我用左差唔多一日時間去搵去睇泰國 package 資料
尋晚又 print 資料 print 到三點先瞓
今朝返到屋企唔瞓覺, 又係為左研究 package
打電話去問, 又無晒機位
我都打算放棄, 去唔到就算
但又俾我搵到個更平更好的, 仲要有位
正當我想打電話同你講
你就打黎, 仲要帶黎一個壞消息
又聽到你話繼續要放假, 即係唔洗去啦
我唔係唔想體諒你
只係, 我真係好失望, 好唔開心, 唔單止好想喊, 而係已經喊左出黎
頭先係電話到, 我唔出聲, 只係我唔想俾你知我已經流緊眼淚
點解我地次次 plan 去旅行都一波幾折
個天唔幫我唔緊要, 但都唔好玩我丫
俾完希望我唔夠幾秒鐘就收返
仲要係咁大穫, 又即時攞走晒你 D 假
D D 希望都唔留返俾我
我只係想同你去一次泰國啫
由你唔想去, 到我終於說服左你肯同我去
點解最後都係攪到咁
我知今次你都唔想, 但我真係真係好唔開心, 好失望
沒有留言:
張貼留言