天意弄人

2011 年 6 月 24 日, 星期五

 

老天爺, 你究竟想點呀

 

心智上, 經濟上

都 Ready 去做人父母嘅

你就係都唔俾人如願

 

有人想 Preg 都 Preg 唔到

有人 Preg 到啦, 你又要人地小產

9 個月, 臨門先脫腳嘅我都起碼識兩個

唔洗小產啦, 你又要人地早產

雖然以依家的科技

22 定 24 週的都救得返

但係都可能好多後遺症架嘛 

 

點解果 D 心智上, 經濟上都未 Ready 去做人父母嘅

你就由得佢地攪出人命

仲要生完一個又一個

 

心智上, 經濟上都 Ready 去做人父母嘅

人地想要一個啫, 點解又咁難

難關過完一關又一關

 

我知, 呢類父母十居其九都年過三十丫嘛, 係差 D 架啦

唔通, 真係要心智未成熟的先可以生個健康 B

 

諗返轉頭

同學 L 畢業無耐就奉子成婚, 係咪反而仲好呢

當日, 我仲同朋友羊羊戲言 " 有用就天意, 無用就抵死 "

我覺得抵死又如何

同學 L 咪一樣大仔未到幾個月又攪多條人命囉

 

我痛心同學 L 唔愛惜自己, 自己攞黎衰

自己做護士都竟然攪出人命

經濟唔太好都要養多一個又一個

當年, 我地 Starting 得萬七喳

雖則叫做比上不足, 比下好有餘

但係明明最花樣年華果幾年

同期個個都去玩, 去顛, 去 Ocean Park

佢就節衣縮食養仔, 養家, 養外家

放工返屋企湊仔

 

依家, 事過竟遷啦

捱左幾年, 雨後陽光囉

人地攬住對寶貝仔女不知幾幸福

應該去玩果幾年無得玩

依家, 人地有屋仔, 仔仔, 老公仔

仲有工人洗

 

同學 L 亦直言

如果當日唔係自己攪成咁

佢都會中意買就買, 年年去旅行

今日所擁有嘅, 都係環境逼成

回望過去, 奉子成婚又未嘗唔係一件好事囉

 

不過呢, 你問我

我接受得了人地奉子成婚

唔等於我接受得到自己奉子成婚囉

還是安安份份, 愛惜自己

買大送細, 始終唔係咁馨香

 

..................................................................................................................

 

我之所以突然間咁感觸

都係因為朋友有事

早又唔係, 遲又唔係

 

出 Blog 之時, 岩岩收到好消息

雖然細隻仔, 總算母子平安

 

擔心左兩日, 開心, 放心啦

 

細隻仔, 努力, 加油啦