顯示具有 2009 韓國 標籤的文章。 顯示所有文章
顯示具有 2009 韓國 標籤的文章。 顯示所有文章

2009年3月6日 星期五

2009 Feb 20 韓國第五天

我在 Grand Hilton 的房間有露台, 一晚大雪過後, 第二朝從露台影的.



青瓦臺


 


最喜歡的一餐, 石頭飯. 不過我無聽書, 無加辣醬, 拌的顏色差了點. 有加辣醬的, 橙色的石頭飯, 靚好多.



新村女子大學街, 幾驚導遊唔去, 我要去大學影相呀!





新村女子大學街見到 Cold Stone, 同行的又不是草紙, 沒有入去吃的衝動. 2007 年和草紙在六本木吃 Cold Stone, 2008 年和草紙在高雄吃 Cold Stone. Cold Stone 可是廁紙跟草紙的回憶呀, 不能跟其他人一起去吃唷!



在明洞錯過了 Kosney, 好彩新村女子大學街有分店. 看似新鮮 Cheese Cake 的 Breadou, 其實是麵包手墊, 在 Kosney 買的.


幾天後我在泰國見到價錢貴4倍, 不過就款式齊全啦. 打開蓋子好香呀, 後來返看泰國影的相, 才知道款式不同, 味道都不同呀. 我買的是 Vanila 味, 韓國才 Won 4500, 好後悔只買了一個, 雖然當時只剩三個可選擇, 其餘兩個都給人弄的好殘舊呀.




兩對 For Sale in Korea Only 的 Hello Kitty 襪褲, Won 5000 一對, 係路邊檔買給表妹仔的.




臨上機係禁區 Mc Cafe 買我最愛的煙肉蛋漢堡, 那煙肉是新鮮有肥糕的那種, 不是香港用加工過的煙肉.




OZ 723 返香港囉!





B747 - 400 Combi 第一次坐呀!


整個旅程, 最後......


竟然係草紙靜悄悄來機場接我, 廁紙可是 Sweet 爆啦!


2009年3月5日 星期四

2009 Feb 19 韓國第四天 Part 3

梨泰院




導遊推介團友去梨泰院這間樓上店買 Laneige 和 Silran, 當然還有賣其他品牌, 如 Iope, 話平過其他地方喎. 俾錢後, Sales 姐姐給我們的紙袋是 Aritaum, 店外卻沒有 Aritaum 的招牌.


同日晚上, 係明洞見到 Aritaum 店, 價錢跟各品牌的專門店是一樣的. 唯獨是梨泰院團友買那間, 沒有 Aritaum 招牌, 卻用Aritaum 紙袋的那間, 特別平. 明洞 Aritaum 店無 Silran 賣, 梨泰院那間獨有. 我倒懷疑自己在梨泰院買的是不是正貨?


導遊推介 Silran Peeling Gel 和 Whitening Moisture Cream, 折扣後 Won 23333 一支. Whitening Moisture Cream 有水珠的, 夠保濕又唔笠, 不錯呀.



夜遊明洞, 終於俾我買到 Skin Food Black Sesame Hot Mask, 亦再在街頭買了 Won 3000 燒雞泡魚乾. Yummy!



由於第一天自遊行明洞已經買得八八九九, 這晚沒心機逐間舖慢慢磨. 況且, 就只一個半小時, 夠買什麼? 周圍影相, 隨便逛逛算了. 逛了逛, 竟然落雪呀, 終於見到落雪, 好靚喔! 咁大個女, 第一次落雪喔!


 


這間 Café 是某韓劇的拍攝地呀, 入去避避雪, 休息啦. 那柚子雪糕味道好清甜, 質感介乎雪糕與雪葩之間, 好特別!


 


人蔘雞晚餐, 那人蔘比我的尾指還小, 而且斷開了兩邊, 有團友更加找不到他的人蔘.


是晚 Upgrade 了住 Grand Hilton, 酒店的裝橫還停留在十幾年前的金碧輝煌, 也沒有房間免費上網.



洗手間用品是 Crabtree & Evelyn 的 LaSource, 不過樽背標明是 Made in China, 我可沒見過 Made in China 的 Crabtree & Evelyn.


