Girdle 初體驗

2011 年 9 月 20 日, 星期二

 

今年 11 月, 明年 11 月

廁紙都有幸幫大學同學, 中學同學做姊妹

 

大學同學年初已經宣佈婚訊, 但又一直都無邀請廁紙做姊妹

我還以為, 人家已有其他人選, 或者註冊就算, 不擺酒

 

上星期, 大學同學忽然又邀請廁紙做姊妹

原來, 有人根本唔想大攪

所以樣樣事都拖得就拖

 

還有兩個月, 時間緊迫

廁紙今早放工就趕去度身做姊妹裙

 

廁紙一開始還想用普通 Bra 或者 Nubra 就算

奈何大學同學選的姊妹裙並非高腰設計

我個豬腩肉, 實突晒出黎啦

迫於無奈, 買 Girdle, 買束褲

 

一直都知道買 Girdle 要去奇華特找蔡太

網上人人都讚好, 我都懶的比較, 一於去奇華特找蔡太

 

早上趕呀趕, 十二時多就去到奇華特

以為可以排頭位啦

原來, 人家中午十二時就開門

 

時間尚早, 人客不多

三位客人試身中, 廁紙等一下就可以試身

 

店員著廁紙走進試身格

見沒有人來 " 寵幸 "

站著, 等

沒理由馬上脫光光吧

 

等一下, 店員帶點粗聲粗氣的問我要什麼

蔡太又過來量了量, 就著我脫光上身

粗聲粗氣的店員粗粗魯魯, 摩打手的給我扣上 Girdle, 走人

 

我試的一個, 拿給我之時已經加工

兩邊胸下都打了摺

 

照照鏡, 一點都不合身喎

正當我想照照左, 照照右

還沒看清楚, 就給蔡太拉開布簾

 

Fine, 來之前早就預料尷尬 Share

反正全都是女人, 廁紙都算有料之人

Share 就 Share

就怕人家看得妒忌, 看得自卑

( 自大, 自戀中 )

 

蔡太上拉拉, 下扯扯

左右掃十下, 就給我脫下 Girdle

極速拉開布簾, 遞給粗聲粗氣的店員改

( 這一刻, My Nude Body, For Everybody )

 

我還沒看清楚穿上 Girdle 的效果

蔡太完全沒有知會我, 就幫我脫下 Girdle

也沒有問我要不要改就拿去改

有點夾梗黎, 改左, 唔到你唔買的感覺

 

兩邊腋下釘了幾針, 打個小摺

加個上薄下厚 Pad

又給我扣上加工後的 Girdle

 

粗聲粗氣的店員, 雖然粗粗魯魯

但她的摩打手加工超快

手工雖然有點馬虎, 針路疏

但兩邊釘工完全對稱

 

今次, 在蔡太的 BiliBala, 聽不清楚的指示, 督導下

自己上拉拉, 下扯扯, 左右掃十下

" 除得 "

是蔡太話除得

我, 依然還沒看清楚穿上 Girdle 的效果

 

我, 叫停蔡太

" 我想照清楚, 睇清楚先 "

蔡太有點不滿, 拉上布簾就走開

 

廁紙看真穿上 Girdle 的自己

腰, 是收了點

雖然功勞應該歸咎於束褲

胸, 沒有我想像的澎湃

而且腋下的肉收不了, 有點鬆

看一看, 原來我穿上 75C

( 平常可用 75B 的 Bra )

 

廁紙叫來粗聲粗氣的店員問

與其加 Pad, 又在腋下打摺, 何不穿 75B

 

粗聲粗氣的店員解釋

" 75C 唔加 Pad 你都穿得起架, 不過谷唔起之嘛 "

" 如果 75B, 鐵絲就會壓住胸 "

" B 同 C 的分別唔係淨係 Cup 大細, 鐵絲弧度都會闊 D "

 

有人 Challenge

蔡太帶點怒氣沖沖的過來拉開布簾

" 你唔明我講到你明...... "

Bilibala, 我都聽不清楚

記得有一句 " 你唔買都無所謂, 我迫唔到你...... 你晒左好多時間啦 "

 

