窮男友與富男友

2011 年 10 月 9 日, 星期日



久別相聚, 跟中學同學來個 Brunch @ Applegreen
有即將結婚的姊妹 J, 也有蜜運中的姊妹 K

三個女生, Bilibala Wahaha
由工作, 男友, 到籌備婚禮, 無所不談

姊妹 K 提到
跟男友一起將近四年
住在一起, 也至少兩年
但姊妹 K 笑言, " 仲未有人話要娶我 "

女生想結婚, 男生未想, 未 Ready
相信每對情侶 ( 尤其是年紀相約的情侶 ) 都曾經經歷過
女生, 亦一定曾經唔開心過

曾經有同事問廁紙
" 一個男人, 事業有成, 有車有樓, 點解仲唔同人結婚丫? "
我答 " 因為佢想娶果個唔係依家果個囉 "

姊妹 K 提到
男友在保險公司做精算, 而且已經有兩層物業
有事業, 有樓, 絕對有條件結婚啦
可是, 男友情願男人與狗, 都還未想跟姊姊 K 結婚

狗, 是男友跟前度女友養的
姊妹 K 縱然不喜歡, 甚至討厭狗狗, 也得接受
因為姊妹 K 明白, 男友當日要養狗, 是一個承諾
不可以因為現任女友不喜歡, 就將之棄掉
只是, 姊妹 K 實在討厭要幫狗狗清理大小二便
尤其是狗狗經常在不應該的地方大小二便
姊妹 K 多次要求男友自己照顧狗狗
男友卻回一句, " 你係度住, 做返 D 野都好應該 "
姊妹 K 曾經跟男友商量買狗籠 
可男友卻認為殘忍, 甚至形容姊妹 K 是後底乸
姊妹 K 又曾經提議, 既然男友無時間照顧, 不如將狗狗交還前女友
男友反問 " 點解你唔可以愛屋及烏? "

廁紙聽到這裡
我反而想問, " 點解男友唔可以顧一顧現任女友的感受呢? "
我相信, 姊妹 K 並非介意狗狗是男友跟前女友養的
只是, 姊妹 K 的的確確極度討厭狗嘛

我相信, 男友喜歡, 重視前女友, 多於姊妹 K 囉
我猜到, 姊妹 K 自己都應該知道

姊妹 K 也明言
跟男友一起, 其實大家好多地方都唔夾
要付出好多, 遷就好多, 改變自己, 適應男友
姊妹 K 早陣子也認真想過
這一個人, 究竟適唔適合自己

不放手, 是因為考慮到自己已年界中女
又付出了幾年時間
總不想現在才止蝕離埸
但是, 守下去, 又真的可以嗎, 有回報嗎

有個精算師男友, 但是對方好像不太重視自己
眼見一位嫁醫生的朋友, 總被丈夫 " 食住 "
廁紙忽然感慨
有個富男友, 是不是真的好呢
表面看似風光, 背後的辛酸, 又有幾多人知

我的一個窮男友
雖然無事業, 無物業
但是, 時時刻刻都待我好
其實, 我, 是不是應該更幸福呢

感激窮男友對我的愛, 對我的付出
感激自己這些年來的用心經營
也感激我遇見



*     *     *     *     *



升級後的第一 Blog
好唔慣呀

其實還有好幾篇 Blog 想寫
不過, 無從入手