貴得有道理 - Dermes

2013 年 7 月 10 日, 星期三



某天
廁紙媽從舅父家回來, 跟我說
" 陰功囉, 你表妹越大越似我地, 越大越唔靚...... "
( 廁紙媽那邊, 都是細眼扁鼻 )
正玩電腦的廁紙回一句 " 哦 "

廁紙媽繼續 " 最衰係, 似足我地, 一樣汗毛多, 好似男人生鬚咁 "
繼續玩電腦的廁紙 " 嘻...... 第日有錢去整整佢咪得囉 "
廁紙媽 " 整? 點整呀? 唔通下下去線面咩 "

廁紙媽對脫毛的認知, 就只有
用剃毛刀剃, 用眉夾拔, 線面
貪靚的廁紙媽, 亦不時去線面

繼續玩電腦, 無心對答的廁紙, 衝口而出 " 打激光咪得囉 "
完全不認識 Laser 脫毛的廁紙媽, 感興趣的問 " 真係得嘅咩, 幾錢架 "
玩電腦玩上隱, 不知自己在說什麼的廁紙答 " 八千至一萬啦 "
此時, 廁紙都還未醒覺自己衰多口
廁紙媽, " 如果真係得嘅, 咁又唔貴呀 "
還未知衰的廁紙, 眼繼續望電腦, 伸手過去 " 你睇下你個女我隻手咪知得唔得囉 "

直至有人捉實我隻手研究
才醒覺
今云大煲了

六年了, 原來廁紙媽六年來都無發覺我無晒 D 手毛
驚叫 " 係喎, 點解無晒 D 毛架 "
跟住, 又捉實我隻腳研究
" 一萬蚊, 無晒 D 毛, 抵丫 "

廁紙支吾以對答 " 一萬, 係唇毛喳 "
廁紙媽抽起我隻手檢查加拿大, 再問 " 咁你整左幾多, 幾錢呀 "

平常買件衫, 買對鞋
廁紙媽都說貴, 說我亂花錢, 那裡敢說, 我第一轉就脫了五萬, 答
" 合理價錢啦 "

廁紙媽未心息
但是, 已經放低我的手手腳腳
改為研究她自己的手手腳腳, " 係咪我呢 D 都打到架 "

本來以為會給廁紙媽罵爆
此刻, 我擔心我個荷包呢
" 你都一把年紀啦, 整咩丫 "

貪靚的廁紙媽, 拿著鏡子哄過來 " 我想整整呢 D 唇毛呀 "
暈



*          *          *          *          *



青春期過後, 廁紙就開始多毛
無辦法, 似阿媽嘛
加上, 那些年, 貪玩, 又貪靚
學人剃毛, 又用眉夾拔毛
越脫就越多, 越脫就越黑

用剃刀剃, 兩日就生一點點黑色
未夠長再剃, 但又拔不出來

用眉夾拔嘛, 加拿大的都無可能日日拔, 逐條拔啦
何況手手腳腳

直到有一天
我發現小腿上有點黑色
挑出來, 竟然有條長達一寸, 又粗又黑的毛
應該, 就是毛髮倒生了
毛髮倒生, 不得不處理啦
把心一橫, 打 Laser

當年, 還未太流行 Laser 脫毛
當時喪刨 She.com
找到三間有做 Laser 脫毛的公司

Dermes, 價錢最貴, 但最均真, 亦最多人讚, No Bad Comment, 同一個治療師跟進
B 公司, 比 Dermes 平, 但海鮮價, 有人亦 Comment 次次不同治療師
還有一家只得一間店在銅鑼灣, Comment 都不錯, 比 Dermes 平

基於廁紙的工作不可以預定兩個月後的某天有時間去做 Treatment
怕 Book 不到期的關係, 我最終選了當時只有兩間分店的 Dermes

當年, 在北京道一號的 Dermes, 店舖可是在整座大廈最低的一層
後來, 越搬越高
到我最後一次去北京道一號分店, Dermes 都已經搬到幾近頂樓了
( 後來我跟隨治療師調到朗豪坊 )

