2014 年 12 月 25 日, 星期四
瘋狂買買買
買 LC
又買 Starbucks
記不起那一年聖誕
因為 Christmas Sale
廁紙在昂坪的 Starbucks 買了第一隻 Starbucks 杯
令一個從來不飲咖啡的人愛上 Starbucks
愛上 Starbucks
但不等於愛上咖啡
可以選擇, 還是會飲其他東東啦
廁紙的第一隻 Starbucks 杯
某天, 給廁紙爸碰倒墮地, 一跌就裂了
雖然那一刻, 我有衝動從其他途徑補購一模一樣的一隻
但從此, 不再買膠杯
2013 年初
廁紙草紙買了第一對 Starbucks 不鏽鋼暖杯
2014 年
這一年, 廁紙家都用上這對蛇年杯當家用暖水壺
二人家庭
草紙又不太喜歡飲熱水, 足夠用啊
容量少, 相對天天都可以飲新鮮水
每晚睡前注滿剛煲好的熱水
半夜, 或是第二天起身飲, 還是暖的
百幾元的價錢, 幾百元的質素啊
( 當時即使不是減價, 也不過百多元 )
兩年後
Starbucks 杯漲價不少
要不是減價, 一定不會再買
某天, 從敗家 Group 得知 Starbucks Christmas Sale
Yeah......
經過在多家分店搜尋
買得最喜歡的六隻
無錯, 是六隻
最左邊的兩隻, 買 Double 啊
一來減價超抵
二來最初只買得左邊兩款, 就多買兩隻拿回公司或者拿出街用嘛
右邊的兩隻
可是聖誕這天才在機場執的死雞呢
* * *
話說, 奶奶見我們買 Starbucks 保溫杯
就當然八卦一下啦
草紙見奶奶對 Starbucks 杯有興趣
也就超級興奮的介紹, 推介 Starbucks 杯
落力 Sell 奶奶用 " 有 Taste " 的 Starbucks 保溫杯
不要用 Thermos 那些囉
當奶奶得知
這一年, 我們在家都只用 Starbucks 杯當保溫壺之際
也就問起那一年前, 她要我們拿回家的象印電熱水壺
話說
一年前, 廁紙草紙剛結婚的某天
廁紙家 ( 廁紙草紙二人的小窩居 ) 百無
奶奶家還是超級零亂之時
某一晚
奶奶強迫我們將一個全新連盒的象印電熱水壺拿回家
說 " 我屋企無位呀, 拎去你度擺住先啦 "
縱使當時廁紙超級極度不明白
一個電熱水壺, 會有幾 " 無位 "
但我對奶奶之言的理解是
電熱水壺只是放在廁紙家存倉, 但並不屬於我們的
如是者
存呀存
廁紙家, 亦由百無, 變得越來越零亂
廁紙, 亦開始對這個電熱水壺有微言
更曾經質問草紙 " 你屋企都執好啦, 幾時拎返過去呀, 好阻定呀 "
草紙, 每一次都支吾以對 " 遲 D 先 ", " 得閒先 ", " 記得先 "
廁紙亦由最初的 " 睇佢唔順眼 "
到後來 " 算罷啦, 當睇佢唔到 "
雖然心裡還是有個疑惑 " 唔用又做咩買 ", " 睇我幾時掉左你 "
接近一年後的某天
廁紙媽來我家
眼見那個封塵的電熱水壺, 問 " 做咩買左唔用 "
廁紙答 " 奶奶話係到擺住先喎, 都唔知擺到幾時, 又無話攞返, 你岩用就攞去啦 "
嗱嗱嗱
外面的免費存倉, 三個月內不取走, 都當放棄論啦
何況我已經存了一年
在問準草紙的情況下
廁紙媽將電熱水壺搬走, 給快出世的姪 B 沖奶用
這天在機場
當奶奶得知我將她那個
" 我特登用左成千銀買俾你地架, Made in Japan 架 " 電熱水壺全新連盒送人
她, 雖然沒說什麼
但我相信, 內心一定嬲到生蝦咁跳囉
而我, 當時好想回一句
" 你話係我到擺住先, 都無話送俾我, 點敢開黎用呀, 何況你個仔都唔中意飲熱水 "
繼而心想
" 小來這一套啦, 邊個叫你講大話 "
再想
" 你唔係覺得因為係你送, 所以我地就要明明唔用, 都要無位搵個位安置佢呀嘛 "
電熱水壺與其繼續在廁紙家封塵
不如讓姪 B 日日沖, 晚晚沖, 時時沖吧
草紙經常說
" 我媽好簡單, 不要將她想得太複雜 "
哎......
要是簡單, 電熱水壺事件就不會這麼說吧
要是簡單, 就不會明明草紙表妹想問我借結婚茶具, 但奶奶又要說成
" 不是表妹問, 只是我想問, 假如...... "
沒有留言:
張貼留言