2009 Feb 19 韓國第四天 Part 2

行程寫的是去韓湘庭園, 是農村, 可以參觀人蔘田, 可我們去的是首爾市中心內一大廈學做泡菜. 導遊也只是在雪嶽山回市區的車程中, 左指指, 右指指經過的人蔘田.


試穿韓服, 泡菜 DIY, 品嘗人蔘牛奶, 都是在首爾市一大廈內. 每人一小杯的人蔘牛奶, 可能不太喜歡人蔘味, 所以也不喜歡人蔘牛奶. 那個米通就好好味, 我吃了好幾個, 不過又是不准攝影和錄影.




泡菜 DIY, 挺好玩, 我自覺做的好靚啊!


2009 Feb 19 韓國第四天 Part 1

是日早餐, 在小木屋, 只有午餐肉, 煎蛋, 麵包, 生菜絲, 薯條. 即是, 我的是日早餐是餐蛋治拼薯條.




愛寶樂園, 十二年後, 舊地重遊, 記得這個像花的東東, 記得當年最開心就係坐吊車, 因為當年是夏天去, 無係滑雪場坐嘛. 當年在愛寶樂園買的鎖匙扣還是保存得好好喔!



圖下面金色那個就是十二年前在 Everland 買的, 當年 Lotte World 都有出用一款的鎖匙扣.


當年玩過什麼都忘了, 今次係樂園的時間頗足夠, 去了動物園, 玩雪兜, 不斷影相.




聖誕都過了, 還是很多聖誕的佈置.


在劇場睇表演, 超悶, 睇的我瞌眼瞓. 不過行的好累好凍, 就當是在室內坐坐休息. 廁紙不知道不准攝影同錄影, 一開始當然拿著 Handycam 拍, 職員走過來, 什麼都沒說就係我的 Handycam 前耍手, 差點推跌我部機. 又一次覺得韓國人好無禮貌, 只會動手不動口!



巡遊沒有圍繩的, 中途還會停下來, 可以走埋去影相呀. 不過還是迪士尼的好看多啦.


2009年3月4日 星期三

2009 Feb 18 韓國第三天 Part 2

滑雪完畢, 十分鐘車程就返到酒店, Mayfair Pension & Resort 小木屋.



雖然無落雪, 不過地下, 屋頂都有雪, 好浪漫呀! 可惜同行的是廁紙媽, 不是草紙. 否則, 一定好 Sweet 的.


是日晚餐是營火晚會 BBQ, 導遊一早就講明, 一人只有一塊豬扒, 白飯, 泡菜任裝. 如果要加餸, 在鳳凰城滑雪場該買啦. 不過也只有腸仔, 魚旦, 沒有雞翼啊.



又不是金妹牌脆皮腸, 還是不要加餸算了. 令一對無加餸的團友說, 那腸仔還不是豬, 這幾天還吃不夠豬麼? 對! 對! 對! 還吃不夠豬麼?


後來團友請我們吃了加餸的腸仔, 魚旦, 味道不太好, 好彩無買. 當然, 還是多謝團友的心意啦!


睇過星星幻燈片, 燒埋前一晚買的煙花, 大家都返屋早抖了.


2009 Feb 18 韓國第三天 Part 1

整天都是滑雪天.


原先不打算滑雪的, 只想摸下雪, 踩下雪, 在雪地影相, 特登買對 Gore-tex boot, 防水防跣, 方便係雪地行走.


事關之前睇 Blog, Forum, 好多人話俾導遊呃, 唔滑雪都要租對鞋係雪地行走, 租的費用亦唔平, 加上衛生問題, 倒不如自己買對. 剛巧, 我又買到一對好平的 Boot 嘛!


鳳凰城滑雪場








導遊話佢唔識 Ski, Ski 好難學. 如果要玩 Ski, 就要睇人數, 人多就幫我地請教練, 不過費用唔平, 而且教練講韓文.


導遊又話, 依家年輕人都玩 Snowboard, 型嘛, 無人玩 Ski 啦. 如果玩 Snowboard 佢可以免費教團友. 又話之前帶團, 五歲的團友學得最快, 好容易學. 所以玩 Snowboard 就要買登山吊車, 因為好快學識可以坐吊車上高的地方滑.


