人的私伙相, 手震, 無左半個頭, 無左半邊身, 無左隻腳, 咩都有
總之, 求求其其按左下快門就叫影左, 就唔該你過主
我真的想講一句 xXyz......

不是廁紙一個人要求高, 挑剔
Blog 上都有好多同類的 Complain, 抱怨囉
只是, 香港迪士尼, 意見接受, 作風照舊
廁紙不在 Blog 上踩多幾腳, 簡直就對唔住自己

說回開心事
馬達加斯加的其他靚靚影相位