買保險變買教訓

前陣子, 想給自己多買一份保險

事前已經有人提醒過廁紙

找經紀, 要找個高級的, 年資長的, 經紀轉工的機會微, 你的保單也不會變孤兒單

道理歸道理, 不過欲找無門

剛巧, 身邊人的一位朋友也剛轉投保險行業

順理成章的就找那熟人介紹的經紀啦

心想, 熟人介紹, 應該不會差的那裡去吧

何況, 買保險, 我首要選保險公司, 次選保險計劃, 第三才選經紀

反正, 再高級的, 年資再長的經紀, 也會有退休的一日, 到時候, 還不是變孤兒單

 

那個經紀, 初次見面, 給廁紙的印象還是不錯的

雖然是保險新手, 不過看得出是商界老手

初次見面, 給廁紙上了一堂保險理論課

講解廁紙應該投保多大的保額, 又應該付出多少保費等等

對於一個商界白痴的廁紙而言, 當然覺得經紀小姐解釋得非常詳盡

也促使廁紙跟她第二次見面, 就簽了保單

後來了解多了, 每個經紀還不是用同一套保額, 保費的台詞

我也會背唷, 就看你表達得有多好而已

 

經紀小姐給我做的保險計劃

全面保障, 相等於廁紙十年薪酬的保額, 保費也不過是我月薪的十分一

第一次看, 感覺很好的

經紀小姐說這是基金單, 如果升值潛力好, 預計十年左右就可以供完

總之就說了一大堆優點

缺點嘛, 其他附帶條件啦, 細則嘛, 一句都沒有提過

加上草紙也說那保單不錯, 廁紙就即時簽單兼繳了一年的保費

當時就覺得, 這個經紀可信, 就什麼都聽她啦 

 

可是, 簽單不久

廁紙跟同事, 朋友閒聊間, 驚聞好幾個他們親身經歷的保險慘痛事件

給廁紙的忠告是

不要買基金單, 也不要買儲蓄單

買最便宜, 最簡單的保險就是了

買保險還買保險, 要投資, 要儲蓄, 就分開投資, 分開儲蓄

希望自己健康無事, 就當每年白白倒錢出去算了

 

廁紙就因為當日太倉促簽單

根本沒有好好了解清楚

也沒有好好比較其他的計劃

簽單以後, 每時每刻都在苦惱保險事宜

其後上網瀏覽該公司的其他計劃, 也看看其他保險公司的計劃

仔細了解, 比較, 格價一番後

發現, 經紀小姐沒有提及過交通意外賠雙倍這點

如果我知道這點, 我就不會投保太大的保額

她也沒有提過買基金單要付多少行政費

也沒有提過, 如果基金單虧損, 我又要供多少保費等等

總之, 就是滿腦子的疑問

最諷刺的是, 保險公司的網站就指出

客人要清楚明白投資風險, 才買有投資成份的保單

可我自己, 根本就完全不了解, 也不明白, 經紀小姐也沒有解釋過

或許, 她以為我什麼都清楚明白而不作解釋吧

 

簽單後, 跟經紀小姐說想比較該公司不同計劃, 不同供款年期的保額保費

麻煩她再做好幾份新的計劃書

其實, 經紀小姐也不過是按按電腦, 一切資料都出來嘛

廁紙絕對知道, 我這樣的諸多要求好麻煩

經紀的立場, 當然希望給客人簽什麼就簽什麼, 簽了就什麼都不要改

不過站在客人的立場, 自私一點看

我用十分一人工去買一份保險, 而不是用十元八塊去買根菜

多比較, 多格價, 也好合理唷

再者, 深思熟慮過那保額, 保費的問題

雖知道, 買保險, 保額當然越大越好

保費嘛, 縱使負擔得起, 也該要值得才付出唷

 

廁紙到底還是想買保險, 只是想轉過另一個計劃, 也一再減保額

已經簽單了, 就得要趕及冷靜期完結前處理

每次跟經紀小姐說想改保單, 減保額

她每次都回覆 " 不用急著改, 等正式保單出了, 你還有十四日的冷靜期可以改 "

