顯示具有 兼職保母 標籤的文章。 顯示所有文章
顯示具有 兼職保母 標籤的文章。 顯示所有文章

2009年8月27日 星期四

迪士尼湊女事件簿

2009 年 8 月 19 日, 星期三, 天晴, 酷熱


半天工作後, 來個迪士尼半天遊


為的不是自己要去鬆一鬆


而是帶肥表妹去看水花巡遊


肥表妹兩個月的時候去過一次迪士尼


現在兩歲, 趁她還不用買入場票就再去啦


廁紙表姐單拖帶肥表妹去迪士尼


早就預了會很累, 也擔心肥表妹不肯跟我


還好, 一切順利


只是, 家姐仔不在, 肥表妹總是失落的樣子


除了剛到埗時問過 " 媽咪呢? 家姐呢? 姨姨呢? "


之後都沒開口講話


就算逗她說話, 她也只會單字回答


不過她沒有哭鬧, 又肯自己走路, 已經好乖好叻啦


 


第一站, 跟夏日史迪仔影相


酷熱天氣下, 排隊影相的人不多, 真好彩 



 


肥表妹最可愛最乖之處是, 她會全程跟你手拖手, 不怕走失


即使有時要拿東西放開她, 她還是伸著手等我拖, 超乖


當然, 也可能是她自己一個跟不常見面的表姐勇闖迪士尼


怕表姐丟下她, 不帶她回家, 所以要乖乖拖著表姐


 


當我以為這個小妹子抵鍚到不得了之時


原來, 這個小妹子是任何人都可以跟她拖手, 也會拖著陌生人走


事緣, 肥表妹跟史迪仔影相後, 史迪仔要去休息


史迪仔拖著她走, 她竟然跟著史迪仔走, 頭也不回


肥表妹只認識米奇米妮, 史迪仔還是第一次見面, 都算陌生人嘛


有人拖就跟著走, 太隨便了


這小妹子要好好教導教導


 


經過半天的迪士尼湊女行


更加讓廁紙明白到, 要生一個小朋友, 還是要好好想清楚


單拖照顧一個小朋友可不容易


平常去迪士尼, 我跟草紙可是走路走的超快


拖著肥表妹, 走路也要用上好幾倍的時間


由小鎮大街到城堡的一段路, 就走的想中暑


沿途又要瞪實肥表妹, 怕人家撞倒她


好幾次, 她就給人家的袋子, 相機撞頭, 只是沒有掃跌她 


人多嘛, 怕肥表妹給人踏扁, 只好抱起她


就不過是巡遊的十幾分鐘, 排隊看 Golden Mickey 的十幾分鐘, 已經抱的手快斷


還好, 肥表妹沒有要求抱抱


要不, 我以後是絕對不會再單拖帶她去冒險的


肥表妹這天, 自己走路走了六小時有多


大概, 她一星期走的路, 也沒有這天的多


 


廁紙這個 Baby Sitter, 這天的表現也不合格


事件一


幫肥表妹換尿片時, 脫了舊尿片, 隨手就丟到垃圾桶


拿新的尿片出來


那邊是前, 那邊是後呢? 兩邊都有公仔唷


問表妹, 她又不答我


偷看身旁也換尿片的小朋友啦


人家用的是不同品牌的尿片, 比較不了唷


沒辦法, 隨便穿上再算


好像不太合身, 脫了再穿過


還是感覺不太合身, 不過算吧


 


事件二


晚上八時多, 交收肥表妹後


姨丈打電話問廁紙 " 你同佢食左飯未架? "


" 哎呀, 唔記得左, 佢又無哎, 我自己又唔肚餓, 咪唔記得囉 "


( 身邊的草紙 O 晒咀 )


" 唔緊要啦 "


" 我有俾維他奶佢飲 "


" 你幾點俾佢飲呀 "


" 四點幾卦, 咁上下啦 "


收線後, 草紙說


" 你有無攪錯呀, 唔俾飯人食, 餓死佢啦 "


" 你頭先又唔提我? "


" 我點知你無俾嘢佢食啫 "


" 我有俾維他奶佢飲架, 不過唔係因為佢肚餓先俾佢飲, 只係我唔想拎先俾佢飲 "


" 你都係唔好生仔啦, 我費事你成為全港第一個餓死阿仔的虐兒 case, 到時報紙頭版有張相, 有個姑娘俾人用黑布蒙頭, 隔離有條嬰屍 "   


