南下新加坡 - 第五天 Siloso Beach

2011 年 11 月 23 日, 星期三



離開環球影城, 快快趕去沙灘
趁未下雨之前要去影相呀

Palawan Beach
那天, 我們已經來過啦, 不過雨困荒島嘛
就因為那天下雨, 只能在荒島上影相, 都沒有好好影過條吊橋
廁紙一直念念不忘, 要再來呀
要知道嘛, 下次再來新加坡, 都不知何年何月, 所以一定要影呀

草紙, 其實百般不願意再來沙灘
我不知道草紙何解這麼討厭去沙灘

草紙話, 是因為不喜歡雙腳沾上沙喎
就係咁簡單咩
Palawan Beach 周圍都有洗腳專用的水龍頭啦
咁, 即係無問題啦
都唔知點解你咁憎去沙灘

有時我會想
如果, 如果
將來我們有小朋友
草紙, 又會唔會陪小朋友去沙灘玩呢

去完 Palawan Beach, 影完我要影的吊橋, 荒島
天, 還未下雨
爭取時間, 再去那天沒有去的 Siloso Beach

其實, 我相信草紙不想去的
不過, 我好想去, 我想影 Siloso Beach 的地標呀
你不願意, 都要將就下啦

去 Siloso Beach, 有點轉折
廁紙見 Palawan Beach 離 Beach Station 不遠
就以為 Siloso Beach 的地標都在不遠處
因為 Siloso Beach 好長啊
加上看不明地圖, 廁紙草紙就在 Siloso Beach 的第一個站下車

下車之後找不到地標
問一問沙灘 Bar 的職員, 才知道
地標在 Siloso Beach 的最遠處
鄰近 Shangri-La's Rasa Sentosa Resort 呢

下錯車, 又要再等 Beach Tram
這個時候, 廁紙, 心裡其實有點不好意思的
我知道, 我知道, 草紙打從心底, 根本就不想去
因為我想去, 他才說去嘛
不過, 又無理由這個時候才決定不去呢
就算熱, 就算不願意, 都請你忍一忍啦
 
去到地標, 又下雨啦
隨便影了幾張, 算啦, 就當我跟它無緣啦

未去新加坡之前
草紙一直對新加坡的印象就麻麻
我嘛, 因為十幾年前的好印象, 一直都遊說草紙

這次來新加坡嘛, 幾乎天天都下雨
不下雨, 就熱到無朋友
我, 都開始討厭新加坡啦
原先, 還因為沒有住上 Marina Bay Sands 而想 2012 再去新加坡
現在嘛, 我敢講
三五七年內, 如無必要, 我都不會再去新加坡囉



*     *     *     *     *



在沙灘影完相, 本來, 應該去吃 McDonald's 或者 KFC 的
不過因為下雨, 無心情
也可能因為熱, 熱到無胃口
不如快快返去環球影城, 玩埋未玩的 Attractions
再返去 VivoCity 食 Food Court

入黑後的 New York

 

New York 的唯一一個遊樂設施, " 電影特效片場 "

有人, 當然又再因為唔知係咩而唔想玩啦

最後囉, 咪玩完又玩囉

就因為有人要求再玩 " 電影特效片場 "
是日最後一場的 " 超級怪物明星 " Show 就這樣放棄啦
不過, 無所謂啦, 一個卡通人物都不認識
睇完, 都應該唔知睇左 D 咩
最緊要, 你開心
你陪我去你好唔想去的沙灘
我陪你玩多次 " 電影特效片場 " 啦

" 電影特效片場 ", 並非機動遊戲
只是介紹一套電影的製作
當然, 中間都有點點水花, 冒煙效果
不想濕身的, 記得不要排第一排啦

本來, 廁紙草紙二人都對環球影城沒甚興趣

來, 只為見識, 不想自己後悔
來過, 見識過, 就算啦
將來去不去日本的環球影城呢, 隨緣囉
不過因為日本的門票太貴, 我, 唔恨去

草紙呢, 剛入場不久的時候講過
" 好彩係日本無去環球影城啫 "
到臨離開前呢, 因為 Transformers, 因為 " 電影特效片場 "
有人話, 下次去大阪, 一定要去環球影城喎

超, 你都不是第一次架啦
想當日, 你夠好唔願意去東京迪士尼啦
係我堅持, 係我情願犧牲我在日本的其他行程
先至換來一日的東京迪士尼樂園
到頭來, 你咪比我更加中意迪士尼

有人, 亦非常之好彩

晚上返回環球影城之時

可以再多玩一次 Transformers 呢

*     *     *     *     *



環球影城的最後一站, Shopping
其實, On The Way, 我一直都有逛 Shop 的
只是, 實在沒有一件東東會令我想買

但礙於, 無論如何都要買件紀念品
最後努力, Shopping 去

Betty, 那些年, 我叫她 " 大眼妹 " 的
得意, 係幾得意
不過無新加坡環球影城的特色, 唔想買

獎杯, 有特色呀
不過, 買來幹什麼呢

千挑萬選, 買了這兩個

其實, 有個 14 寸手提電腦袋都是導演版設計的, 好靚, 好得意
不過, 有點貴, 不買啦
何況, 當時, 我就知道我會換大 Notebook
出 Blog 之日, 已經用上新 Notebook 好一段日子呢

*     *     *     *     *



離開環球影城, 回到 VivoCity
去 Food Republic 醫肚
早上吃過 Old Town 之後就沒有吃過東西啊, 超肚餓

一入 Food Court
就被這件七彩糕糕吸引
味道嘛, 一般啦, 大菜糕的口感

左邊的, 是菠蘿
有人不等我, 就吃剩這麼一小舊

今晚, 在新加坡的最後一個晚上
無論如何, 都要食 Laksa

新加坡的第一餐海南雞飯
我, 還是喜歡香港的泰國人海南雞飯啊

雖然那天在 ION Ochard 吃的燒雞翼一般過一般
不過, 既然是新加坡的招牌菜, 怎也要再試嘛

除了燒雞翼, 還點了沙嗲串燒
今次, 是牛, 豬, 雞

這一次嘛, 燒雞翼好, 沙嗲串燒也好, 味道還是一般
沙嗲串燒, 依然覺得曼谷唐人街車仔檔的最好

還有, 還有
VivoCity 發發燒烤, 這一檔的一大缺點
就是, 買沙嗲串燒要配米糕
但米糕, 又要加錢喎
唔要咩, 又唔得喎
即係, 明屈啫

夾硬來, 迫人買, 都算啦
不好吃, 先過份嘛

來新加坡前滿抱期望的燒雞翼, 沙嗲串燒
原來, 就不過這樣

在新加坡的最後一個晚上
就不過這樣, 過了

明天, 返香港啦