東北加油第四天 - 北上盛岡

2012 年 4 月 24 日, 星期二



2012 東北加油 - 第四天



一連三天的東北行, 來到最後一天啦
用盡 JR East Pass Special
是日目的地, 岩手縣, 小岩井農場
 
之前, 就說過
去東北的三天
本來最想去的, 是去八戶食燒海鮮
最後因為不想坐來回六小時車程就為去食海鮮, 所以放棄八戶

後來補上的, 是我原先想也沒想過要去的小岩井農場
因為人家 Blog 上的靚相, 因為各個官網的靚相
我要去小岩井農場看雪山, 我要去看雪山下的一本櫻



*          *          *          *          *



是日, 跟昨天一樣
坐 08 : 12 由東京開出的 " 隼 " 號

今早無遲到, 有時間在酒店吃早餐
也有時間早點到東京駅月台影相

我們將會坐的 " 隼 " 號

喜歡日本人的自律, 自攜垃圾下車

兩個多小時的車程去盛岡
一如天氣預報, 今日盛岡天晴啦
只可惜, 沿途有藍天, 去到小岩井還是無藍天
不過沒有下雨, 已經天大恩賜啦

10 : 32, 準時到達盛岡

廁紙做功課之時, 就知道巴士站在盛岡駅的正面出口那邊
不知怎麼, 在站內看錯指示牌, 走錯路

嘗試問人啦, 一如 N 年前一樣
你問人, 人家還要驚過你
算, 自己找
還好發現得早, 回頭是岸

雖然 Blog 上有說, 去小岩井農場的巴士, 在 10 號巴士站等
不過就怕 Blog 上的資料不夠 Updated, 也怕 311 後有改變
還是去冬菇亭詢問處再問一下

詢問處職員, 也給我這張去小岩井農場的班次時間表
跟網上找到的一樣嘛
不過這張還有收費資料
由 JR 盛岡駅前去小岩井農場, 700 Yen

在 10 號巴士站等

坐的是 " 小岩井農場行 ", " 網張溫泉行 " 的一架巴士
以廁紙草紙的龜速, 走錯路, 又去詢問處, 都趕得及 10:45 的班次 

大概 40 分鐘的車程, 到啦, 到啦

廁紙本來就奇怪, 怎麼日本的巴士都可以那麼準時
準時開車, 也準時到達
路上, 不會塞車, 不會有突發事件嗎

坐過嘛, 明白
日本的巴士, 比廁紙學車之時更加龜速行駛
路路暢通嘛, 就慢駛
塞車咯, 就應該開快一點追時間吧

我肯定, 以香港人的自駕本領
由 JR 盛岡駅前自駕去小岩井農場
一定不用四十分鐘

講大話的一週

2012 年 6 月 23 日, 星期六, 端午節



廁紙一連八天的年假, 來到尾聲啦
這個假期, 本來, 我有個 To Do List
最起碼的, 就是要完成我的 2012 東北之旅 Blog
還有那些要寫又未寫的陳年舊 Blog
因為, 這個假期之後, 我又要半工讀啦
到時, 未寫的 Blog, 就更加無時間無心情寫啦

舊 Blog 未完, 都好想打尖
先記低這一週的大話日記

事緣, 這個假期
廁紙會跟草紙去一轉澳門兩日一夜
為免有人咦咦哦哦點解唔同埋佢去
為免有人俾說話我聽
為免有人買埋杏仁餅俾佢都彈三彈四
為免廁紙媽草紙媽私交之下洩漏風聲
廁紙草紙一致決定, 講大話

這麼大個人, 已經三十歲
唔返屋企睡, 都還得向阿媽交代

同事說, 草紙都說
" 咁大個人, 你係知會佢, 唔係要得佢同意 "
係...... 我知, 我明
但是, 我不想因為 " Inform " 和 " Approve " 而跟佢爭論囉
到頭來, 我還不是抵受不了我媽的陰波功
倒不如用最簡單, 最直接的大話
就是 " 我返夜 " 囉