一開始, 我只做前臂, 小腿, 加拿大......
我連最尷尬的 Bikini Line 都有打啊
第一次, 用上五萬
( 不要問我 Exactly 做了幾多 Parts, 我只記得 Exactly 五萬 )

大概兩年後, 毛毛打得八八九九
又加了點小 Parts
又後來, 我終於敢打唇毛, 面毛

起初, 我都想打唇毛
但擔心會燒焦, 又擔心成效, 所以不敢
幾年後, 眼看自己都已經是成功的例子, 還有必要怕嗎
那就當然要靚啦

當時, 廣告說
兩個月一次, 打四次就成功

但治療師就跟我坦白
毛越黑越粗, 就越容易成功
四次, 加拿大都還可以
手毛腳毛就應該不可能
除非, 你的手毛腳毛是男人腳毛啦

又或者, 客人要求不高的話
四次之後, 遠看其實已經無毛了
但如果像廁紙般挑剔, 要近看都無一條毛
( 在燈光下照到的一條條細細白毛不算 )
一般要兩年
 
當時 Join Dermes 不是永久保養, 是四次之後一年保養
反正不用再加錢
時間, 我無所謂

可能廁紙的毛毛比較頑強, 又或者我要求高
打了兩年, 都已經脫去 99.99% 了
只是, 偶然還找到一兩條毛
治療師就幫我用眉筆圈起那些小位置重點打

2006 年到現在, 七年了
都還沒有復發, 效果超好
就算連加拿大, 都光滑得像小女孩未發育未出毛般白滑

記得早前有 Blog 友去試身時, 店員說的 " 啦啦球 "
慶幸, 我的 " 啦啦球 " 一早處理好, 而不是為結婚靚一天而臨急抱佛腳

早在自己 Join 了兩年後
已經以自己做活生生的例子向身邊朋友推介 Dermes
不知, 是因為錢的問題, 還是怕 Laser 的問題
身邊朋友, 無一個肯 Join

去年呢, 朋友 J 要結婚
才急急找我問 Laser 脫毛
( 心想, 一早就叫你去打啦 )
遲了幾年, 加了價, 亦靚少幾年, 何必呢
最陰公是, 朋友 J 的毛髮倒生嚴重, 要先做果酸 Treatment
早幾年聽我說的話, 應該可以省回果酸 Treatment 嘛
要靚, 早做早享受啊

有人問, 打 Laser 痛嗎
其他公司, 我不知道
Dermes 的, 不會啦
Dermes 的凍風機, 吹的你只會感到凍, 不覺得痛呢
就算是 Bikini Line 的敏感位置, 都無事
不過, 我只是做 Bikini Line, 不是 Full Bikini 呢

有朋友幫襯那家以醫生做招徠的公司
沒有凍風機, 要搽 Emla
你問我, 我不主張用藥呢
我跟朋友都想知, 搽 Emla, 會 Emla Overdose 嗎
而那 Emla 不是免費, 要錢買
那何不一開始花多點點錢去享受 Dermes 的 Service 呢

基本上, 全身要脫的毛都已經脫了
效果超滿意
後來, 治療師介紹打面
貪靚的廁紙, 又試

打面毛嘛
老實說, 應該是面毛本身就比較幼, 效果不是太明顯
要成功, 要點時間
治療師都說, 起碼十次
當然, 四次和十次都是同一價錢啦
( Dermes 以身體部份算錢, 不是算次數 )

驚喜的是, 面打 Laser 後, 皮膚好了
記得剛打的那一年冬天
明明天氣比早一年的冬天更乾燥
而我用同一護膚品的情況下
有打 Laser 的那一年冬天, 皮膚更好, 亦更容易上粉
雖然打額頭超辛苦, 凍風吹的頭赤痛
想想效果, 我忍

七年了, 效果超好
雖然貴, 但絕對值得
極力推介 Dermes

雖然, 有時候發夢
會夢見自己忽然變回毛女
而我亦有想過
懷孕生 B 後, 荷爾蒙改變, 毛毛會再生嗎