南下新加坡 - 第二天 Build A Bear

2011 年 11 月 20 日, 星期日



千沙萬水, 終於回到 VivoCity

雖然大家都有點累, 又一身汗水加雨水
但見時間尚早, 只是七時左右
難得, VivoCity 有 Build A Bear
又難得, 我們都快要回酒店
就算買個公仔, 都不用帶著四處去
一於去看一看, 也讓草紙開一開眼界

以為 Build A Bear 在 VivoCity
還好看一看指示牌
原來, 在隔鄰的 HarbourFront Centre

這麼近, 那麼遠
走錯路, 繞了大圈子

今次去 Build A Bear
要不要造一個新公仔
未出發, 廁紙已經考慮良久

一方面, 想讓草紙開一開眼界
另一方面, 其實, 買套衫就可以

那一年在曼谷造的一隻, 已經忘了名字的 Build A Bear
如今, 已經在垃圾膠袋內蝸居一年有多 

今次如果又造一隻回去
我的床頭, 只會多一隻 Build A Bear 住進垃圾膠袋蝸居

不過, 無論如何
買, 不買, 造, 不造
Build A Bear, 還是要去的
因為, 我想看一看新出的 Disney Collection
從 Blog 上所知, 有 Princess 裙呢

甫走進店內, 就去找 Disney Collection

巴斯光年, 沒有啦
Woody, 還是香港迪士尼 Duffy 的一套好
而且, 兩者價錢差不多
意外的是, 原來還有 Winnie the Pooh
還要有 Winnie the Pooh 的頭

Princess 呢
現場看, 有點失色
公仔穿上身示範, 亦沒有想像中的可愛
而且, 感覺 Princess 裙的 Cutting 怪怪的
唯獨喜歡 Tinkerbell

想都沒想, 就決定要買 Tinkerbell 裙
S $26.9, 不貴啊
其他衣服, 無版權, 都差不多價錢嘛

公仔, 再造一隻嗎
考慮, 考慮, 再考慮

最後, 基於想草紙見識見識的理由
基於不造公仔就不好意思在店內影相的理由
也基於, 給廁紙草紙一點回憶的理由
百多元港幣的公仔, 豪出去

有時候, 錯過左, 就是錯過左, 後悔都無用
正如當日在沙巴, 如果我有買那對 Starbucks 杯
之後在台北, 我會買
早幾個月去澳門, 又會買
今次去新加坡, 都會買

但當日在沙巴無買
之後再買都無意思啦
少一個的 Collection, 初次遇見在沙巴的 Collection
不儲也罷

其實, 公仔的價錢從來都不是廁紙考慮的因素之一
要考慮的, 只是又怕家中多一件珍品
珍而重之至十年八年都不會拿出來欣賞的珍品

說實話, 出 Blog 之日
從新加坡回港已一星期
除了拿給廁紙媽看, 拿給表妹看的那兩次
我都沒有從垃圾膠袋拿 Build A Bear 出來欣賞過
而我床頭, 確實多了一隻在垃圾膠袋內蝸居的 Build A Bear

為了造公仔而買公仔
只選最便宜的一隻, 亦是最好樣的一隻
也就是兩個表妹暑假在曼谷造的一隻

熊家有名的, 叫 Lil Coconut Cub
S $17.9 就可以買起佢

新加坡還是泰國較便宜, 不清楚啦
總之, 就是我可以接受的價錢

拿去打氣, 打棉花, 吹脹佢

先吹手腳

再吹 Body

因為表妹的兩隻肥熊, 肥得幾乎穿不下衣裙
又因為廁紙的第一隻瘦熊, 瘦得可憐
廁紙想要粗手臂, 甲組腳的 Bear Bear
但 Body 要瘦一點

只可惜, 職員誤會了廁紙的意思
又給我吹了一隻肥熊
浪費了很多棉花啊

今次醒啦, Closing 之前先試穿衣裙
Just Fit 才 Closing 啊

一如以往
為了 Bear Bear 可以水洗
不加聲音

應增肥的增了肥
應瘦身的瘦了身
給她一個心, 成熊了

今次在新加坡
有全紅心, 亦有紅白格仔心

熊主人我, 有先天性心臟病
Bear Bear, 都有先天性心臟病呀, 好多好多的心漏

雖然廁紙的心臟病 Minor 過 Minor, 亦不用醫
但說的難聽點, 就是, 無得醫, 等死啦
想起同事的一句, " 宏觀來講, 人出世, 就係等死 "