總之就是, 計劃書給你做, 就是不願幫你申請減保額

後來因為要加保費, 要再簽同意書才會發正式保單

廁紙堅持減保額才簽, 她才照著做

 

經紀小姐聲稱, 簽過同意書後的幾天就會正式出保單

可每次追問正式保單出了沒有, 她都說還沒有收到公司的通知

廁紙可不是善男信女, 自己打去保險公司問

保險公司回覆, 已正式發出保單, 冷靜期是十四日後的某天

廁紙再扮作若無其事的聯絡經紀, 問保單出了沒有

她又回覆 " 可能過了這個週末就有啦 "

好吧, 就當是公司還沒有將保單交到你手

週末過後, 廁紙收到保險公司寄來的書面通知

列出正式發出保單日, 也列明冷靜期是十四日後的某天

遂打電話追問經紀

" 我想問下我幾時可以收到份保單呀 "

" 你係咪想 cut 丫? "

( 火都黎, 好聲好氣問你, 亦無篤爆你隱瞞保單已出, 唔駛咁講嘢呀

唔想做咪出聲, 我即刻 cut 左佢

我就睇你係依家個經濟仲未完全復甦時, 你可以有幾多張保單 )

忍住度氣扮無嘢 " 我想睇清楚份單 D 細則同想轉 plan "

" 公司仲未出喎 "

" 係咩, 我岩岩收到你公司封信, 話上星期已經出左囉 "

" 係呀, 可能佢今次寄通知俾你快過發保單俾我 "

" 下, 但係個冷靜期都過左一半囉, 再等落去, 我邊有時間睇完份正式保單再改嘢呀 "

" 十四日冷靜期只計工作天, 星期六日唔計, 你仲有時間呀 " 

" 唔係喎, 我打去你公司問過, 星期六日都計, 封信亦都列明係某日喎 "

" 可能公司岩岩改左 policy "

( 即係擺明昆我啦, 做左幾個月, 無理由冷靜期點計都唔知卦 )

經紀又說 " 不過一般人出左份單都唔會睇細則, 亦唔會再改嘢 "

" 但係我想睇清楚 D 細則再作決定嘛 "

( 小姐, 我先前三番四次話要改嘢, 減保額

一開始, 我亦講過我只想預每月五百至八百蚊保費

係你大咬, 同我做大四倍, 我依家諗清楚想減保額啫

你之前每次都耍我話出左單都仲可以改, 你依家同我講話一般人都唔改, 無嘢呀

更何況, 我由第一次見你, 我都不停重複, 出左正式保單, 我要睇埋細則再決定

一般人唔睇係人地嘅事, 但係我要睇

呢個係我嘅權利, 亦係我嘅責任, 你無理由剝削我嘅權利

再講, 如果每個人都有睇清楚內文細則, 就唔會有今日嘅雷曼事件啦 )

" 你要睇當然可以 "

" 其實呢, 我想改 plan, 我唔買基金單啦, 但係依家個冷靜期過左一半, 我要改 plan 的話, 就算你夠時間改, 你公司都出唔切份新單俾我睇細則啦 "

" 係呀 "

" 我打去你公司問過, 佢地話, 如果我想轉 plan, 而又想有返個冷靜期去睇份新 plan, 佢 suggest 我 cut 左依家份單, 再重新 apply 另一份 " 

" 你都可以咁做, 不過一般人出左好少再改啫 "

" 我都係想買返傳統單嘛 "

( 人地唔改人地嘅事, 我要改呀, 你只不過驚自己食佣食少左啫 )

" 咁我下次見你, 幫你 cut 單, 同時俾埋份新單你簽啦 "

( 當我傻架, 仲信你 )

" 我重新 apply 過, 唔係要即時俾錢咩, 我呢排唔夠錢周轉, 我要等你公司退返晒錢俾我先有錢再 apply 喎 "

" 唔怕, 上次你減保額, 公司已經出左張票退返錢俾你啦, 張票係我到, 都夠你俾份新單嘅錢啦 "

" 我之前用信用卡俾錢架, 退錢唔係應該退返落張信用卡度嘅咩 "

