我的成家之路 - 輾轉十年‏

2014 年 10 月



登登登登......
前文提到, 早前經歷的發瘋生活
日本返來, 心情由開心到高點
一個 whats app 之間, 跌到落地獄
就是, 我終於買樓, 終於成家, 有自己的家了

身邊的朋友, 同事
連 Blog 友, Wow 友, 都知道了
出 Blog 此刻
我們的家人, 還未知道我做業主啊

買樓, 幹麼不通知家人
故事, 應該由十年前說起
哎......
應該由十一年前說起



*          *          *



2003 年
一場沙士
廁紙哥, 以零首期, 百萬頭, 已經買得一層兩房的一手私樓
當年, 只要你敢買, 你就可以擁有一個五星級的家

零首期, 百萬頭
何解當年不買多間呢

出身草根, 從小都只是住公屋的廁紙家
莫說拿出十幾萬的首期
連供, 都未必供得起, 何來的本事買樓

廁紙當時又未畢業
( 那一年, 我還是 Year 2 )
以廁紙爸一個養三個
( 廁紙哥已經出身, 但只足夠養自己 )
餐揾餐食餐餐清, 怎買呢



*          *          *



一年後, 2004 年
廁紙出身了
廁紙哥屋苑的兩房戶, 亦升回 160 萬
更加無零首期這支歌仔唱了

當時, 我有去過睇樓
但是, 以我當時的人工
就算供得起, 還是無錢付首期, 又何來本事買呢
睇樓, 都只是八卦吧

再者, 從來無資格無本事買樓的廁紙家, 根本不知樓市行情
160 萬, 對比沙士價, 貴了起碼兩成
好貴啊, 唔抵, 唔抵
( 請原諒我們當時的無知 )

當時, 廁紙身邊的確有大學同學以 160 萬買樓
但同學對廁紙的忠告
" 諗清楚, 買左樓, 就連出街食餐飯都要諗清楚架啦 "

同學有住屋需要, 所以買
當時, 廁紙連拖都未有得拍, 那裡會打算買樓結婚
何況, 娘家的公屋又已經自置, 根本不會無屋住, 有需要買樓嗎
( 請原諒我當時的做人無計劃 )

如是者
不了了之



*          *          *



四年後
2008 年
樓市再一次下滑
廁紙哥屋苑的兩房戶, 大概 200 萬以下

當時, 廁紙媽拉我去睇樓
廁紙哥又聳恿我去買

從來都是屋村妹, 未住過私樓
廁紙心裡, 就以廁紙哥所住的屋苑做指標

廁紙媽拉我去睇的市區私樓
就算同是兩房戶, 不是單位比廁紙哥的細
就是外在環境不夠吸引
東涌的四個屋苑如渡假村一樣, 根本無得比啊
我甚至嫌棄市區私樓的 Lobby 不夠靚囉
( 請原諒我當時的低 B )

廁紙自己根本不想買
被逼去睇樓, 又如何

不想買
是因為當時我雖然供得起
但我根本無首期啊

當時還是單身的廁紙哥提出
加按他的物業, 給我付首期
供樓, 就我供
而間屋, 就以廁紙媽, 廁紙哥, 我, 三人同名

如果當年真的以這個方案去買的話
就算今時今日, 樓市翻幾翻
我相信, 廁紙哥都不會跟我計較

但是, 今時今日, 大家都成家了
就算廁紙哥不跟我計較, 廁紙嫂都可能會聳恿我哥跟我計吧

家族不和, 家族爭產
好多時, 都因為後來加入的家人而起

回想過來
當時無買
都未嘗不是好事啊

但當時何以無買呢
說到尾, 還不是廁紙自己的決定

當時雖然蜜運中
但根本未有結婚的打算, 買什麼樓呢
又不是無屋住
( 是啊, 我當時做人就是無打算 )