現在說的輕鬆
回想兩年前, 懷疑的那晚, 大鬧急症室的那晚
在醫院哭得死去活來的兩夜兩日
差點回不了家過聖誕, 差點以為自己一命嗚呼
咁, 就兩年啦

活在心臟病下
珍惜每一天
珍惜眼前人

出世啦, 來個 First Bath 大風吹
再刷刷刷, 乾淨啦

回香港後看相, 才知道
有圖教應該怎麼刷啊
廁紙可是亂刷一通呢

換上新衣, 做綠色天使
廁紙依舊覺得, 不穿鞋, 最可愛
事實亦沒有一對相襯, 又看得上眼的鞋嘛

起個名字, 申請出世紙
就叫 Tinkerbell 啦

大功告成
看一看 Tinkerbell 的出生日期
2011 2011, 好特別的日子
亦想起, Blog 友仔這一天大婚啊

可能這一晚, 大家都又熱, 又累, 又臭, 又肚餓
草紙都沒心機看我玩, 亦沒心機影相

第三次去 Build A Bear, 影得最少相的一次呀
草紙亦沒有幫我影衣服
店內的胡亂影, 都沒影幾多張
就這一張比較像樣吧

廁紙本想細看其他衣服
有聖誕 Costume, 亦有好多冬衣
羽絨褸, 超可愛
不過就找不到代表新加坡的服飾
草紙可提議買新加坡的民族服裝呢

草紙一臉倦容的等待
職員又催我付錢
算吧, 結帳去
一裙, 一公仔, 一共 S $44.8
跟泰國的差不多價呢

有緣, 日本 Build A Bear 再會
到時, 大概又會造一隻
還有美加, 英國的呢
幾時, 我會集齊世界各地的 Build A Bear 呢



*     *     *     *     *



玩完 Build A Bear
有人急不及待的衝去影麗星郵輪
三年前, 我倆坐處女星號去高雄啊

我倆當年住的露台房

記得走遍船上的每個角落
但又好像沒去過運動場

那一年, 打風過後才出發的
天氣差, 都沒游過水, 真浪費

不過, 我記得
草紙是因為在處女星號初嘗 Laksa, 而愛上 Laksa 的

船尾的兒童水上設施模型, 造得不夠精細
黑白棋盤, 我有玩過呀

下一次, 廁紙草紙再坐郵輪
會去那呢



*     *     *     *     *




是日晚餐, 吉野家

事緣, 尋找 Build A Bear 之際
路過吉野家

有人話
那一年, 我們在東京都在吉野家吃晚飯
好想試新加坡的吉野家喎

我覺得呢
應該, 有人好肚餓
不想慢慢找吃的, 就隨便說要吃吉野家囉
不過, 你陪我去 Build A Bear, 我陪你吃吉野家吧
雖然我有想過回去食 Food Republic, 但我知你一定不想走回頭路囉

兩個雙拼餐, 不要湯, 轉汽水
總共 S $21.8, 好貴呀
不過, 平過日本, 算吧

草紙點的牛拼蝦

廁紙點的雞拼蝦

實情, 還不是一人一半

味道跟香港的差不多
不過, 牛肉汁沒的自己加添

飯後有力氣, 去逛超級市場
VivoCity 原來真的大得行
走錯方向, 找不到往 MRT 的電梯

問人嘛
經指示下, 去了另一個較細小的超級市場

買汽水, 買六罐裝的
還有四天在新加坡, 應該夠飲
今次醒啦, 買室溫的, 回去自己雪

想買杯麵
Laksa 跟 Chili Crab 都賣光
其他的, 沒必要試啦
麵質差, 又比香港的貴
還好廁紙從香港帶了四個杯麵過去

路過冷藏食品區
有將近關門才減價的壽司, 一盒才 S $5
一看就知是百佳質素, 不過有人好想吃, 買啦
廁紙嘛, 也買青瓜卷跟蟹棒

以前, 不吃青瓜的廁紙
因為同事的極力推介, 強迫試食, 愛上涼拌青瓜
也從此, 不討厭青瓜
雖然不是每一種煮法的青瓜都吃

又那天, 同事買來青瓜卷
廁紙竟然又愛上青瓜卷
可知道, 廁紙小時候吃壽司, 會特意挑走青瓜啊
出 Blog 之日, 都想吃青瓜卷, 可惜, 買不到

在新加坡的超級市場
買壽司, 不送即棄筷子呀, 要另外買
不過呢, 背心膠袋可任派
明明就可以放一個膠袋的
職員都喜歡分開乾貨和濕貨

起初, 都感覺有點浪費, 想用回自己的購物袋
不過呢, 又已經好久沒用過背心膠袋
不用錢, 當然要啦
總好過把我的環保袋弄污, 弄濕
環保袋要留待隨後的日子用嘛

2011 南下新加坡
就這樣悠閒, 但又狼狽的過了



*     *     *     *     *



出 Blog 之夜, 廁紙問草紙

" 你知唔知今日係咩日子呀? "
草紙一頭霧水, 一臉茫然, " 今日係咩日子呀? "

" 今日, 係我同你一齊以後的 4 年, 7 個月, 兩個星期零 5 日呀 "
" ...... 你自己都一路講一路笑啦 "
" 我開心之嘛 "