" 上次帶佢家姐去 ( 家姐當年四歲 ), 佢會哎食薯條, 食雪糕, 咁我咪記得囉, 點知佢唔出聲啫 "


 


肥表妹至少八小時沒有吃飯, 又走了一天的路, 好可憐唷


廁紙會記著自己的錯失, 不過我不敢保證不會有下次


 


這個非一般的迪士尼湊女行


雖然累, 但我還是樂意再帶肥表妹去


因為, 我要 " 呃 " 貼紙


 


平常我跟草紙兩個大人去


問人拿貼紙就好像行乞一樣, 多要一張都給人白眼


有小朋友一起討貼紙嘛, 也得讓小朋友先選


人家拿米奇, 拿公主, 我就得怪獸


廁紙曾經就跟職員投訴過


我們這些成人才是付錢的消費者, 也得顧及我們這些成人迪士尼迷嘛


每次去迪士尼, 雖然不用再付入場費, 或多或少, 每次也花幾十至幾百


可不可以紀念品也預成人一份, 不要老是小童專享


 


這次拖著肥表妹出巡, 就有職員自動送來貼紙


還有的是一次過好幾張的送給肥表妹


還好肥表妹沒有幫我拒絕, 我才可以袋袋平安


為了我的利益, 我還是會帶肥表妹去迪士尼


 


是日貼紙大收穫, 部份已貼到肥表妹身上


好幾款貼紙都是廁紙第一次見


要不是肥表妹的臉子, 才拿不到夏日米奇呢



2009年4月28日 星期二

鄉下妹

無聊打電話給表妹仔, 可惜她在洗白白


心想, 算吧, 表妹仔應該不會主動回電


事關表妹仔非常有性格


要是她在看電視或玩玩具, 跟你說幾句, 再突然加一句 " 拜拜 " 就掛線


表妹仔可不理會人家說完了沒有, 阻她玩就不行


五歲了, 不再像兩歲的時候任人愚欲


 


沒想到, 表妹仔回電唷


第一句問 " 你星期五去邊呀? "


表姐 " 唔知呀 "


表妹仔 " 可唔可以帶埋我去呀? "


表姐 " 你媽咪呢, 佢唔帶你去街咩? "


表妹仔 " 無呀, 我星期日都放假呀, 你帶埋我一齊去丫 "


表姐 " 你唔駛返教會咩? "


表妹仔 " 唔駛呀 " ( 她應該要去教會的, 自己說不用去吧 )


 


好可憐唷


一個才五歲大的小朋友


每人朝九晚六的上幼稚園 ( 幼稚園在家樓下 )


要是乖, 晚上就可以去會所玩


一連五晚都乖乖吃飯, 星期五晚就可以跟爸爸由自家屋苑步行到逸東取車


即是說, 一連五天都離不開東涌


應該是, 一連五天都離不開自家屋苑


所以表妹仔視 " 步行到逸東取車 " 為大事


星期六嘛, 又是幼稚園課外活動或者參加同學的生日會


星期日, 返教會後就回家 ( 由於家人自己駕車, 即是又少了接觸其他事物的機會 )


 


兩歲之前, 表妹仔寄宿表姐家


雖然一星期才返自己家一晚


可她每一天都很精彩唷


早上姨媽先帶她去 McDonald's 吃早餐, 再去公園玩


又到街市玩水果 ( 相熟的水果檔檔主因為表妹仔來玩連生意都不做 )


有時間, 姨媽, 姨丈, 表姐又帶她去逛街, 上茶樓, 買玩具


超開心的


可是, 表妹仔兩歲以後回自己家讀書


她一星期的生活都離不開東涌 


只因表妹仔的父母懶, 不願帶她四處去


表妹仔唯有寄望放假可以返姨媽家住一晚


 


只是, 沒有想到


這次表妹仔來電


第一句就叫表姐帶她去玩


表妹仔一定很苦悶唷


好可憐唷


 


開心的是


要人帶她去玩


表妹仔第一個就想起表姐唷


2009年4月15日 星期三

搭檯食雪糕

2009 年 4 月 13 日 星期一


在迪士尼酒店玩飽了, 就跟草紙去東涌消磨時間


自從上次帶表妹仔去看醫生後, 好一段日子沒有再見過她


好想知道她增肥了沒有, 趁有時間, 就接她去吃雪糕


 


