去年吃過迪士尼 Corner Cafe 的萬聖節大餐
今年暑假, 也要一嚐夏日史迪仔大餐
前菜 菠蘿火雞釀番茄沙律
主菜 香煎牛柳配蝦伴野米飯
甜品 忌廉芝士菠蘿批伴椰子雪糕
三道菜, 成為 HKD $145
特飲 夏日藍天史迪仔
成為 HKD $30
整個餐, 看不出有什麼史迪仔特色, 也不怎麼美味
跟去年的萬聖節大餐差很遠唷
主餐牌上的小食籃還要好吃
2009年8月18日 星期二
男人都喜歡女人嗲 ?
事緣, 某爸爸級同事說起他怎樣怎樣偏心阿女, 直認不違, 皆因
" 阿女識得虛寒問暖, 仲唔 " 冧 " 死 "
" 阿仔呢, 有事就識得叫老豆, 無事就淨係掛住打機 "
廁紙回想, 廁紙媽就經常說
" 你老豆已經錫到你燶, 係你唔識得嗲你老豆, 如果唔係, 你要咩都得啦 "
男人真的這麼喜歡女人嗲?
有一天, 廁紙問草紙
" 係咪所有男人都中意女人嗲架? "
" 你見依家好多公司嘅高層都係女人就知啦 "
又 O 嘴, 無言以對
草紙補充 " 家下 D 女人越來越叻, 事業為重, 唔靠男人, 唔嗲男人, 無仔溝咯, 咪寄情工作囉, 越做得叻, 眼角就越高, 更加唔會嗲, 邊有仔要丫 "
" 我都唔識嗲, 唔中意嗲架, 咁你又要? "
" 呢個係你嘅性格, 我改變唔到, 中意你, 就要中意埋你嘅缺點 "
" 次次都唔夠你講 "
" 你呢 D 做公營機構嘅, 個腦邊有我呢 D 做商界嘅轉得快 "
我個腦幾時先可以轉得快 D ?
2009年8月17日 星期一
倍產 ? ( 下 )
每次問草紙 " 假如有一天...... 你會怎樣怎樣? "
草紙每次都答 " 我不會答假設性問題 "
不過, 總有例外的時候
為保留原創味道, 以下對話會用廣東口語記錄
" 假如有一日, 你同我結左婚, 我突然要生仔, 而你又返緊工, 你會點? "
" 梗係即刻去醫院睇你啦 "
" 你返梗工喎, 一定走得甩架? "
" 我同老細, 同事講清楚, 人地點都會體諒, 放我走啦 "
" 咁如果真係走唔到呢? "
" 大不了咪唔撈囉, 老婆緊要定返工緊要先? 工無左可以搵過, 老婆, 無得搵過架喎, 你都係中意佢先同佢結婚啫, 梗係去醫院倍老婆生仔啦 "
" 但係可能痛好耐, 痛十幾廿個鐘都仲未生得喎, 咁你又係醫院倍我等呀? "
" 咪一齊等囉, 都要等架啦 "
" 又如果, 你原先只打算用幾萬蚊係私家醫院自然分娩, 但係我唔想痛, 我想開刀或者無痛分娩, 又要俾多幾萬, 咁你點呀? "
" 都要俾架啦, 你唔會預錢只係預到岩岩好架嘛, 預左會有突發事情要用多左錢架嘛 "
" 俾多好多錢喎, 你唔肉痛架? "
" 都要俾架啦, 家下兩條人命喎, 錢, 無左可以搵過, 老婆無左搵唔返喎, 點都要俾架啦 "
" 嗯 "
" 我咁答, 你放心啦 "
" 咁你係咪真係會倍我生仔架? "
" 嗱, 我會係你隔離倍你等到你生, 但係你唔好要我睇住你生囉, 我驚血, 好核突 "
" 咁我又唔會勉強你睇住我生, 不過至少你都要係醫院範圍內, 而唔係我生仔, 你就風花雪月囉 "
" 我實倍你生, 你知你地 D 女人幾小器架啦, 唔倍喎, 過得呢鋪, 以後每次嘈架都拎黎講, 仲唔煩都煩死呀! "
O 晒嘴, 原來呢個先係重點
倍產 ? ( 上 )
前陣子, 聞說一件真人真事, 廁紙極度反感, 回家問廁紙媽
" 當年你生我同阿哥時, 老豆係邊呀? "
廁紙媽毫不在乎的答 " 返工卦 "
" 咁你無通知佢你生得咩? "
" 以前邊有手提電話啫, 要生就俾人推去生架啦, 生完先有得問人借電話打架嘛 "
" 咁你唔想老豆係醫院倍你生咩? "
" 唔駛做呀? 要生就生架啦, 駛咩人倍呀 "
" 如果今時今日嘅環境, 你都覺得老豆唔駛係醫院倍你生仔咩? "
" 唔通你痛十幾廿個鐘都未生得, 人地又係到同你一齊等呀? "
可能十幾廿年前, 經濟, 環境都未許可丈夫倍產
所以廁紙媽也不在乎自己產子的同時, 丈夫在那, 在做什麼
但是, 身為這個年代女生的廁紙, 著實接受不了丈夫不倍產
我不是要求你看著我生, 但至少, 你都應該在醫院倍我一起等, 在產房外等
不過好笑的是, 兩母女討論期間
廁紙爸默不作聲, 努力扮看電視, 不參與討論
2009年8月6日 星期四
迪士尼簽名事件簿 (四)
2009 年 7 月 20 日
跳跳虎
一個月左右, 就簽了十二個名
這本簽名簿, 也只剩兩版, 要再買一本新的
還有 Daisy, 睡公主, 白雪公主, 灰姑娘, 巴斯光年, Marie 貓, Chip, Dale, 胡迪, 翠絲......
不過, 要碰上這些角色, 就要看運氣
記得廁紙第一次去香港迪士尼
沒有故意找, 也輕易遇上 Marie 貓, Chip, Dale, 胡迪, 翠絲
感覺現在迪士尼很少安排這些不太熱門的卡通人物影相
2009 年 8 月 2 日
迪士尼推出四週年禮品, 又過一年啦
找到四週年簽名簿, 當然要買啦, 好靚唷
迪士尼簽名事件簿 (二)
2009 年 7 月 4 日
Winnie the Pooh
Merlin
這個角色, 廁紙不知道是那套卡通的
據當日魔法伯伯所講, 那套卡通播影時, 廁紙還沒出世
上網找找資料, 應該是 1963 年 12 月 25 日推出
" The Sword in the Stone ", 中文譯為 < 石中神劍 >
幻想世界, 旋轉木馬前的石中神劍, 就是他的
3D 米奇後的商店, 也用上他的名字
花木蘭
迪士尼眾多公主之中, 廁紙最喜歡花木蘭
華裔角色, 倍感親切
也最喜歡花木蘭的簽名
他朝有日, 廁紙找回當年在巴黎迪士尼買的花木蘭摺扇, 一定拿去跟花木蘭影相
Belle
訂閱：
文章 (Atom)