我甚至天真的以為
男朋友 / 先生會買啦, 用不著我去煩
但又不自量自己有無本事嫁個有錢人囉

還有, 還有
我天真到覺得自己一定嫁得出, 不需要買盛女屋
廁紙家已經是自置物業, 不會無屋住嘛
( 想罵我, 笑我的, 請隨便 )



*          *          *



2009 年
樓市開始回升
廁紙身邊的同事, 朋友, 都陸續買樓, 換樓

當時的我道
" 傻仔先買啊, 緊係等跌返落沙士價先買啦 "
( 請即管笑, 即管罵 , 即管打我吧, 我自己都想說自己抵死 )



*          *          *



又三年後
2012 年中
因為同事想買東涌樓, 又挑起我睇樓的意欲

當時
開始覺得真真正正有買樓需要了
拍拖五年, 又踏入中女
想結婚, 想逼婚, 自然想買樓

當時
遊走過東涌, 新界西, 九龍西睇樓

當時在荃灣睇的第一間屋
其實已經中心水了
但因為廁紙媽說
隔離座的同一單位比較好
( 但隔離座根本無放盤啊 )
OK, 我等
( 一個月後, 業主減價 20 萬, 以市價賣出 )

之後, 廁紙又在東涌看上心水單位
又因為廁紙媽的 " 高要求 "
OK, 又繼續等

再之後呢
又在青衣遇上廁紙的心水
又因為廁紙媽超級介意那個用望遠鏡才看得到的墳景
又放棄
最記得當時廁紙媽的一句
" 你要買, 就自己買飽佢啦 "
( 對比同年第一次睇樓, 當時樓價已經上升一成 )

我買樓
幹麼都要廁紙媽喜歡, 廁紙媽批准才行呢
無辦法啊
當時在首期方面, 或多或少都要廁紙媽放水嘛
再者, 當時同住一間屋, 為買樓而面阻阻, 好難捱吧

結果越睇, 樓價就越升
同事都買樓了, 我還是沒遇上廁紙媽的 " 心水 "



*          *          *



2013 年
籌劃結婚的一年

樓, 左睇右睇, 還是無結果
而樓價, 就繼續上升
那些當日看過的兩房私樓, 已經由三百幾, 升至過四百

當時考慮租樓之時
草紙提出, 不如買草紙正住的居屋屋苑

廁紙超級大口氣, 超級囂張的口吻回
" 邊有人買樓用自由市場價買居屋架, 我一定唔會買囉 "
( 白表綠表又無資格嘛 )

當時, 草紙住的屋苑
的確有兩個還不錯, 新裝修幾年的盤
但當時對草紙屋苑超級反感的廁紙, 當然處處挑剔
( 反感, 因為近草紙家, 也因為荒郊鄉野 )

其實最初也有想過婚後跟男家同住的, 但遭草紙媽一口拒絕
( 現在倒慶幸給草紙媽拒絕, 始終, 相見好, 同住難啊 )

買不成, 迫於無奈, 先租樓吧
寄望一年後會下調點點

不敢寄望樓價可以下跌幾多
下調一成都好吧

天意也好, 緣份也好
想租樓都難的時期
草紙姨的租客, 忽然退租
造就我地 Last Minute 租到筍盤

既跟草紙媽同一屋苑
居屋租金也相對平一點

同一樣的租金
居屋可以租 400 尺
但廁紙家附近的私樓, 只可以租 200 尺

結婚的同一個月才起租
時間上, 的確比較趕, 沒多準備就搬進去
但另一角度嘛, 就是租金慳得一個月得一個月呢



*          *          *



2014 年
租住差不多一年了
Home Sweet Home 沒有如想像中的荒郊鄉野

更因為這個居屋屋苑, 住的都是土生土長的香港人
住客質素還不錯
住落, 其實蠻不錯的

曾經好抗拒住近男家
又倒發現, 也有好的時候

雖然我不喜歡奶奶的飯菜
但當懶, 不想煮的時候
好又一餐, 不好又一餐, 還是可以啊
廁紙上通宵班, 草紙也可以回娘家小住
有飯吃之餘, 也省點冷氣費啊



*          *          *



2014 年 10 月
日本旅遊回來後的星期六
本來開開心心在家準備打 Blog
因為一封欠交管理費通知書
通知業主的同時
業主亦預告, 一年死約過後會加租
( 雖然當日沒有道明加幾多 )