原先打算在東薈城的太平洋咖啡買雪糕給表妹仔


不過太平洋咖啡的雪糕機壞了


廁紙跟表妹仔說 " 沒有雪糕, 不如飲果汁啦 "


表妹仔偏咀 " 又係你話食雪糕嘅 "


廁紙 " 人家沒有雪糕嘛 "


表妹仔 " 咁可以去第二度買嘛, 7-11 都有 "


好吧, 廁紙投降, 誰叫我主動說要帶她去食雪糕


小朋友是不能騙的, 答應過的一定要做到


唯有帶表妹仔去 Taste 買雪糕


 


在太平洋咖啡選了一個梳化位


草紙廁紙隔著圓檯對坐


表妹仔坐在我倆旁邊的方型小梳化, 自得其樂的吃她的士多啤梨雪糕


草紙廁紙爭論著應該去那裡吃晚餐


又爭論著應該跟表妹仔一起去吃晚餐, 還是先送她回家後我倆再去吃


二人各有己見, 互不相讓


結果大家互不理睬對方, 各自半躺的坐在梳化不作聲


 


冷戰幾秒之後


表妹仔對廁紙說 " 你激嬲佢呀? "


廁紙不知該嬲還是該笑, 凶表妹仔說 " 你講多次? "


草紙也爭著說 " 係呀, 表姐激嬲草紙哥哥, 你講多次丫 "


廁紙對表妹仔說 " 你講多次丫, 講錯左我以後唔帶你去食雪糕 "


草紙又爭著說 " 佢唔帶你去, 我帶你去 "


表妹仔給兩個大人你一句我一句的轟炸, 不過她還是識趣的


大聲答 " 係草紙哥哥激嬲表姐 "


表妹仔想重複 " 草紙哥哥...... "


還沒說完就給草紙轟炸 " 係草紙哥哥俾表姐激親 "


表妹仔不斷想說 " 草紙哥哥...... "


草紙又不斷轟炸 " 係草紙哥哥俾表姐激親 "


直至最後表妹仔成功講 " 草紙哥哥激嬲表姐 ", 草紙才放棄


無辦法啦, 表妹仔雖然才五歲


但小朋友還是知道誰對她好, 也知道誰才是跟她有親的


 


好笑的是, 廁紙跟草紙爭論期間


表妹仔像是搭檯的, 自得其樂吃雪糕


既沒有望我們, 更加沒有搭咀


但原來她還是靜靜的聽著我們的對話, 直到一個適當時刻才出聲調和氣氛


 


廁紙沒有想過一個才五歲的小朋友會是精叻的這樣


草紙都說表妹仔很聰明的


也希望她父母會好好培育她啦


2009年3月28日 星期六

大眼睛看世界

2009 年 3 月 16 日 星期一 天晴


值夜過後還沒有睡飽


授命帶表妹仔看眼科醫生


賓賓說好跟我在東涌 MTR 交收表妹仔


交貨前賓賓先帶表妹仔去 McDonald's 吃個飽


表姐自己嘛


貪睡連午飯都沒有吃


 


到目的地一上地面見到間餅店


表妹仔 : 我地搭左咁耐車, 有 D 肚餓添, 不如我地買個麵包或者蛋糕囉


( 你搭左幾耐車呀? 就果二十分鐘, 你好似剛剛先在 McDonald's 食飽喎 ) 


表姐 : 肚餓就去食飯啦


表妹仔 : 唔洗, 少少肚餓啫, 買個麵包或者蛋糕得啦


( 餓你個頭, 你不過為食吧 )


表妹仔失望的繼續行


 


行去診所途中


表妹仔 : 仲要行幾耐先到呀


表姐 : 你由一數到十丫


表妹仔 ( 好努力的慢慢數 ) : 一 二 三 ...... 十, 我數完囉 


表姐 : 你再數多次


表妹仔 ( 又好努力的慢慢數 ) : 一 二 三 ...... 十, 我又數完囉 


表姐 : 你再數多次


表妹仔 ( 無耐性的數得超快 ) : 一 二 三 ...... 十, 我數完囉, 到未呀? 


表姐 ( 擺明昆佢 ) : 你今次由一數到一百丫


表妹仔 ( 無耐性的數得超快 ) : 一 二 三 ...... 二十 二十三 三十


表妹仔數得快, 不過亂晒, 唔再數


 


行過一家酒樓


表妹仔 : 姨丈同我來過呢度飲茶同買玩具, 不過係姨丈話買, 我無話要買架


表姐 : 咁你有無話唔好買丫?


