2009 Feb 18 韓國第三天 Part 1

整天都是滑雪天.

原先不打算滑雪的, 只想摸下雪, 踩下雪, 在雪地影相, 特登買對 Gore-tex boot, 防水防跣, 方便係雪地行走.

事關之前睇 Blog, Forum, 好多人話俾導遊呃, 唔滑雪都要租對鞋係雪地行走, 租的費用亦唔平, 加上衛生問題, 倒不如自己買對. 剛巧, 我又買到一對好平的 Boot 嘛!

鳳凰城滑雪場

導遊話佢唔識 Ski, Ski 好難學. 如果要玩 Ski, 就要睇人數, 人多就幫我地請教練, 不過費用唔平, 而且教練講韓文.

導遊又話, 依家年輕人都玩 Snowboard, 型嘛, 無人玩 Ski 啦. 如果玩 Snowboard 佢可以免費教團友. 又話之前帶團, 五歲的團友學得最快, 好容易學. 所以玩 Snowboard 就要買登山吊車, 因為好快學識可以坐吊車上高的地方滑.

好, 廁紙改變主意, 跟其他團友一齊玩 Snowboard. 廁紙媽啦, 還是不要玩好了, 一副老骨頭, 跌一下都可能很麻煩呀, 我可不想這個時候參觀韓國的醫院呀. 再者, 我們返港隔天, 還要去泰國啊, 所以她只買了單次來回觀光覽車算啦.

先去租滑雪衫褲, 整爛, 整污糟都不用賠的.

滑雪衫褲一套 Won 20000 ( 單要衫或褲一件都是 Won 20000 )

滑雪眼鏡 Won 15000

屁股墊加一對護膝 Won 7000

手套 Won 10000 ( 買的, 無租的 )

原來韓國大部份滑雪場都是免費入場的, 只是登山吊車, 觀光覽車, 租滑雪用具要錢.

Snowboard Won 26000

無限次登山吊車 + 單次來回觀光覽車 Won 52000

單次來回觀光覽車 Won 22000

結果啦, 大部份團友都學識 Snowboard, 更有團友玩更高級的滑雪道.

我啦, 第一次係初級滑雪道, 滑了不到十份一, 就跌倒啦, 屁股先落地, 痛的完全動不了. 屁股墊都保不了我的屁股啊! 那一刻只想到, 我不是 Fracture 吧, 我還要去泰國架, 玩什麼, 乖乖係雪地影下相, 摸下雪, 踩下雪, 幹麼學人玩 Snowboard. 怎麼求救啦? 人家可能以為我坐低休息啦!

還好, 還有知覺, 休息一下就可以動啦. 心想, 一定要起身, 休息都要先爬埋一邊, 要不人家一個不小心撞過來怎辦?

終於可以起身, 可我不敢再滑啦, 唯有將 Snowboard 當雪兜坐滑下山. 原來不行的, 我雖沒有給工作人員吹雞, 但一路滑下去, 雪全都打到面上, 弄的成口雪, 還好有滑雪眼鏡, 要不眼都盲啦! 中途滑雪衫還爆拉鍊, 好彩不用賠, 不過全身都是雪啦, 最後還是乖乖行落山算了.

廁紙不甘心花了 Won 52000 就此了結, 我可要再搭登山吊車呀, 沿途風景好美唷. 第二次就拿著 Handycam 再搭登山吊車上去影個夠. 當然, 早預了要再行落山呀!

 

2009 Feb 17 韓國第二天

雪嶽山公園, 新興寺

Aqua World Sorak 水上樂園, 就在我們第二晚住的大明渡假村內. Aqua World Sorak 跟我哥形容的一樣, 我家樓下的會所靚過佢. 所謂的水上樂園, 只是室外的小型滑水梯, 不過冬季不開放. 我倒喜歡那個躺在水的水力按摩, 好舒服.

導遊說一定要帶泳帽,很多韓國人都無帶呀, 職員都無理. 當然, 外國人個個都乖乖的帶泳帽, 所以不知道如果外國人不帶泳帽會不會被趕離場.

廁紙跟廁紙媽嘆完玩完, 就直接在 Aqua World Sorak 的更衣室洗澡. 韓國的更衣室不像香港的, 更衣室內沒有獨立的更衣室和沐浴間. 我們跟韓國人一樣, 光脫脫的洗啦. 我倒沒有尷尬什麼, 反正, 我有什麼 Body 未見過. 我有的, 人家都有, 我無的, 人家可能都有. 更衣室還提供 Face Toner, Lotion, Body Lotion, 風筒, 梳, 還有一部機用來消毒梳.  

是日晚餐, 由於位處郊區, 只好跟導遊去吃自費魚生海鮮餐, 每位 Won 35000.