一年死約, 一年生約
廁紙的理解, 加租是兩年後的事
所以一年前草紙提出兩年死約, 我就超級極度極力反對
( 當時廁紙超天真的認為, 一年後樓價會下調, 一定買到樓嘛, 不想兩年死約自困 )

但原來
今時今日, 樓價租價都瘋癲的年代
一年死約過後, 是會加租的

OK, 加租都算了
萬萬沒想到
貴為親戚的業主, 即是草紙姨, 都會在死約過後立即加租

廁紙問過身邊副業當包租公, 包租婆的同事
同事答, 只要租客正正常常, 準時交租, 一般都是生約過後才加, 好來好往
同事得知業主是親戚, 也覺得有點兒那個

廁紙自問準時交租, 又沒有麻煩過業主
即使我超級不滿那個會跳舞的洗衣機, 我都沒有出聲
換來的, 就是生約就加租

雖然加租後, 還是比市價平點點
( 不要以為只是我們單方面有 So,  業主同樣有得益呢  )
但心裡一定有條刺嘛

因為這突如其來的加租
即使當時未知道加幾多
一夜之間, 廁紙, 草紙, 決定買樓
回想過來, 倒要多謝草紙姨給我們買樓的動力啊

草紙分析
就 2014 這一年, 相對 2013, 樓價已經上升一成
租金, 一年我們就付出 12 萬

假設樓價不上升, 繼續橫行
每年, 我們還是要付出十幾萬的租金

就算樓價下跌嘛
市場上累積的購買力湧出, 樓價自然回升吧

既然負擔得起, 就買吧
即使將來加息, 就當加租 / 通帳吧
到時, 我們的工資都會同樣增加嘛

廁紙又想想
雖然未來幾年供應增加
但新樓盤大都位於大西北
( 市區的新樓又買不起啦 )
問心, 我真的不想住進大西北啊
我亦不覺得, 位於大西北的新樓, 會對市區樓價影響有幾多

不是要踩低大西北
只是, 兩家的家族大本營都在九龍區
我們又在九龍 / 港島區工作
如果住進大西北, 天天都要花幾小時在交通上, 找死吧
當然, 如果家族大本營本來就在大西北, 我早就買新界樓了

再想想
這一年, 我們雖然有自己的家, 租金亦是負擔得來的數目
草紙姨亦應該不會突然收樓
但租樓, 始終沒有安全感, 也不實在

家中好多好多我不滿的地方
都因為不是自己的屋, 而不可以 / 不值得去改善

廁紙嫌雪櫃超細小, 就算我願意自費再買一個, 都怕將來的家放不下
每次洗衣都跳舞跳過界的洗衣機, 又是因為怕將來放不下而不敢買
廚房的大小用具, 因為不可以鑽牆做掛鉤, 那些吸盤, 經常掉下, 超煩擾
如果有自己的家, 這些都不成問題了

盤算一下, 既然負擔得起, 還是買吧
我好想有自己的家, 我好想買 Sofa 啊
出 Blog 此刻, 我家還是只有五件平價傢私
只有一張床, 一個衣櫃, 兩個三桶櫃
可摺合飯桌, 都因為有需要, 草紙舅父說他送, 才買啊

那些幾年前看過的私樓
今時今日, 動輒都四百幾五百萬
以今時今日的按揭條款, 沒有一百萬都不用去睇吧

如果買四百幾萬的樓
首期上, 或多或少要家人幫忙
這個嘛, 廁紙不太想

始終, 家人都接近 / 已經退休
如果我拿了他們的老本
Touchwood 我將來有事, 自己顧不了自己之餘, 還要多照顧兩個
如果不用家人的老本呢
Touchwood 將來有事, 可以顧少兩個之餘, 他們還可能有本事打救我啊

