我要攞綜援

2011 年 6 月 28 日, 星期二

 

依家究竟咩世界

攞綜援可以出雙糧

攞綜援可以住海景屋, 住港鐵站上蓋

攞綜援可以參加海外遊學團

攞綜援, 買部電腦都平過人, 仲要三年保養

我真金白銀正價買都係得一年保養喳, 有無攪錯

睇新聞真係睇到把鬼火

 

我唔係完完全全歧視攞綜援的人

老弱殘兵, 攞綜援好應該

曾經對香港付出過, 貢獻過, 依家有需要, 攞綜援亦都好應該

但係點解果 D 一落黎香港, 咩都無做過嘅都可以攞綜援

就因為佢地有仔生, 有幫香港增加人口, 就要白養佢地

白食白住都唔夠, 仲要出雙糧, 出六千銀 Bonus, 用盡福利去旅行

 

我地, 做得咁辛苦為咩

個個同事都做到七勞八傷

唔係腰骨痛, 就手痛, 腳痛, 膊頭痛, 仲要可能 VV 腳

生活又顛倒, 都係搵果三萬銀

屋租, 水電樣樣錢, 實情都唔係得好多洗

咁辛苦, 做黎做咩, 攞綜援好過啦

 

可能有人會話

無人叫你住私人樓喎, 可以住 Cheap D 架

但係, 公屋居屋有我地份咩

唔買私人樓, 唔租私人樓, 可以住咩

就算我地買間私人樓, 都唔係豪宅囉

邊似得 D 攞綜援嘅, 住間公屋都有海景, 係港鐵站上蓋

仲要將來係啟德郵輪碼頭隔離, 公屋都有維港景添呀

 

記得之前跟同事講開買保險

同事話 " Sales 講得興高采烈, 你唔係到後, 你屋企人仲有幾多幾多...... "

同事答 " 供咁多先得果雞碎咁多, 我死左, 即刻叫老婆賣左層樓, 辭工湊仔攞綜援好過啦 "

 

我, 幾時先可以攞綜援

唔洗日日返工咁辛苦

仲要俾班綜援友呼喝 " 我有出糧俾你架 "

阿生, 你攞綜援, 何來出糧俾我呀, 我先有份出雙糧俾你囉

 

呢個咩世界

我都要攞綜援......