一連八天的假期, 但中間有兩日 " 返夜 "
廁紙媽一定覺得奇怪
唯有, 做戲做全套, 講大話講到尾



*          *          *          *          *



星期一, 講大話的第一天
上班時間, 早上十時

廁紙一向的彈性上班時間
讓我可以遲過廁紙爸媽出門, 但又早過他們回家
有無返工, 我自己至知

扮返工的關係
在家吃完外賣, 也得清理現場
垃圾, 要掉出屋外的垃圾房

又因為扮返工的關係
要掉件衫出來洗
我又未至於敗家到在衣櫃拿件乾淨衫出來洗
就在那些新買, 未穿過又未洗過的隨便掉一件出來囉

同日晚上, 廁紙媽歸來之時
隨口問過一句, " 咁早返嘅 "
我, 差點穿崩
還好, 還清醒, 懂得答 " 家下七點幾啦喎 "



*          *          *          *          *



星期二, 講大話的第二天
是日, 放假

因為星期三四要 " 返夜 " 的關係
這一天放假, 不出為奇
所以, 這一天, 懶得講大話

一如以往, 在家虛渡光陰
也準備一下明天 " 返夜 " 的行裝



*          *          *          *          *







星期三, 講大話的第三天

是日, 返夜

正常的返夜, 廁紙都是白天在家, 晚上才返工
所以廁紙這個早上在家, 又不出為奇, 輕易過關

至於在澳門的兩日一夜, 容後再 Blog



*          *          *          *          *











星期四, 講大話的第四天


是日, 返夜後的放假天

正常, 廁紙返夜後的放假天
一, 就是在家痴呆
二, 就是出去玩
所以, 這一晚我晚上才回家, 又正常嘛

這一晚, 不知廁紙媽是因為忘記而隨口問, 還是有心 " 裝 " 我
問 " 你今日又放假咩 "
我 " 我昨晚返完夜丫嘛 "
媽 " 係喎, 咁草紙又放假咩 "
我 " 佢今日返半日丫嘛 "


還好, 草紙一向都有間中返半日的時候
雖然我相信, 廁紙媽應該可能跟草紙媽私交過

這一晚, 我一時大意, 自言自語說
" 明天去邊好呢 "
廁紙媽問 " 你明天唔洗返工咩 "
差點又穿崩, 急忙補答
" 係喎, 明天星期五, 我以為明天星期六, 星期六我放假丫嘛 "



*          *          *          *          *



星期五, 講大話的第五天
上班時間, 又是早上十時

再一次廁紙爸媽出門, 我還可以繼續睡覺
不過, 為免穿崩
也因為我想出街敗家
這一晚, 我晚上十時多才回家
又輕鬆過關



*          *          *          *          *



一連五天的講大話, 扮返工, 完滿結束

原來, 扮返工, 比真返工也好不了幾多

時刻清醒, 免得隨時穿崩

廁紙草紙亦經常戲言
" 你咁樣呃你阿媽, 因住第日個女都咁樣呃你 "
" 咁咪唔好生女囉 "
" 咁生仔囉 "
" 生著個仔好似你咁咪一樣衰 "

有時我會想
如果父母哦少 D, 問少 D, 理少 D
我, 應該不會刻意去講大話
凡事, 都是雙向的嘛

東北加油第三天 - 心慌慌回東京

2012 年 4 月 23 日, 星期一



2012 東北加油 - 第三天



瘋狂 Shopping 過後
拉著千斤相機車, 挽著大袋紅白藍
慢慢走去 JR 駅

途中, 經過這兒

雖然還有點點雨
理不得這麼多啦
下雨, 都要影
最多, 不開腳架影

皇天不負有心人, 終於影得八甲田丸

還有海上保安廳的船

極速影完, 走
回到 JR 青森駅, 還有點點時間
又影

JR 青森駅附近就有東橫 Inn, 超近
有人話, 下次要住青森, 下次要住東橫 Inn
方便下次去青函隧道紀念館喎

細小的 JR 青森駅

行完買完一大輪, 總算能夠坐原定時間的火車返新青森
電車男繼續電車之旅, 月台又影

去八戶的車, 竟然就得兩卡

又等

廁紙只是做了十多分鐘的咕哩, 已經好累好累
當電車男還有心情影火車的同時
我, 站在一旁痴呆, 等車到

等呀等, 我都不在意
是草紙發現, JR 火車遲到呀

此時此刻, 廁紙開始有點心急, 有點擔心啦
我們如果坐原定的新幹線返東京, 雖然是有約半個小時的 Transit
但是, 我不知這一班列車會延遲多久嘛
如果趕不上回東京的新幹線, 等再下一班, 回到東京就十一時啦
如果都趕不上, 這一晚就無車回東京了

