2011 團購遊 - 熱溶大三巴

2011 年 8 月 29 日, 星期一

繼續沒有行程的一天

不趕, 不急, 慢慢去吃早餐

經過昨晚的不知所謂, 大失所望晚餐

這個自助早餐, 大家都不敢寄予厚望

無期望, 就無失望

普普通通, 有火腿, 腸仔, 雞蛋, 點心, 麵包, Cereals, 鮮奶, 果汁, 水果

味道一般, 但總算吃得飽

任吃嘛, 當然吃得飽

吃過早餐, 上房重整眼耳口鼻

準時十二時 Check Out

第一站, 大三巴

跟酒店職員的指示, 坐巴士去

等巴士等了一陣子, 坐巴士又坐了一陣子

去到那個大概叫什麼前地的地方

遇上義順, 又坐一坐, 吃一吃

草紙要雙皮奶, 廁紙要薑汁撞奶

廁紙就是不太喜歡中式甜品

我還是喜歡港式的芒果西米露

烈日當空

拉著小黑, 爬上大三巴

途經鉅記

廁紙就進去求証一下, 威尼 B 鉅記是否賣貴一點

果然, 同一盒的紫菜肉鬆鳳凰卷

大三巴前的鉅記賣 $28

威尼 B 鉅記賣 $32

如果買一盒都算啦

但我想買五盒, 還是現在買較化算嘛

買完五盒紫菜肉鬆鳳凰卷, 一包黑芝麻花生糖

才想起, 何不在大三巴影完相才買

豬啊

我說要買手信之時, 有人說不買

最後呢, 又強搶我一盒紫菜肉鬆鳳凰卷囉

一個小黑還不夠, 多加一袋, 慢速爬上大三巴

陽光猛烈, 又熱的關係, 都無心機影

影完就想走, 不吃街頭小食, 只想盡快去威尼 B 嘆冷氣

想過坐的士去威尼 B

慳家的廁紙, 一路往前走, 又走去坐巴士

不懂路嘛, 隨便上一架, 去到碼頭或者關閘再轉 Shuttle 就可以嘛

千辛萬苦迫上去關閘的巴士

開車不久才想起

我都不知關閘在那

去關閘, 再去威尼 B, 會不會等於尖沙咀去元朗再去中環呢

想了想, 還是跳車

剛巧經過新豪精和永利, 就跳車去坐 Shuttle

甫下巴士

草紙就問, 去新豪精還是永利

廁紙認為新豪精較近, 當然去新豪精

草紙縱然想去永利, 也沒有堅持

走進新豪精酒店大堂

就見有告示指, 乘搭 Shuttle 必須持有車票

我心想

純粹嚇人吧, 那會如此 Cheap 呀

不理告示, 往地庫的 Shuttle 車站去

Shuttle 車站口, 果真有職員檢查車票, 休想蒙運過關

職員指, Check In 時有給你車票嘛

如果沒住房, 可以回去剛才玩過的賭檯問荷官拿車票

或者, 免費登記做會員都送車票

即是說, 無幫襯, 休想坐免費 Shuttle

So Cheap......

在碼頭, 在關閘, 又如何呢

廁紙有想過登記做會員拿免費車票

但又不想跟賭場有什麼瓜葛

這個時候, 草紙開始發難

" 一早在大三巴叫你搭的士架啦 "

" 轉黎轉去, 轉得黎, 晒時間, 直接去碼頭啦 "

草紙怒氣沖沖的拉我上去正門排隊等的士

繼續炮轟, " 我頭先都話去永利架啦 "

" 豪豪生點會有你著數架, 當年佢送叉燒飯, 人地都送自助餐啦 "

廁紙 " 咁你頭先又唔堅持去永利 "

草紙 " 你話要去新豪精丫嘛, 咪睇下佢係咪咁 Cheap 囉 " 

廁紙 " 點知佢咁 Cheap 啫, 人地威尼 B, 新濠, 銀河, 星際的 Shuttle 都任搭架嘛 "

草紙 " 果 D 係外資, 呢間係豪博, 係豪生嘅 "

我以後絕對絕對不會幫襯豪精, 不會搭噴射飛航

So Cheap......

左轉右轉的走了冤枉路

坐上約 50 元的士, 終於去到威尼 B

慢慢享受我的豬扒包, 嘆嘆冷氣

又坐 Shuttle 去氹仔碼頭

等呀等, 搖了七十五分鐘的船

Home

是晚, 為了用盡意粉屋的會員積分

去青衣城的意粉屋食晚餐

然後各自回家

回到現實

準備明天上班去