" 可能公司覺得退支票快 D 卦, 反正張票依家係我度, 你隨時都可以拎返張票 "

" 我唔要支票, 叫你公司退返落張信用卡度得唔得 "

" 都出左咯, 錢梗係係自己手好 D 啦 "

" 咁好啦, 我聽日 call 你再 confirm 時間啦 "

 

收線之後, 再打去保險公司問支票的事

原來經紀早已收到支票

廁紙覺得, 作為經紀, 收到支票應該立即通知客人

而不是人家跟你說無錢再申請另一份, 你才跟人家說已收到支票

我不跟你說無錢, 你豈不是不打算將支票退還給我, 雖則你都拿不到支票的錢

離譜, 這個經紀的職業操守及誠信好有問題

我無可能再相信她

 

跟草紙相量, 還是決定取消保單

現在簽單都這樣拖延, 我難以想像, 假如將來我要索償又會是怎麼的一回事

廁紙估計, 如果著經紀幫我取消保單, 九成九又會被拖延

可能拖延至錯過冷靜期而不能取消保單

還是自己親自去總部辦理好了

 

那天, 早早起床, 跑到中環總部取消保單

再坐船到尖沙咀找經紀取回支票

再坐船到灣仔跟草紙吃午飯

再坐地鐵上班

一個早上, 走了五個區, 從未如此頻撲過

由簽名申請開始, 每時每刻都在想保險的事, 根本沒有開心過

取消保單後, 反而一身輕

 

廁紙私自去總部辦理取消保單前沒有知會經紀

故一見面, 經紀還是給我看保單, 還說是什麼剛剛才收到

又要我問, 才拿支票出來

還好沒有先跟她說已取消保單, 要不, 她可能不會還支票給我

可笑的是, 支票的發票日又是一星期前

我還沒開口問

經紀就說是因為支票由英國的總公司發出, 送回香港要點時間

她當我是傻還是什麼呢

要是真的由英國總公司發出, 支票上沒有可能印有中文吧

再者, 該公司在世界各地都有分公司

小小退款也得勞煩英國總公司

總公司豈不是超忙, 世界各地的分公司還有需要存在嗎

支票到手後, 禮貌上知會經紀一聲已親自去總部取消保單

經紀當然感錯愕

沒辦法, 你做初一, 我做十五

我沒有必要再顧及你的感受

要不是給那介紹人一點臉子, 我早就去什麼保險業監理局投訴她

 

因為保險是以美元計算, 取消保單之時, 才知道會蝕對換差價

保險公司收錢以 7.8 計算, 退款卻以 7.79 算

結果, 我就蝕了對換差價

這一點, 經紀也是沒有提過的

當日簽單時, 她只說過, 如果退保, 可以全數退回

如果以美元算, 確是全數退回唷

但是, 由始至終都是對換港元後才交易嘛

若果我知道對換差價一事, 我可會想清想楚才簽唷

這件事上, 好明顯經紀又是有心隱瞞

她不可能不知道保險公司收錢以 7.8 計算, 退款卻以 7.79 算

 

還有呢, 廁紙曾經問過經紀可否轉回月繳

她聲稱可以, 不過又是說

" 人人都做年繳, 無人做月繳架喎, 同埋如果你月繳, 到你索償時, 都要俾返晒一年的保費先可以索償 "

廁紙既然已經取消保單, 也沒有再向該公司查証這點

不過, 大概都沒可能吧

舉例說, 某人在該保險年度的第三個月就過生

只要某人交了三個月保費就應該可以索償嘛

沒理由叫一個已過生的人交清剩餘的保費才作賠償吧  

又一次確實, 這個經紀的職業操守及誠信好有問題

還應該送她一句, 唔熟唔食

 

這件事上

廁紙花了錢, 花了時間, 保險買不了, 倒買了教訓

雖然這經紀差的不得了

大概是她只視這保險工作為暫時性質

所以她的目標是快快吃回佣

不過, 廁紙還是要一讚這保險公司

每次有問題打去問, 總是會在廁紙的指定時間內回覆

退保亦沒有留難

退款也可是超快的, 只是經紀從中作梗罷了