除了烤栗米, 大部份都小食都是凍的.

魷魚鬚本來都是凍的, 吃不慣, 放上鐵板加點豉油燒, 跟香港吃的差不多.

中間起火的是火焰燒螺

原條魚生, 什麼魚就忘了.

Won 35000 一位, 不過不失啦. 不是吃的特別好, 只是在韓國吃飯, 就算普普通通的, 都不便宜啦. 而且, 我好喜歡那個任吃的鮑魚粥, 雖則吃不了多少粒鮑魚, 但那麻油味的粥, 好好味唷!

2009 Feb 16 韓國第一天 Part 2

去明洞, 買呀! 買呀! 買呀!

好彩拖了我和草紙的 Shopping Bag 去!

可恨, 走了很多間, 還是買不了 Missha 的 Pumpkin Mask, 明洞周圍都缺貨.

樂天百貨, 門上的扶手都包了軟墊, 不會有靜電, 不會凍, 好細心喔!

是日晚餐, 明洞餃子. 餐牌只有三款食物, 除了我們叫的, 還有一款冷麵.

餃子餡太多, 肉太實, 反而雲吞麵比較好吃. 因為行的又累又冷, 只想吃熱的, 就沒有叫冷麵. 後來看人家的 Blog 說, 那個冷麵最可口, 好後悔沒試冷麵啊!

最後一站, 地鐵首爾站 Lotte Mart. 好大好大的兩層超級市場, 還有 Laneige Counter. 

Lock & Lock 膠盒, 還有令一隻 Made in Korea 的玻璃餐盒都平香港一半呀!  

本沒有打算買 Laneige 的, 因為當年 Laneige 初來港時用過覺得比較笠, 之後都沒再試啦. 但是給 Sales 姐姐硬拉過去, 用 Sample, Gift Set 引我. 好吧, Sales 姐姐半推半就的再給我 Double 份量的 Sample, Gift Set, Won 62000 買回去試試.   

再買了點紫菜, 水, 才十點, 就給我媽催回去啦!

回到酒店才十時多, 上網同草紙玩 Skype, 第一天就此結束.

2009 Feb 16 韓國第一天 Part 1

清晨到埗, 係機場梳洗後就去 Seven Luck 賭場.

之後去東大門同清溪川, 周圍都未開門, 條街好冷清, 廁紙的手指都凍得紅紅的.

無街行, 唯有不斷影相. 教了廁紙媽好多次, 她依然不會用我部相機, 不是矇, 就是震, 好在有帶趴地熊去, 要不, 廁紙一張靚相都沒有. 團友倒是很奇怪, 幹麼我用傻瓜機, 卻帶大腳架? 我都不想呀, 誰叫我媽不會影相!

食完午飯, 秘製烤排骨, 十二點多就返酒店. 我不否認有團友係需要瞓覺, 不過似係導遊想早收工多啦.

導遊又話夜晚會同領隊出去食長腳蟹, 有興趣就跟住去, 可是要自己坐地鐵, 無旅遊巴接送. 

第一晚住 Best Western Premier Seoul Garden Hotel, 對面就係地鐵 Mapo Station. 不甘就此浪費一整天, 於是靠自己, 出去自遊行.

第一站係 Anguk Station, <冬季戀歌> 拍攝地, 首爾中央高校.

由 Anguk Station 行去首爾中央高校要十五分鐘, 沿路應該係民居. 辛苦行到去, 原來不准入呀, 在門口影張相都不行, 閃閃旅遊書怎麼不寫清楚啊? 門口的保安凶的想打人, 嚇得急急腳走人.

沿路行返去 Anguk Station, 有個建築物好靚, 本想拎相機出來影相, 點知有個女人示意不可以, 當然, 又是不太友善的模樣.

算吧! 下一站, 明洞.

十二年後 捲土重來

原本打算去日本, 可是 Yen 升得高, 不值啦. 加上同事力說韓國跟日本差不多, 而 Won 又平得多. 好吧! 上一次去韓國是 1997 年, 十二年後, 捲土重來.

本想自遊行的, 閃閃旅遊書都買了. 但是, 基於同廁紙媽去, 自遊行要自己安排交通, 好像不太方便. 而且去滑雪場的費用太貴, 如果只是摸下雪, 踩下雪, 還是跟團比較化算.

當然, 跟旅行團, 還是十萬個不願意. 明知 Check-in 不可以自己選位, 酒店也不一定有免費上網, 團友又不知會否夾得來, 領隊, 導遊態度不好, Hard Sell 早就預了, 唯有自己醒少少, 少點受騙就是了.

經過廁紙的至抵精明眼, 2 月 16 零晨坐 Asiana B767 - 300 出發......