表妹仔 : 咁我又無出聲


俾表妹仔吹到啤一聲


 


去到診所候診期間


表妹仔 : 幾時先到我呀


表姐 : 唔知呀, 要排隊嘛


表妹仔 : 咁我地去邊間房呀


表姐 : 你等間咪知囉, 你覺唔覺你好煩呀


表妹仔 ( 好認真的答 ) : 唔覺


表姐 : 你可唔可以唔好講嘢呀 


表妹仔 ( 好認真的答 ) : 可以


不過唔夠一分鐘, 表妹仔又繼續佢的可愛問題, 直至到佢睇醫生先收口.


 


見到醫生


基於陌生環境


表妹仔終於唔再講嘢扮淑女


醫生 : 小朋友有什麼病歷嘛


表姐 ( 一輪咀的背出口 ) : NNJ, GIB......


醫生 ( 有點愕然的望我 ) : 你做咩架?


表姐 ( 不在狀態, 口快快的說 ) : RN


( 後來想想, 應該答 "看醫生看多了, 同一條問題醫生問多了, 答得多也自然會背唷" )


同行身份暴露了


醫生的態度即刻變得溫柔細心


雖然本來也不錯


只是一眼也沒有望過我們光對著電腦說話


 


因為要檢查眼底


要幫表妹仔滴大眼仔


就是放大瞳孔的眼藥水


起初她挺合作的


跟著指示, 抬高台, 睜大眼, 向上望


才滴了一隻就掙扎啦


( 那眼藥水好 "拿" 眼的 )


結果要夾住佢再按住佢個頭才滴好


如是者要滴三次


對比同場的其他小朋友


她最乖呀, 也沒哭


只是滴的時候有點掙扎


其他小朋友都大吵大鬧


回家後跟廁紙媽讚表妹仔乖


廁紙媽竟說


要是帶她去的不是你而是她的父母


她不哭才怪


對住你才不敢哭啦


 


失察的是我沒有預計表妹仔都要滴大眼仔


也沒有給她準備太陽眼鏡


一離開診所


她就因為陽光刺眼易要扮盲妹


只好合上眼睛回家


是日的功課就不用做了


因為她更本看不清楚


不過可惡的是


在診所等候離開時


她眼看不清楚也要看卡通片呀


表姐約表妹仔去迪士尼

12 月 12 日


表妹仔四歲生日


做表姐的, 當然放假一天


為的是帶她到迪士尼


她爸媽啦


放工再來 join 我們吧


 


去迪士尼的地鐵上跟表妹仔來個 Briefing


不可以自己四處走, 要拖著我


不可以大聲說話, 要斯文


她當然點頭答應


 


表妹仔也玩得開心唷


不過我就有點悶


因為要倍她玩小飛象, 咖啡杯, 旋轉木馬


帶她去看 3D 電影嘛


入場前超興奮


老是催我快點帶上劇院眼鏡


可一開場


Donald 飛過來嚇得她大叫


她好像見鬼一樣


蓋著雙眼不敢再看


我嘗試鬆開她的手


( 變態的表姐 )


嚇得她又大叫


就是還沒有哭唷


看完出來


我當然看得開心啦


表妹仔嚇到呆左


好彩沒有哭著要找媽咪


( 簡直是迪士尼陰影, 在迪士尼見鬼呀 )


 


帶表妹仔去吃薯條定定驚吧


不過也有條件的


一. 不可以用手吃, 要用叉


是的, 食薯條要用叉


要訓練表妹仔做淑女唷


其實表姐自己也不是什麼淑女


二. 不可吃的污糟痴笠笠


我最討厭小朋友吃東西吃的污糟痴笠笠


 


買了個雞翼薯條餐


表妹仔眼見薯條就什麼規矩都忘了


第一時間伸手拿薯條


還沒到手就被我喝止了


要她用叉吃薯條沒什難度


可她用叉吃雞中翼就有點難度


她還是放棄雞翼好了


吃飽飽嘛


只是咀的四周有點點茄汁


手是乾淨的


衣服也是乾淨的


訓練淑女的第一步成功


 


後來跟同事說起用叉吃薯條事件


換來的是一句 " 變態 "


表姐自己倒是粉驕傲的