病房遇故知

04年冬至, 廁紙因為返 P, 所以係醫院做冬. 當天可精彩啦, 媽來醫院找我, 哥也來醫院, 多年無見的朋友仔都出現啦.

當年廁紙還在內科病房, 住的多數是年老的病人, 間中有些後生仔入住, 倒是挺引人注意的, 因為佢地都中意周圍走, 唔痴床.

當時有個後生仔都住了好幾天, 因為不在我負責的病格, 所以我只知道有個後生仔經常走來走去, 可我連他的名字都不知道. 直到冬至那天, 經過那後生仔的病床, 人不在, 只見一些編織的用品, 我還跟同事說, 怎麼那個男的會織冷衫?

後來派藥派到那後生仔, 跟他核對名字......

廁紙 : 你叫咩名呀?

男 : XXX

廁紙心想, 呢個名咁熟0既? 再望望佢 label 的名, 年齡, 屋企地址, 好似我哥一個兒時的朋友仔呀, 再望他一眼, 問 : 你識唔識廁紙哥呀?

男 : 識呀, 你係邊個呀?

廁紙 : 我係佢個妹, 廁紙0羅!

男 : 我係到住左幾日, 都無為意你0既? 你又帶住口罩, 我認唔到你, 原來你做左護士呀

廁紙 : 我只知有個後生仔成日出出入入, 我都無為意係你呀

男 : 咁你哥呢?

廁紙 : 你要不要依家見佢? 佢今日撞車, 都入左0黎. 你行到, 佢行唔到, 不如你去骨科病房搵佢同佢聚舊丫

朋友仔極速食完藥就去探廁紙哥啦, 廁紙哥都估唔到, 04年的冬至, 會係醫院同舊朋友相聚.

只希望那年的冬至, 只此一次. 要聚舊, 要重逄, 什麼時候都可以呀, 還是不要以病人的身份係醫院再見比較好.