南下新加坡 - Ibis Novena

一開始, 廁紙言之鑿鑿, 大口氣的說
去完新加坡要即寫 Blog
遲寫, 就會忘記云云

是呀, 第一篇, 可是回來之後的幾天就寫
可最後一篇呢
是拖延四個多月後的今日才寫囉

要不是因為月底會去東北
要不是這幾天做功課做的悶
要不是忽然來的寫 Blog 興致
要不是突如其來的假期
我, 今日是收唔到尾嘅

遊記, 其實已經寫完啦
只是, 一開始
廁紙就想寫一篇關於我們在新加坡下榻的酒店
既然, 相又影左, 又 Re-size 左
堅持, 堅持

當日
因為價錢
因為 Ibis 的品牌
因為新落成的關係
選了 Ibis Novena
縱然 Blog 上有人批評為 " 距離 MRT 太遠 "
廁紙還是, 決定了

說真的
你在香港的家, 都不是樓下就 MTR 啦
除非, 你住地鐵站上蓋囉
行少少, 無所謂啦
更何況, 要平, 就要有代價



*          *          *          *          *



Ibis Novena 位於 MRT Novena 站

由 Tan Tock Seng 醫院那個出口出

上地面後, 就是一條大直路, 直路首先上斜
直路的兩旁, 隨了會見到醫院, 還會見到的, 都是醫院
一間應該是全科醫院, 一間應該是腦科專科醫院, 一間 Nursing Home
還有一間建築中, 應該是超豪華的醫院

醫院之外, 還有一所戒備森嚴的 " 公園 "
閘外有人持槍戒備
閘外還有 " 不准攝影 ", " 會被射殺 " 的標誌
廁紙草紙每次在 " 公園 " 對面馬路經過, 都覺得持槍人士在監視我們
驚

曾經以為, 這個 " 公園 " 是監獄
但是, 又沒理由在醫院, 高尚住宅旁起監獄丫

試過早上的上班時候經過 " 公園 "
又會見到, 返工都要做保安檢查
奇怪
" 公園 ", 到底是乜東東呢

回香港後查證
原來, 這個 " 公園 ", 是新加坡的警察總部
唔怪之得啦, 真係俾佢嚇死

沿著大直路走, 上完斜路, 就會落斜
周圍, 應該都是高尚住宅

不要跟我說
在新加坡, 這些不過是普通過普通的民房

走到盡頭, 就會見到 Ibis Novena
由 MRT 走過來, 大概, 十五分鐘
廁紙, 其實覺得可接受的
不過, 有些懶人, 就會挑剔囉

Ibis Novena, 其實位於剛說的斜路, 和另一條大街的交界
要坐的士, 就要在大街那邊等

亦記得第一晚坐 Shuttle 來的時候
大街有家 " 文東記 ", 就在距離 Ibis Novena 的不遠處

Ibis Novena 的對面 ( 大街那邊 )
有幾家地道食店
如果要吃得好一點的
MRT Novena 上蓋就有商場, 有餐廳
不過我們天天都早出晚歸
就只吃過 Old Town 啦

Ibis Novena 的 Lobby 挺簡陋
不過, Neat and Tidy

上房呢, 要用匙卡按樓層的
即是, 只可以去自己住的那一層
不過, 這就等於安全嗎
要去其他樓層, 應該可以逛樓梯吧
唯一可以杜絕的, 就是非住客的閒雜人等吧

上到住房層, 一步出升降機
廁紙的感覺, 挺差的
白色牆身, 米黃色的房門
超級超級簡陋, 好大陸呀
亦有一種不太踏實, 不太安全的感覺
還好, 有草紙同行
如果只有女生, 應該挺驚的
再者, 一天就只會進出一次
在走廊逗留的時間少得很呢

廁紙草紙本來被安排入住 8 樓
( 廁紙 Request High Floor )
一知道是樓梯旁的尾房, 廁紙已經不太滿意
打開門, 兩張單人床嘅
我們要一張大的雙人床喎
更加有理由給自己要換房

以前, 廁紙不太著意住的是不是尾房
反正, 我只是過客, 就住幾晚
自從, 廁紙媽說過
後樓梯是俾 " 果 D 野 " 行黎行去嘅
盡可能, 都要求不要尾房
有 D 野, 寧可信其有囉
何況, 走廊給我的感覺, 本來就不踏實

打電話去 Reception 要求換房嘛
其實, 都有心理準備要先住一晚, 明天才有房換
因為, 我們 Check In 之時已經很晚啦

好彩, 那刻還有雙人床的房可以換
不過, 亦可以說不好彩
因為, 換房後在 3 樓
( 最低應該是 2 樓 )

Ibis Novena 好似以前舊式井字型公屋設計
四邊是走廊和房間, 中間中空的

而 3 樓, 中間就有個可以讓人吸煙的平台
再一次, 不安全的感覺

我們的新房間, 一樣是樓梯旁的尾房
唉, 天注定
算啦, 算啦
 
打開房門
雙人床, 單人床, 都是一樣的設計
Neat & Tidy
不理走廊的話, 其實, 挺不錯的

我們在 8 樓的房間有 Mini-Fridge 的嘛
又打電話去 Reception 要求囉
有人, 要飲冰凍汽水嘛
何況, 在新加坡, 買凍的罐裝汽水有 Extra Charge
買室溫的, 回來自己雪

那個 Mini-Fridge
也不要期望過高啦
就只放得下六罐還是八罐可樂
不過, 有, 好過無囉

廁所都算整潔啦
那樽洗頭沖涼二合一的, 超香芒果味
草紙說, 即是多化學劑囉

廁紙, 本來不太滿意我們的尾房嘛
還好, 第二朝起來, 拉開窗簾, 景觀還不錯
相對那些在井字中間, 互相對望的房間
我們這一間, 很好的了

*          *          *          *          *



打這 Blog 的時候

草紙打電話來說
" 你好似係到趕功課, 去日本之前, 要做埋之前嘅功課 "

係呀, 我認呀, 我唔想爛尾嘛
與其遲下 Mix 埋一堆都要寫, 不如趁現在有 Mood
快快做, 快快交啦

事實我亦本著, 幫得自己幫得人
想當日, 我都是因為人家的 Blog 而選酒店
我希望我寫的 Review, 都可以幫到有緣人
要知道, 官方網站的相片, 不可盡信
同事 E 更明言, " 我影得仲好過佢啦 "

前陣子, 有個網站給我留言
說我寫的酒店 Review 夠真實云云
邀請我加盟他們的什麼什麼

曾幾何時
我都羨慕一些 Top Bloggers 因為幫人寫廣告 Blog 而有 D 油水
但是, 廣告 Blog 多了, 漸漸覺得討厭
亦覺得, 寫 Blog 本來是開心事
是自己的開心回憶, 開心 Share
如果, 麻木咁去讚, 去 Sell
到頭來, 破壞左, 沾污左自己幾年來的心血
至少, 我覺得, 得不償失
何況, 那些著數, 那些油水
我又唔係俾唔起