好, 廁紙改變主意, 跟其他團友一齊玩 Snowboard. 廁紙媽啦, 還是不要玩好了, 一副老骨頭, 跌一下都可能很麻煩呀, 我可不想這個時候參觀韓國的醫院呀. 再者, 我們返港隔天, 還要去泰國啊, 所以她只買了單次來回觀光覽車算啦.


先去租滑雪衫褲, 整爛, 整污糟都不用賠的.


滑雪衫褲一套 Won 20000 ( 單要衫或褲一件都是 Won 20000 )


滑雪眼鏡 Won 15000


屁股墊加一對護膝 Won 7000


手套 Won 10000 ( 買的, 無租的 )


原來韓國大部份滑雪場都是免費入場的, 只是登山吊車, 觀光覽車, 租滑雪用具要錢.


Snowboard Won 26000


無限次登山吊車 + 單次來回觀光覽車 Won 52000


單次來回觀光覽車 Won 22000


結果啦, 大部份團友都學識 Snowboard, 更有團友玩更高級的滑雪道.


我啦, 第一次係初級滑雪道, 滑了不到十份一, 就跌倒啦, 屁股先落地, 痛的完全動不了. 屁股墊都保不了我的屁股啊! 那一刻只想到, 我不是 Fracture 吧, 我還要去泰國架, 玩什麼, 乖乖係雪地影下相, 摸下雪, 踩下雪, 幹麼學人玩 Snowboard. 怎麼求救啦? 人家可能以為我坐低休息啦!


還好, 還有知覺, 休息一下就可以動啦. 心想, 一定要起身, 休息都要先爬埋一邊, 要不人家一個不小心撞過來怎辦?


終於可以起身, 可我不敢再滑啦, 唯有將 Snowboard 當雪兜坐滑下山. 原來不行的, 我雖沒有給工作人員吹雞, 但一路滑下去, 雪全都打到面上, 弄的成口雪, 還好有滑雪眼鏡, 要不眼都盲啦! 中途滑雪衫還爆拉鍊, 好彩不用賠, 不過全身都是雪啦, 最後還是乖乖行落山算了.


廁紙不甘心花了 Won 52000 就此了結, 我可要再搭登山吊車呀, 沿途風景好美唷. 第二次就拿著 Handycam 再搭登山吊車上去影個夠. 當然, 早預了要再行落山呀!


 







2009 Feb 17 韓國第二天

雪嶽山公園, 新興寺




Aqua World Sorak 水上樂園, 就在我們第二晚住的大明渡假村內. Aqua World Sorak 跟我哥形容的一樣, 我家樓下的會所靚過佢. 所謂的水上樂園, 只是室外的小型滑水梯, 不過冬季不開放. 我倒喜歡那個躺在水的水力按摩, 好舒服.

導遊說一定要帶泳帽,很多韓國人都無帶呀, 職員都無理. 當然, 外國人個個都乖乖的帶泳帽, 所以不知道如果外國人不帶泳帽會不會被趕離場.


廁紙跟廁紙媽嘆完玩完, 就直接在 Aqua World Sorak 的更衣室洗澡. 韓國的更衣室不像香港的, 更衣室內沒有獨立的更衣室和沐浴間. 我們跟韓國人一樣, 光脫脫的洗啦. 我倒沒有尷尬什麼, 反正, 我有什麼 Body 未見過. 我有的, 人家都有, 我無的, 人家可能都有. 更衣室還提供 Face Toner, Lotion, Body Lotion, 風筒, 梳, 還有一部機用來消毒梳.  


是日晚餐, 由於位處郊區, 只好跟導遊去吃自費魚生海鮮餐, 每位 Won 35000.



除了烤栗米, 大部份都小食都是凍的.



魷魚鬚本來都是凍的, 吃不慣, 放上鐵板加點豉油燒, 跟香港吃的差不多.



中間起火的是火焰燒螺



原條魚生, 什麼魚就忘了.


Won 35000 一位, 不過不失啦. 不是吃的特別好, 只是在韓國吃飯, 就算普普通通的, 都不便宜啦. 而且, 我好喜歡那個任吃的鮑魚粥, 雖則吃不了多少粒鮑魚, 但那麻油味的粥, 好好味唷!


2009年3月3日 星期二

2009 Feb 16 韓國第一天 Part 2

去明洞, 買呀! 買呀! 買呀!


好彩拖了我和草紙的 Shopping Bag 去!