十二年前坐 Korean Air, 今次我要坐 Asiana.

這個 OZ 飛機餐, 係自從 1997 年坐 JL736 食日式咖哩牛肉, 同1998 年坐 SQ 由新加坡去檳城的辣海鮮飯後, 令一個好味的飛機餐, 兩款都不錯呀.

穿新鞋 去首爾

情人節那天, 草紙倍廁紙買了對 Columbia Gore-tex Boot, 東涌 Outlet 價才 HKD $599.

這對 Boot 本來是草紙看上的男裝 Boot, 我原先不喜歡啦, 因為我想買女裝. 可是這對半價 HKD $599 只剩最細的 Size 40 同 41, 草紙穿不下, 廁紙穿竟然剛剛好. 標的是 Size 40, 內裡其實只有 38, 怪不得賣不出啦, 男人腳那有這麼細.

既然草紙好喜歡這對 Boot, 我當然要買啦, 穿給草紙看, 他會妒忌死的.

穿新鞋, 去首爾, 超開心呀! 防水, 透氣, 不跣腳, 名牌果真不同, 穿的好舒服呀! 草紙眼光好好呀, 穿上後我都好喜歡喔!

草紙妒忌死了!

草紙, 請放心, 廁紙會倍你找一對合心水的 Boot 噢!

 

泰國 Center Point 三人行

一星期前上網 Book 定到埗先來個 Spa, 買一送一, 我選了 Spa 3. 原價 Baht 2500 per person, 3.5 小時, 包括 Body Scrub, Aromatherapy Body Massage, Herbal Massage, Full Course of Facial Treatment. Email 問佢第三人可唔可以半價, 好快回覆話 OK. 當時對佢的 Service 滿有期望, 因為第一印象真的不錯.

我 Book 左 Silom Branch, 依佢的地圖都唔算難找, 只係位於一條似後巷的橫街, 即時大打折扣. 入到間鋪, 又無佢網站的相般靚同大, 只係拍攝手法將間鋪影得好大好靚. 或者係因為我第一次係泰國做 Spa, 期望高了點吧, 也許泰國的 Spa 一般都是這樣.

Body Scrub 同 Aroma oil 都有幾款選擇, 我選了一個叫 Naomi 的, 是 Scrub 還是 Oil 就忘啦, 味道很討好, 很特別.

Body Scrub 的磨砂粒子幼得很, 用上面我都覺得不夠啦, 磨身嘛, 磨了等於無磨. 而且Center Point 好慳家, 用好少份量, 我感覺只是姐姐的手在磨, 沒有粒子, 乾的很, 更莫講話磨完有滑滑的感覺.

Aromatherapy Body Massage 啦, 選 Oil 時倒有陣香氣, 按的時候卻聞不到什麼. 可能是因為 Center Point 沒有點同類的香薰吧, 加上又繼續慳家本色, 用極少的油搽. 無錯, 是搽, 不是按. 我只感覺姐姐先將少少油放係掌心, 再幫我搽. 油的份量不足, 感覺就是姐姐的手在乾推. 那乾推, 就是夾硬拉扯皮膚的感覺, 完全沒有用力按摩.

Herbal Massage, 以前未做過, 沒的比較. 就是一個熱熱的草球, 姐姐像蓋圖章般壓落我身.

Full Course of Facial Treatment, 從未係泰國做過 Facial, 可能泰式跟港式 Facial 本來就有分別吧. 先來 Cleansing Milk 洗面, 可是姐姐做的超求其, 鼻翼最污糟啦, 姐姐抹都沒抹過, 只在額頭同面珠打圈, 那打圈的範圍亦細的可憐, 更加莫說髮邊位置啦. 再來一個不知是磨砂還是深層清潔的面膜, 姐姐繼續避開污糟的鼻翼同下巴, 只在面珠推就算. 真的是推, 力度少的好像沒碰到我. 沒有針清亦沒有按摩, 之後好像是放了青瓜加冰凍毛巾就完成了. 整個 Facial 感覺就是, 做了等於無做, 污糟的地方全避開了, 只是面珠給姐姐輕輕的碰幾下. 我爸形容是, "晒時間, 揼波鐘".

整體來說, 好失望! Baht 1250 一個人, 我不知道以上服務在泰國是不是市價, 還是我不好彩啦. 因為先前看人家的 Feedback 都是不錯的, 還是我要求太高? 我在香港做過一次, Spa, Body Scrub, Aroma Massage, Hair Mask, Hand Mask, Foot Mask 可是很滿意的, 首次試做價也是 HKD $2xx, 當然也就只此一次.

第一晚係 Center Point 的經驗不太好, 原打算走前再到 Urban Retreat 都沒去啦, 怕浪費錢, 浪費時間, 又失望!