一人三梳

2013 年 8 月 5 日, 星期一



上個月在淘寶淘了一堆婚嫁物資
基本上, 要買的都買了
除非, 又有人失機無神有要求啦

廁紙媽明明說
" 上頭, 是旦啦, 求其搵把梳梳下咪得囉 "

OK, 我淘了上頭套裝
我喜歡的, 有六角盤的上頭套裝

收貨後給廁紙媽看
廁紙媽問 " 你做咩買兩套女裝呀 "
我 " 咩呀, 呢套我, 呢套佢囉 "
廁紙媽指著男裝 " 呢隻都唔係男人梳, 男人用尖尾梳架 "
我 " 咁人地係咁俾丫嘛, 我點知啫 "
廁紙媽又說 " 正式要有三把梳, 一把梳一下添呀, 不過是旦啦 "

又是這樣
咀裡說無要求
做好了就挑剔

不過, 算
一把梳, 我不跟她計較
再買尖尾梳囉

曾經想過 DIY 上頭套裝
都準備好部份物資啦
還好最終放棄
要不, 到時有東西不合廁紙媽心意, 又煩



*          *          *          *          *



這天, 上班前經過 $3 店
居然讓我 $3 買得尖尾梳
質素, 說不上好
用一次, 可以啦

看呀看
又給我找到桃木梳
( 應該不是真的桃木梳吧 )
又是 $3, 即管買來玩玩啦
挑呀, 選呀, 一共買了五把

左邊廁紙的, 右邊草紙的
每人都有三把梳
滿足下咀裡無所謂, 心裡有要求的廁紙媽吧

又用 $2 買了紅繩
不知有什麼用
但大婚日應該有用
聽說可以用紅繩紮好金鐲防跌嘛

婚嫁雜物準備好
問題又來了

草紙說 " 我媽話咩都唔洗攪, 佢唔會幫我上頭喎 "
廁紙 " 下? "
心想, 你不上頭, 我可以上頭嗎, 我一定要上頭喎
心裡, 有點不爽
草紙媽, 要跟我對著幹嗎

後來想想
草紙媽的意思, 可能是不想她自己幫草紙上頭
而不是完全不讓草紙上頭吧
因為, 根據定義, 草紙媽絕對不是好命婆
草紙媽, 不想自己的 " 好命 " 傳給草紙吧

Anyway
工具買了, 到時再算吧

正如廁紙媽都無要求子孫桶
我見不貴, 都先買啦
免得有人有日失機無神又說要買子孫桶