草紙再一次提議
買草紙家住的屋苑
也就是現在所租住的居屋屋苑

草紙問
" 住左一年, 你係咪仲覺得差到無可能接受丫 "

老實說
住了一年
除了要 Shuttle 接駁這點
其他, 還不錯啊

正正因為是居屋
價錢亦相對平
如果同等價錢, 現在的居屋屋苑可以買 400 尺
但廁紙家附近的私樓, 只可以買 200 尺

第一間, 買細價樓
一來供樓負擔比較輕, 還是有多餘錢去吃好的, 玩好的, 去旅行
如果一開始就買五百萬的, 就如當年同學所言, 出街食餐飯都要考慮清楚了

廁紙又想一想
關上門, 自己家靚, 住得舒適就可以了
居屋還是私樓, 重要嗎

我明白, 要保值, 當然私樓好
但第一間屋乃自住需要, 投資比率接近零
保值與否就相對無所謂了

就正如廁紙娘家的自置公屋, 不保值又如何
自住, 根本不會賣啊

第一間買細價的, 多餘的錢就努力儲
到將來有能力, 再換樓, 或者多買一間做包租婆吧

由 2012 年開始
草紙足足用了三年時間說服我

廁紙屈服, 向現實低頭, 降低自己要求, 買居屋
但廁紙媽, 可不是這樣啊

廁紙媽還是沉醉當年廁紙哥買樓的童話
又覺得, 傻仔, 蠢人, 才會用自由市場價買居屋
廁紙媽一定極力反對啊

對樓市, 按揭, 理解得最少的廁紙媽
說得最多, 馬後炮得最多的是

" 邊個叫你一早唔買丫 "
" 我一早叫左你買架啦 "
( 當年我根本無錢買啊, 阿媽你又有去銀行問過按揭嗎 )

" 要買居屋晨早買左啦 "
( 當年話買用望遠鏡才看到的墳景, 你都反枱啊, 那敢說買居屋 )

還有廁紙爸超囂張, 又不屑的說
" 機會係留俾有準備嘅人 "
( 天啊, 生不逢時, 2003 年未出身, 到我有本事買, 又要廁紙媽滿意單位才放水啊 )
( 再者, 如果現在樓價下跌, 請問爸你自己又有本事買嗎 )

廁紙現在租住的單位景觀一流
買的一間嘛, 樓景囉
而且, 廚房貼近垃圾房

廁紙媽一定回想當年廁紙哥買樓時的 " 打橫黎 "
一定處處挑剔

當年, 一排屏風樓, 人家開賣中間的一座
廁紙媽 " 我要買單邊呢座, 你賣先揾我啦 "
2003 年無人敢買樓, 人家為了做生意, 特意開賣單邊的一座, 還要單位任她選

廁紙媽抱著當年的經驗
即使今時今日去睇二手樓
她依然覺得, 人家應該是全棟大厦大門全開任她選囉
" 睇唔岩咪唔買囉, 錢係我到, 你慌買唔到 "
( 請用超囂張的口吻說 )

廁紙草紙都同意
跟廁紙媽說買樓, 還要買居屋
一定諸多阻撓, 諸多挑剔, 買不成的

吸取兩位包租公同事經驗
既然不需要家人放水, 就先斬後湊吧
That's why 這一刻, 我還未跟廁紙媽 " 報喜 " 呢

草紙爸媽那邊
因為買的單位, 跟草紙爸媽同一屋苑
而草紙媽又經常聳恿我去睇樓
這個 " 先斬後湊 " 嘛, 無需擔心
就算有問題, 草紙處理就可以了

但因為草紙媽跟廁紙媽相熟
為免有人高興時漏口風
還是找機會才同步 " 報喜 " 吧

出 Blog 此刻
廁紙努力督促草紙
" 我就左你買呢到, 12 月啦, 你幫我諗店佢點同我媽講呀 "

大家
祝我好運吧

家變過後
再分享買樓, 按揭心得啊