廁紙心想

阿太, 唔係唔想買, 黎得就梗係想買啦

純粹試嘅, 專門店都得啦, 洗鬼黎你度排隊咩

買, 都要買得合身架嘛

唔係個個客黎都只有你講, 無人講架嘛

 

大概, 平常都應該只有蔡太話事

無人 Challenge 她

 

在廁紙猶豫, 想看清楚, 照清楚之際

蔡太叫來等候中的客人甲

" 拿拿拿, 我唔識你架嘛, 你做証 "

拉鬆 Girdle, 量一量兩邊腋下的對角線

又大庭廣眾的非禮式幫我左掃右掃

什麼 14 寸變 12 寸, 什麼改造前, 改造後

我看到, 兩次量度的方法有點不一樣囉

改造前, 不是由零開始量, 尺也沒拉緊就量

最奇怪是, 每個客人都是 14 寸變 12 寸

沒有 15 寸變 13 寸, 也沒有 14 寸變 11 寸

人人都是 14 寸變 12 寸囉

 

幾多寸變幾多寸, 在我而言, 根本無關係

我, 只著重視覺效果

 

雖然有點質疑, 但今日一定要度身

我又想穿上 Girdle 才度身

今日無論如何都要買 Girdle

穿得舒適, 又不貴

算吧, 乖乖付錢

 

Girdle $288

加工 $10

Pad $35

束褲公價 $358, 蔡太優惠價 $250 喎

是旦啦, 付錢, 走人

 

廁紙之後去過中環 H&M

順便在 H&M 穿好 Girdle 再去百利度身

 

穿著 Girdle 去百利途中

廁紙還是覺得腋下位置有點鬆

只是正常的走動, 腋下的肉都從杯位走出來

 

摸一摸, 想了想, 又想起 B 跟 C 的問題  

與其加 Pad, 又在腋下打摺

店員又教我上三下四的扣排扣

何不穿 75B

 

廁紙想

會不會是有人想多賺點錢, 就遊說客人買大的加工再加工 

我都未試過 75B, 又知不合身

 

越想越奇怪

我, 不介意你多賺那一點點錢

但我介意買一個不是最合身的 Girdle 囉

 

上網查得 Satami 在尖沙咀有分店

一於去專門店試一試 75B

 

廁紙雖穿上 75C 的 Girdle

但 Satami 專門店 Sales 給我量度的結果都是 75B

 

穿上零加工的 75B

Sales 幫我往上拉

同樣有谷胸效果

腋下位置亦較貼身

 

不過, 單是試穿的十多秒, 已經超級不舒服

鐵絲壓著胸, 胸以下位置又紮的緊, 好辛苦

 

即是說, 蔡太給我選的 Size 較好

只是較好, 穿的較舒服, 但不是 Perfect

沒有受騙, 有點點安慰

 

都怪廁紙先前沒做功課

沒了解清楚 Girdle 的功效

也沒有多試其他品牌比較

以為要收腰就得穿 Girdle

如果要收腰, 其實 Girdle 幫助不大, 束褲還要有用, 也較舒適

 

Satami Sales 亦解釋, 穿 Girdle 目的為谷胸

如果谷不起, 不如不穿

 

廁紙回家重覆又重覆的試 Girdle, 試 Bra, 互相比較

小小結論是

 

收腰, 挺 Pat

穿束褲

 

無肩帶谷胸 ( 上有下又有 )

穿 Girdle 或者貼 Nubra

Nubra 要用一邊等於一個橙的重量的全 Silicon Nubra

如果用 Feather Lite Nubra

正面看, 胸湧澎湃

側面看, 上半部胸湧澎湃, 下半部的胸就被壓扁

 

有肩帶谷胸 ( 上有下又有 )

穿普通 Bra 加厚 Pad 就可以啦

 

廁紙的買 Girdle 初體驗, 小感想

如果完全未買過 Girdle

最好先去 Satami, Wacoal 等專門店試一下, 看一下穿 Girdle 效果

品牌不同, 效果都不同

人人讚好的 Satami, 都不一定適合自己

真的想買 Satami, 再去找蔡太也不遲

奇華特, 就是那種試了一定要買的感覺

 

又如果, 你極度介意買 Girdle 要看 Show 兼做 Show

介意大庭廣眾給人非禮式摸胸示範穿 Girdle

也不要去找蔡太啦