2009 年 9 月 1 日嘅下午
幾秒之間, 我同你去泰國的希望幻滅
諗住轉同阿爸阿媽去, 點知又訂唔到機票
你當時就話, 既然咁唔順利, 咁多阻滯, 就唔好勉強啦
無辦法之下, 我只好接受現實
唔諗泰國, 唔諗日本, 留係香港養生修息
無耐, 就從 Yahoo 得知日本九月尾可能大地震
雖然依家日本仲一切正常
但係, 我地去唔成, 可能就係避左呢個可能發生嘅一劫
前幾日, 你係天文台睇到有個颱風 " 彩雲 " 可能打到黎
你當時就估, 如果真係吹黎香港, 大概星期六就打到黎
我地就話, 之前個天唔俾我地去旅行, 可能就係要避開呢個颱風
雖然, 個颱風依家吹緊去日本, 我地亦唔打算去旅行啦
但係, 一而再咁避過兩個可能發生的劫, 我已經相信個天之前係俾緊暗示我
今日, 本來係我預算要去泰國嘅第一日
下午, 我仲有少少埋怨咁話, " 本來我依家應該係泰國架 "
點知, 岩岩睇晚間新聞
曼谷又黎集會
原來今日係反他信三週年
雖然依家佢地仲未有進一步嘅行動
但係回想曼谷之前所發生嘅事
真係好好彩, 慶幸我地今次去唔成
你岩岩係電話到, 亦都再重申, 你唔想去一個政局咁唔隱定嘅地方
你唔想去一次旅行連份工都無埋, 你唔想瞓機場, 就算幾平你都唔想去
你之前之所以話肯同我去, 只係因為我好想去而倍我去
雖然泰國一而再咁令人卻步
但係, 我真係好想可以同你去一次曼谷, 去一次蘇梅
沒有留言:
張貼留言