男人都喜歡女人嗲 ?

事緣, 某爸爸級同事說起他怎樣怎樣偏心阿女, 直認不違, 皆因

" 阿女識得虛寒問暖, 仲唔 " 冧 " 死 "

" 阿仔呢, 有事就識得叫老豆, 無事就淨係掛住打機 " 

 

廁紙回想, 廁紙媽就經常說

" 你老豆已經錫到你燶, 係你唔識得嗲你老豆, 如果唔係, 你要咩都得啦 "

 

男人真的這麼喜歡女人嗲?

有一天, 廁紙問草紙

 

" 係咪所有男人都中意女人嗲架? "

" 你見依家好多公司嘅高層都係女人就知啦 " 

又 O 嘴, 無言以對

草紙補充 " 家下 D 女人越來越叻, 事業為重, 唔靠男人, 唔嗲男人, 無仔溝咯, 咪寄情工作囉, 越做得叻, 眼角就越高, 更加唔會嗲, 邊有仔要丫 "

" 我都唔識嗲, 唔中意嗲架, 咁你又要? "

" 呢個係你嘅性格, 我改變唔到, 中意你, 就要中意埋你嘅缺點 "

" 次次都唔夠你講 "

" 你呢 D 做公營機構嘅, 個腦邊有我呢 D 做商界嘅轉得快 "  

 

我個腦幾時先可以轉得快 D ?