可恨, 走了很多間, 還是買不了 Missha 的 Pumpkin Mask, 明洞周圍都缺貨.



樂天百貨, 門上的扶手都包了軟墊, 不會有靜電, 不會凍, 好細心喔!



是日晚餐, 明洞餃子. 餐牌只有三款食物, 除了我們叫的, 還有一款冷麵.


餃子餡太多, 肉太實, 反而雲吞麵比較好吃. 因為行的又累又冷, 只想吃熱的, 就沒有叫冷麵. 後來看人家的 Blog 說, 那個冷麵最可口, 好後悔沒試冷麵啊!


最後一站, 地鐵首爾站 Lotte Mart. 好大好大的兩層超級市場, 還有 Laneige Counter. 



Lock & Lock 膠盒, 還有令一隻 Made in Korea 的玻璃餐盒都平香港一半呀!  


本沒有打算買 Laneige 的, 因為當年 Laneige 初來港時用過覺得比較笠, 之後都沒再試啦. 但是給 Sales 姐姐硬拉過去, 用 Sample, Gift Set 引我. 好吧, Sales 姐姐半推半就的再給我 Double 份量的 Sample, Gift Set, Won 62000 買回去試試.   


再買了點紫菜, 水, 才十點, 就給我媽催回去啦!


回到酒店才十時多, 上網同草紙玩 Skype, 第一天就此結束.







2009 Feb 16 韓國第一天 Part 1

清晨到埗, 係機場梳洗後就去 Seven Luck 賭場.



之後去東大門同清溪川, 周圍都未開門, 條街好冷清, 廁紙的手指都凍得紅紅的.




無街行, 唯有不斷影相. 教了廁紙媽好多次, 她依然不會用我部相機, 不是矇, 就是震, 好在有帶趴地熊去, 要不, 廁紙一張靚相都沒有. 團友倒是很奇怪, 幹麼我用傻瓜機, 卻帶大腳架? 我都不想呀, 誰叫我媽不會影相!


食完午飯, 秘製烤排骨, 十二點多就返酒店. 我不否認有團友係需要瞓覺, 不過似係導遊想早收工多啦.


導遊又話夜晚會同領隊出去食長腳蟹, 有興趣就跟住去, 可是要自己坐地鐵, 無旅遊巴接送. 



第一晚住 Best Western Premier Seoul Garden Hotel, 對面就係地鐵 Mapo Station. 不甘就此浪費一整天, 於是靠自己, 出去自遊行.


第一站係 Anguk Station, <冬季戀歌> 拍攝地, 首爾中央高校.


由 Anguk Station 行去首爾中央高校要十五分鐘, 沿路應該係民居. 辛苦行到去, 原來不准入呀, 在門口影張相都不行, 閃閃旅遊書怎麼不寫清楚啊? 門口的保安凶的想打人, 嚇得急急腳走人.


沿路行返去 Anguk Station, 有個建築物好靚, 本想拎相機出來影相, 點知有個女人示意不可以, 當然, 又是不太友善的模樣.


算吧! 下一站, 明洞.


十二年後 捲土重來

原本打算去日本, 可是 Yen 升得高, 不值啦. 加上同事力說韓國跟日本差不多, 而 Won 又平得多. 好吧! 上一次去韓國是 1997 年, 十二年後, 捲土重來.


本想自遊行的, 閃閃旅遊書都買了. 但是, 基於同廁紙媽去, 自遊行要自己安排交通, 好像不太方便. 而且去滑雪場的費用太貴, 如果只是摸下雪, 踩下雪, 還是跟團比較化算.


當然, 跟旅行團, 還是十萬個不願意. 明知 Check-in 不可以自己選位, 酒店也不一定有免費上網, 團友又不知會否夾得來, 領隊, 導遊態度不好, Hard Sell 早就預了, 唯有自己醒少少, 少點受騙就是了.


經過廁紙的至抵精明眼, 2 月 16 零晨坐 Asiana B767 - 300 出發......



十二年前坐 Korean Air, 今次我要坐 Asiana.



這個 OZ 飛機餐, 係自從 1997 年坐 JL736 食日式咖哩牛肉, 同1998 年坐 SQ 由新加坡去檳城的辣海鮮飯後, 令一個好味的飛機餐, 兩款都不錯呀.