廁紙邊焦急, 邊擔心
看著我的手稿, 都於事無補
求神拜佛, 火車快點到啦, 唔該

好彩, 火車最後都只是遲了幾分鐘開出

再搭電車男夢寐以求的特急白鳥號
有人, 超級興奮的上車

廁紙, 雖然已經上車, 但依然猶有餘悸
擔心原定只有五分鐘的車程會有變卦
又怕我們行李多, 手腳慢
都懶得去找我們的指定席, 站在車門旁看行李算
著草紙自己去影車廂影過夠

一向什麼都要一齊的草紙, 又怎會捨得我自己一個站在車門邊看行李丫
找了個近門口的好位置, 拉廁紙過去坐
行李, 就丟在門邊算啦
反正, 人家想偷, 偷完都無路走
事實, 亦沒什麼好讓人偷

而在這一程特急白鳥號
電車男, 竟然一張相都無影過

安坐好嘛, 廁紙又盤算
如果, 是如果
我們趕得上, 不如搭早一班車返東京啦
早十四分鐘開出, 卻可以早大半小時返到東京
九時半回到東京, 還有時間去吃晚飯, 不用食凍便當
又可以坐 E5 系, 何樂而不為

廁紙當時以為, 如果坐原定的班次
我們將會坐的是紅藍色的 " 疾風 " 號, 而不是 E5 系 " 隼 " 號

草紙嘛, 則認為
如果我們要趕呀趕的去換車票, 又衝呀衝的上車
情願坐原定的一班算啦
返到東京十時就十時啦

好, 下車再算

去到新青森, 用人手出閘之時
廁紙多口問職員, 得知原來在人手出閘櫃台都可以換指定席
既然還有點點時間, 又換得指定席
一於搭早一班車, 坐 " 隼 " 號回東京

我知道, 草紙不喜歡趕呀趕, 衝呀衝的上車
事實上, 我都不喜歡
但為了搭上 " 隼 " 號, 草紙都願意趕呀, 衝呀

趕, 是趕得上, 只是有點急
草紙極速連人帶行李的將廁紙掉上車
自己, 再一個人下車影相

為了早一點返東京
為了搭得上 " 隼 " 號
我, 遺憾無在這個有月台幕門的新青森駅跟草紙合照囉

經過一天的慌失失, 心慌慌
上到 " 隼 " 號, 終於可以安定下來啦

在車上, 慢慢品嚐我們今早吃剩的千層豬扒包

還有我們期待已久的青森蘋果
青森蘋果汁, 青森蘋果批, 青森蘋果啫喱

" 希望XX " 的青森蘋果汁, 有蘋果蓉呀, 超好飲
蘋果啫喱, 在青森縣觀光物產所買的
367 Yen 一盒, 超好味呀, 只是帶返香港有點麻煩
蘋果批嘛, 又是去青森必吃
有三款, 都有試食的
廁紙草紙都比較喜歡帶酸味的一款

吃飽, 又睡飽
返到東京, 又再精神

" 隼 " 號, 去東北必坐

" MAX " 嘛, 都是去東北必搭

廁紙草紙的是日咕哩行
從東京, 帶千斤相機車去東北
再從東北, 帶紅白藍返東京
累

累, 只是其次
這袋紅白藍, 將會給廁紙草紙帶來另一個擔憂

由決定即日來回青森
已經知道這一晚的晚餐會吃得求其
要不, 在新幹線上吃便當
要不, 回酒店吃杯麵

但因為酒店附近有 CoCo Curry House
廁紙又聽聞日本的 CoCo Curry House 超讚
縱然我知道草紙屬意回酒店吃杯麵
我都堅持去吃咖哩呀

何況, 今次跟上次不同嘛
上次, 就玩了一整天, 累的飯都無心情食
今次, 在新幹線上小睡過, 有精神吃呀

有人聲言要慳錢, 點了較便宜的豬肉還是牛肉飯
但又要加又貴又唔抵的溫泉蛋囉

我嘛, 來日本都花了不少錢, 就無謂委屈自己啦
幫草紙的飯加魷魚圈之餘, 自己點了個雞扒還是豬扒飯

在日本, 算是便宜的一餐

不過味道跟我想像的有分別

香港的 CoCo Curry House, 不用試啦